မွေးကင်းစ မေးခိုင်ရောဂါ ကာကွယ်ပါ
DVB
·
November 9, 2017
''ကလေးလေးက ဘာဖြစ်မှန်း မသိဘူး။ နို့မစို့ဘူး။ ပါးစပ်ကို အတင်းစေ့ထားတယ်''
''ကလေးက တကိုယ်လုံး တောင့်နေတယ်။ ပြီးတော့ ကော့ကော့တက်နေတယ်''
''ကလေးက ကိုင်လိုက်တာနဲ့ ဆတ်ခနဲ ဆတ်ခနဲ ဖြစ်သွားတယ်။ စိုးရိမ်ရလားဟင်''
စသည်ဖြင့် မွေးကင်းစဆောင်သို့ အတွင်းလူနာအဖြစ် တက်ရောက်လာသော မွေးကင်းစ လူနာလေးများ၏ မိခင်များထံမှ ကြားရသော အသံများပင် ဖြစ်ပါသည်။ ထိုအသံများသည် စာရေးသူ ဝန်ထမ်းအဖြစ် အလုပ်ဝင်စအချိန်ဖြစ်သည့် လွန်ခဲ့သော နှစ်ပေါင်း ၃ဝ ကျော်က မကြာခဏ ကြားရပါသည်။ ယခုနောက်ပိုင်းတွင် ရံခါသာ ကြားရပါသည်။ အကြောင်းမှာ မွေးကင်းစ မေးခိုင်ရောဂါဖြစ်နှုန်း လွန်စွာနည်းပါးသွားသောကြောင့် ဖြစ်ပါသည်။
ဘာကြောင့်ဖြစ်ရသလဲ …
မွေးကင်းစ မေးခိုင်ရောဂါသည် အောက်ဆီဂျင်မရှိသည့် နေရာများဖြစ်သော အနာ၊ ပြည်၊ မသန့်ရှင်းသည့် အရေပြား အစရှိသည်တို့တွင် ပေါက်ဖွား ပွားများလေ့ရှိသော ဘက်တီးရီးယားပိုး Clostridium tetani ကြောင့် ဖြစ်ရပါသည်။ ထိုပိုးမှ အဆိပ်တမျိုး ထုတ်ပါသည်။ ထိုအဆိပ်ကြောင့် လူနာ၏ ကြွက်သားများ ဆတ်ခနဲ ဆတ်ခနဲဖြစ်ခြင်း၊ ဇက်လန်ခြင်း၊ ကျောကော့ခြင်း၊ တက်ခြင်း အစရှိသော လက္ခဏာများ ပြလေ့ရှိပါသည်။
ကိုယ်တွင်းသို့ ဘယ်လိုရောက်ပါသလဲ …
မွေးကင်းစကလေးများတွင် ထိုဘက်တီးရီးယားပိုးသည် မွေးရာပါ ပါလာခြင်းမဟုတ်ပါ။ အများအားဖြင့် နယ်တွင်နေသူများ၊ တောရွာနေသူများသည် အိမ်တွင်ပင် အရပ်လက်သည်များနှင့် မွေးဖွားလေ့ရှိကြပါသည်။ မွေးဖွားခန်း သန့်ရှင်းမှု မရှိသည့်အပြင် အရေးအကြီးဆုံး ကိရိယာဖြစ်သည့် ချက်ကြိုးဖြတ်သော ဓား၊ ချည်သောကြိုးတို့မှ တဆင့်လည်းကောင်း၊ ကိုင်တွယ်သောသူ၏ မသန့်ရှင်းသော လက်မှလည်းကောင်း၊ မေးခိုင်ပိုး ဝင်ရောက်နိုင်ပါသည်။ ၎င်းပြင် မွေးဖွားပြီးသောအခါ ချက်ကို ပစ္စည်းမျိုးစုံ အုပ်လေ့ရှိပါသည်။ အုပ်ဆေး၊ ဆေးတို့ပတ်ကြီး၊ နနွင်း အစရှိသည်ဖြင့် တကျောင်း တဂါထာ တရွာတပုဒ်ဆန်း အံ့မခန်းအုပ်ကြသည်မှာ ရွှံ့စေး၊ မြင်းချေး၊ နွားချေးပင် မကျန်ပါချေ။ သို့ဆိုလျှင် ထိုပစ္စည်းများထဲတွင် ရောဂါပိုးပါလို့လားဟု မေးစရာရှိပါသည်။ မဟုတ်ပါ။ ထိုပစ္စည်းများထဲတွင် ရောဂါပိုး မပါပါ။ ထိုပစ္စည်းများဖြင့် ချက်ကိုအုပ်လိုက်လျှင် ထိုပစ္စည်းများ၏ အုပ်ထားသည့်နေရာတွင် အောက်ဆီဂျင် မရနိုင်သဖြင့် ထိုမေးခိုင်ပိုးများ စိတ်ကြိုက် ပေါက်ဖွား ပွားများနိုင်သည့်နေရာ ဖြစ်သွားသောကြောင့် ဖြစ်ပါသည်။
