ထိုင်းအမျိုးသမီး ဇနီးဖြစ်သူအား သတ်ဖြတ်မှုဖြင့် မြန်မာတဦး ဖမ်းဆီးခံရ
DVB
·
November 9, 2017
ထိုင်းတောင်ပိုင်း တရန်းခရိုင် ကတန်မြို့နယ်ရှိ ရာဘာတောအတွင်း သတ်ဖြတ်ခံထားရတဲ့ အမျိုးသမီးတဦးအလောင်းကို တွေ့ရှိပြီးတဲ့နောက် သေဆုံးသူရဲ့ ခင်ပွန်းဖြစ်သူ မြန်မာအလုပ်သမားကို ရဲတွေက ဖမ်းဆီးလိုက်ပါတယ်။
ကတန်မြို့နယ် ဘန့်ခုတ်ယန်အုပ်စု နယ်မြေ ၈ မှာ ရာဘာစေးခြစ်သူ မြန်မာအလုပ်သမား နိုင်းအို ခေါ် မိုး (အသက် ၂၈ နှစ်) ဆိုသူမှာ ပြီးခဲ့တဲ့ နိုဝင်ဘာ ၇ ရက်နေ့ ည ၈ နာရီလောက်က သေဆုံးသူ အမျိုးသမီးရဲ့ ဖခင် (သူ့ယောက္ခမ)ထံ သမီးကိုလာခေါ်သွားဖို့နဲ့ သူ့ကိုခွင့်လွှတ်ဖို့ ဖုန်းဆက်ပြောကြားပြီး ဖုန်းချသွားကြောင်း၊ အဲဒီနောက် ယောက္ခမက သမီးဖြစ်သူကို သွားခေါ်ရာ မှာ သူတို့နေအိမ်ရဲ့ အနောက်ဘက် ရာဘာတောထဲမှာ ဒဏ်ရာတွေနဲ့ သေဆုံးနေတာတွေ့ရှိခဲ့တယ်လို့ ကတန်ရဲစခန်း တာဝန်ကျ ရဲအုပ် ဘွန်းလိုတ် ၀မ်ကယောက်က သတင်းထောက်တွေကို ပြောပါတယ်။
အခင်းဖြစ်ပွားပြီးတဲ့နောက် နိုင်းအို ခေါ် မိုး ဟာ ချွန်းဖွန်းခရိုင်ဘက် ထွက်ပြေးတိမ်းရှောင် သွားကြောင်းသိရတဲ့အတွက် ချွန်းဖွန်းရဲတွေရဲ့အကူအညီနဲ့ ယမန်နေ့ ည ၈ နာရီခွဲမှာ သူ့ကို ဖမ်းဆီးရမိခဲ့ပြီး လောလောဆယ် တရန်းခရိုင်ကို ပြန်လည်ခေါ်ဆောင်လာနေဆဲဘဲလို့ ဆိုပါ တယ်။
ဒီမတိုင်ခင် ယမန်နေ့ မနက်ပိုင်းက ရာဘာတောထဲမှာ အမျိုးသမီးအလောင်းတွေ့ရှိကြောင်း သတင်းပေးပို့ချက်ရရှိတဲ့အတွက် တာဝန်ရှိသူတွေနဲ့အတူ သွားရောက်စစ်ဆေးရာမှာ ဘန့်ခုတ်ယန်အုပ်စု လမ်းမကြီးရဲ့ အတွင်းပိုင်း ၈၀၀ မီတာ ရာဘာတောထဲမှာ ပက်လက် အနေအထားနဲ့ ခန္ဓာကိုယ်ကို စောင်လွှမ်းထားပြီး ဦးခေါင်းကို ရေပုံးအနက်နဲ့စွပ်ထားတဲ့ အမျိုးသမီးတဦးအလောင်း တွေ့ရကြောင်း၊ အလောင်းကိုစစ်ဆေးရာမှာ ခန္ဓာကိုယ်မှာ အညိုအမည်းဒဏ်ရာနဲ့ လည်ပင်းမှာလည်း အလျားလိုက်ပြတ်ရှဒဏ်ရာကို တွေ့ရတယ်လို့ ကတန်ရဲစခန်းရဲအုပ်က ဆက်ပြောပါတယ်။
ဆက်လက်စစ်ဆေးချက်အရ သေဆုံးသူမှာ အသက် ၃၃ နှစ်ရွယ် ထိုင်းအမျိုးသမီး ၀ိလင်းထရားဖိလားဖန်းဖြစ်ပြီး နိုင်းအိုနဲ့ ပေါင်းသင်းနေထိုင်တာ တစ်နှစ်ကျော်ပြီဖြစ်ကြောင်း၊ သမီးကိုလာခေါ်ဖို့ ဖုန်းဆက်စဉ်က အသတ်ခံရတယ်လို့ လုံးဝထင်မထားကြောင်း၊ ရက်စက်စွာ အသတ်ခံထားရတဲ့ သမီးအလောင်းကို တွေ့ရှိမှ အလွန်တရာထိတ်လန့်ဝမ်းနည်းပြီး သမက်ကို ထိရောက်တဲ့ ပြစ်ဒဏ်ပေးဖို့ ရဲကိုတောင်းဆိုထားတယ်လို့ ဆိုပါတယ်။
သေဆုံးသူ ၀ိလင်းထရားမှာ ယခင်က ခင်ပွန်းဟောင်းနဲ့ ကွာရှင်းပြီးမှ နိုင်းအိုနဲ့ ပေါင်းသင်းနေထိုင်ကြောင်း၊ သူမမှာ အရင်အိမ်ထောင်နဲ့ ကလေး ၂ ယောက်ရှိပြီး ကလေးတွေ ကလည်း သူတို့ပထွေးဟာ အလွန်သ၀န်တိုကာ မိခင်နှင့် မကြာခဏ စကားများရန်ဖြစ်လေ့ ရှိကြောင်း၊ ပြီးခဲ့တဲ့ ၆ ရက်နေ့ကလည်း အကြီးအကျယ် စကားများရန်ဖြစ်ခဲ့လို့ မောင်နှမ နှစ်ယောက် ဖခင်အရင်းထံပြန်ခဲ့တယ်လို့ ရဲကိုပြောပါတယ်။
တာဝန်ရှိသူတွေ သွားခေါ်နေတဲ့ နိုင်းအို ခေါ် မိုးဟာ ကတန်မြို့ကို ပြန်ရောက်လာရင် သူလုပ်ခဲ့တာတွေအားလုံး အစအဆုံး ပြန်လည်သရုပ်ဖော်ခိုင်းမယ်လို့ ရဲက ပြောသွားပါတယ်။
ကိုးကား - ခေါဝ်ဆွတ် ၊ ထိုင်းရတ်
