၇၁ နှစ်အရွယ် သီလရှင်အား အဓမ္မပြုကျင့်ခဲ့သည့် အမျိုးသား ထောင်ဒဏ်တသက် ချမှတ်ခံရ

ဓာတ်ပုံ - အေအက်ဖ်ပီ
အိန္ဒိယနိုင်ငံမှာ အသက် ၇၁ နှစ်အရွယ် သီလရှင်ကို အဓမ္မပြုကျင့်ခဲ့တဲ့ ဘင်္ဂလားဒေ့ရ်ှအမျိုးသားကို အိန္ဒိယ အရှေ့ပိုင်းတရားရုံးက ထောင်ဒဏ်တသက်တကျွန်း ပြစ်ဒဏ်ချမှတ်လိုက်တယ်လို့ ဘီဘီစီသတင်းမှာ နိုဝင်ဘာ ၉ ရက်နေ့က ဖော်ပြထားပါတယ်။ ၂၀၁၅ ခုနှစ် မတ်လတုန်းက အနောက်ဘန်ဂေါလ်ပြည်နယ် ရာနာဂတ်မြို့မှာ ဓားပြတိုက်ပြီး သီလရှင်ကြီးအား အဓမ္မပြုကျင့်ခဲ့တဲ့ နာဇရူအစ္စလမ်ကို လူသတ်ရန်ကြိုးစားမှု၊ အဓမ္မပြုကျင့်မှုတို့အတွက် အပြစ်ရှိတယ်လို့ ကာလ်ကတ္တားမြို့ တရားရုံးက နိုဝင်ဘာ ၈ ရက်နေ့မှာ ဆုံးဖြတ်ခဲ့တာပါ။ နာဇရူအစ္စလမ်နဲ့အတူ တခြားအပေါင်းအပါ အမျိုးသား ၅ ဦးကိုလည်း ထောင်ဒဏ် ၁၀ နှစ်စီ ချမှတ်ခဲ့ပြီးနောက် ကျန်အမျိုးသားတဦးကိုတော့ ဓားပြတိုက် အဓမ္မပြုကျင့်သူတွေကို လက်သင့်ခံ ပုန်းအောင်းခွင့်ပေးခဲ့လို့ ထောင်ဒဏ် ၇ နှစ် ချမှတ်ခဲ့တယ်လို့ ဆိုပါတယ်။ သီလရှင်ကျောင်းကို ဓားပြတိုက်အပြီး သီလရှင်ကြီးကို အဓမ္မပြုကျင့်ခဲ့သလို ဓားပြတွေဟာ ကျောင်းထဲက တခြားပစ္စည်းတွေနဲ့ ငွေသားတွေကို ခိုးယူသွားခဲ့ကြတာပါ။ ဒီအဖြစ်ကြောင့် အိန္ဒိယနိုင်ငံတဝှမ်း အထိတ်တလန့်ဖြစ်ခဲ့ပြီး လူထုအုံကြွဆန္ဒပြမှုတွေ ဖြစ်ခဲ့ပါတယ်။ တရားသူကြီး ကမ်ကမ်ဆင်ဟာက “ဆင်းရဲသားတွေအတွက် မာသာထရီဇာလို အလုပ်လုပ်ခဲ့တဲ့ အနောက်ဘန်ဂေါလ်ရဲ့ အမွေအနှစ်နေရာက သီလရှင်ကြီးကို အပြစ်အနာအဆာ အစွန်းအထင်းတခုဖြစ်အောင် လုပ်ခဲ့တယ်” လို့ နိုဝင်ဘာ ၈ ရက်နေ့က တရားရုံးမှာ ပြောလိုက်ပါတယ်။ အဓမ္မပြုကျင့်ခံခဲ့ရတဲ့ သီလရှင်ကြီးကို ခွဲစိတ်ကုသမှုတွေ လုပ်ခဲ့ရပြီး နောက်ပိုင်းမှာ သီလရှင်ကြီးဟာ အနောက်ဘန်ဂေါလ်ကို ပြောင်းသွားတယ်လို့ ဆိုပါတယ်။ ဥပဒေကြောင်းအရ သီလရှင်ကြီးရဲ့ အမည်ကိုတော့ ထုတ်ဖော်ပြောကြားခြင်း မရှိပါဘူး။ ပြီးခဲ့တဲ့နှစ်တွေအတွင်း အိန္ဒိယနိုင်ငံ ခရစ်ယာန်ဘုရားကျောင်းတွေမှာ တိုက်ခိုက်မှုတွေ ဖြစ်ခဲ့ပြီး ၂၀၁၂ ခုနှစ် ဒေလီမြို့မှာဖြစ်ခဲ့တဲ့ ကျောင်းသူတဦးကို သေနတ်ပြ အဓမ္မပြုကျင့် သတ်ဖြတ်မှု အပြီးမှာတော့ အာဏာပိုင်တွေက လိင်ပိုင်းဆိုင်ရာ အကြမ်းဖက်မှု ဥပဒေတွေကို ပိုမိုအားကောင်းအောင် လုပ်ခဲ့ပါတယ်။ ဒါပေမယ့်လည်း ဒီလို လိင်ပိုင်းဆိုင်ရာ အဓမ္မပြုကျင့်မှုတွေက ကျယ်ကျယ်ပြန့်ပြန့် ဖြစ်နေတုန်းပဲလို့ စည်းရုံးလှုံ့ဆော်သူတွေက ပြောကြပါတယ်။

//
More News
Up