ကလေးကြီးများတွင်မူ ထိခိုက်ဒဏ်ရာရ ပြည်တည်ခြင်းများကို မသန့်ရှင်းသောလက်ဖြင့် ညှစ်ခြင်း၊ နားကို ကလစ်ဖြင့်ကော်ခြင်း စသည်တို့မှ ရောဂါပိုး ဝင်နိုင်ပါသည်။
ရောဂါလက္ခဏာပြရာမှာ
မွေးကင်းစ ကလေးငယ်တွင် ရှေးဦးစွာ ပြသောလက္ခဏာမှာ ရုတ်တရက် နို့မစို့တော့ခြင်း ဖြစ်ပါသည်။ မိခင်ဖြစ်သူက ပါးစပ်ကို အတင်းဖွင့်လေ၊ ပါးစပ်သည် ပို၍ တင်းတင်းစေ့သွားလေ ဖြစ်ပါသည်။ ဤအချိန်တွင် လွန်စွာ သတိထားရပါသည်။ နို့မဝင်မှာကို စိုးရိမ်ပြီး နို့အတင်းထည့်လျှင် သီးသွားပြီး နို့ရည်များ အသက်လမ်းကြောင်းတွင်း ရောက်သွားပြီး ရုတ်တရက် သေဆုံးနိုင်ပါသည်။
နောက်လက္ခဏာတခုမှာ ပါးစပ်သာ တင်းတင်းစေ့သွားသည် မဟုတ်ဘဲ မျက်နှာရှိ ကြွက်သားများ တင်းလာပြီး မျက်နှာတခုလုံး ခြုံငုံကြည့်လျှင် ပလတ်စတစ်မျက်နှာဖုံး စွပ်ထားဘိသကဲ့သို့ ဖြစ်နေသည်ကို တွေ့ရပါမည်။ နောက်ပိုင်းတွင် ကျောကော့ခြင်း၊ တကိုယ်လုံး ဆတ်ခနဲ ဆတ်ခနဲဖြစ်ခြင်း၊ တက်ခြင်း၊ အစာမျိုသော ကြွက်သားများ တင်းခြင်းကြောင့် နို့များသီးပြီး ပြာနှမ်းသွားခြင်း စသည်တို့ ဖြစ်လာသည်။
လှုံ့ဆော်မှု ပြုမိလျှင် …
ကလေးအား တို့မိ ထိမိလျှင်၊ အသံပေးလျှင်၊ အလင်းရောင်များသောနေရာ၌ ထားလျှင် အစရှိသည်ဖြင့် အာရုံတခုခုဖြင့် တောင့်သွားတတ်ပါသည်။ သို့ဖြစ်၍ ကလေးအား တတ်နိုင်သရွေ့ မလိုအပ်ဘဲ မကိုင်တွယ်ရန် အရေးကြီးပါသည်။ ကလေး၏အနီးတွင် ကျယ်လောင်သောအသံပြုခြင်း မဆိုထားနှင့် တိုးတိုးစကားပြောရုံဖြင့်ပင် လှုံ့ဆော်ရာရောက်ကြောင်းကိုလည်း အထူးသတိပြုရမည် ဖြစ်ပါသည်။ စူးရှသော အလင်းရောင်သည်လည်း လှုံ့ဆော်မှုအာရုံဖြစ်သဖြင့် အမှောင်ခန်းတွင်ထားရန် မလိုသော်လည်း ပြတင်းတံခါးများကို ခန်းဆီးအရောင်ရင့်ရင့်ဖြင့် ကာရံထားရန်လည်း လိုအပ်ပါသည်။
ထိန်းချုပ်မှု ပျက်သောအခါ …
ကိုယ်ခန္ဓာအပူချိန်၊ နှလုံးခုန်နှုန်း၊ သွေးပေါင်ချိန်၊ အသက်ရှူနှုန်း၊ ချွေးထွက်နှုန်း၊ သလိပ်ထွက်နှုန်း အစရှိသည်တို့ကို ပုံမှန်ဘောင်အတွင်း၌ အမြဲရှိနေရန် ထိန်းချုပ်ထားသော ဦးနှောက်အာရုံကြော အလုပ်သည်လည်း ထိခိုက်ပျက်စီးသွားပြီ ဖြစ်ပါသည်။ သို့ဖြစ်၍ ကိုယ်၏အပူချိန်သည် ခြစ်ခြစ်တောက်ပူလိုက်၊ ရေခဲတုံးကဲ့သို့ အေးသွားလိုက်နှင့် အစွန်းနှစ်ဖက်သို့ ရောက်ပါတော့သည်။
နှလုံးခုန်နှုန်းသည်လည်း လွန်စွာနှေးသွားလိုက်၊ နာရီစက်သံပမာ လွန်စွာမြန်လာလိုက်နှင့် နှလုံးပန်းလျသည်အထိ ဒုက္ခပေးတတ်ပါသည်။ သွေးပေါင်ချိန်သည်လည်း ကျလိုက်၊ တိုးလိုက်နှင့် အမျိုးမျိုးထိခိုက်အောင် ပြုလုပ်ပါတော့သည်။ အသက်ရှူနှုန်း လွန်စွာမြန်သောအခါရှိသလို အလွန်နှေးနှေးရှူချိန်လည်း ရှိသည့်ပြင် မကြာခဏ အသက်ရှူရပ်ရပ်သွားပြီး ပြာနှမ်းသွားတတ်ပါသည်။
ရံခါ ချွေးသီးချွေးပေါက်များကျပြီး တကိုယ်လုံး စိုရွှဲနေတတ်သလို ရံခါ အသားအရေ ခြောက်ကပ် ပူလောင်နေတတ်ပါသည်။ သလိပ်ထွက်နှုန်း အလွန်များပြားတတ်ပြီး သီးသွားတတ်ကာ ပြာနှမ်းသွားတတ်ပါသည်။
နောက်ဆက်တွဲ ရှုပ်ထွေးမှုများ
မွေးကင်းစ မေးခိုင်ရောဂါကြောင့် သေဆုံးရခြင်း အကြောင်းများမှာ နောက်ဆက်တွဲ ရှုပ်ထွေးမှုများကြောင့် ဖြစ်ပါသည်။ ၎င်းတို့မှာ -
- သွေးဆိပ်ပျံ့နှံ့ခြင်း Sepsis
- လွန်စွာပြင်းထန်သော အဆုတ်ရောင်ခြင်း (Very severy pneumonia)
- နို့ရည်သွင်းသော နှာခေါင်းပိုက်ကို မကြာခဏ အသစ်လဲမပေးသဖြင့် အူလမ်းကြောင်းသို့ ရောဂါပိုးတို့ ဝင်ရောက်ပြီး ဝမ်းလျှောဝမ်းပျက်ဖြစ်ခြင်း စသည်တို့ ဖြစ်ပါသည်။
- ကိုယ်ဝန်ရှိပြီဆိုလျှင် သက်ဆိုင်ရာ ကျန်းမာရေးဌာနများတွင် ကိုယ်ဝန်အပ်သင့်ပါသည်။ မေးခိုင်ကာကွယ်ဆေး ထိုးပေးမည် ဖြစ်ပါသည်။ ကိုယ်ဝန်ဆောင်စဉ်ကာလတွင် အောက်ထစ် မေးခိုင်ကာကွယ်ဆေး နှစ်ကြိမ် ထိုးပေးခြင်းအားဖြင့် မွေးကင်းစ မေးခိုင်ရောဂါကို ကာကွယ်နိုင်ပါသည်။
- ဆေးရုံတွင် မွေးသည်ဖြစ်စေ၊ အိမ်တွင် မွေးသည်ဖြစ်စေ ကျွမ်းကျင်သော ကျန်းမာရေးဝန်ထမ်းနှင့် မွေးပြီး သန့်ရှင်း၍ ရောဂါပိုးစင်ကြယ်သော အနေအထားဖြင့် မွေးဖွားရန် လိုအပ်ပါသည်။
- အထူးသဖြင့် ချက်ကြိုးကိုချည်ခြင်း၊ ဖြတ်ခြင်းသည် အလွန်သန့်ရှင်းသော အခြေအနေတွင် ပြုလုပ်ရန် လိုအပ်ပါသည်။
- မွေးဖွားပြီးနောက်လည်း ချက်ကို မည်သည့်အရာဝတ္ထုနှင့်မျှ အုပ်ထားခြင်း မပြုလုပ်သင့်ပေ။ အရက်ပြန်ထည့်၍ ရသည်ဟု ဆိုသော်လည်း အရက်ပြန်၏ သန့်ရှင်းမှု၊ အသုံးပြုသော ဝါဂွမ်း၏ စင်ကြယ်မှုတို့ကို အထူးသတိပြုရမည် ဖြစ်ပါသည်။ ဘာမှမထည့်ဘဲ ချက်ကို သန့်သန့်ရှင်းရှင်းထားလျှင်လည်း ရပါသည်။
- မေးခိုင်ရောဂါနှင့်ပတ်သက်၍ အထူးသဖြင့် မွေးကင်းစ မေးခိုင်ရောဂါနှင့်ပတ်သက်၍ ပြည်သူလူထုအား၊ အထူးသဖြင့် မိခင်လောင်းများအား ကျန်းမာရေး ပညာပေးရန် အထူးလိုအပ်ပါသည်။ သတင်းစာ၊ စာစောင်၊ ရေဒီယို၊ ရုပ်မြင်သံကြား အစရှိသော ကျယ်ပြန့်စွာ ပညာပေးနိုင်သော မီဒီယာများကို အသုံးပြုသင့်ပါသည်။
- ကျန်းမာရေးဝန်ထမ်းများအားလည်း မကြာခဏ ဉာဏ်သစ်လောင်းသင်တန်းများ ပေးသင့်ပါသည်။ အထူးသဖြင့် 'လက်သည်း' များအား သန့်ရှင်းစွာ၊ ပိုးကင်းစင်စွာ မွေးဖွားနည်းသင်တန်းများ ယခုပေးနေသည်မှာ လွန်စွာထိရောက်ကြောင်း တွေ့ရှိရပါသည်။