အိုင်ဖုန်းရဖို့ ညကလပ်တွင်း ဖော်ချွတ်ပြခဲ့သည့် ရုရှားဆရာမ ကောလိပ်မှအထုတ်ခံရ (ရုပ်သံ)

ရုရှားနိုင်ငံမှာ အသက် ၁၉ နှစ်အရွယ် အလုပ်သင်ဆရာမတဦးဟာ အိုင်ဖုန်းရဖို့ ညကလပ်တခုတွင်း ဖော်ချွတ်ပြခဲ့တဲ့ ရုပ်သံဗွီဒီယိုဖိုင် ပျံ့နှံ့ခဲ့ပြီးနောက်မှာ ကောလိပ်မှ ထုတ်ပယ်ခံခဲ့ရပါတယ်။ ဒီအဖြစ်အပျက်ဟာ နိုင်ငံအလယ်ပိုင်း ချယ်လ်ယာဘင့်စ်ခေါ့ဘလတ်စ်ထ်ဒေသတွင်းမှ ထရွိက်စ်ခ်မြို့မှာ ဖြစ်ခဲ့တာလို့ မေရာသတင်းတပုဒ်မှာ နိုဝင်ဘာ ၆ ရက်နေ့က ဖော်ပြပါတယ်။ အဲဒီမိန်းကလေးဟာ ကလပ်တွင်း အားပေးနေကြတဲ့ ပရိသတ်တွေကြားမှာ အပေါ်ပိုင်း အဝတ်တွေ ချွတ်ပြခဲ့တာကို ရုပ်သံဗွီဒီယိုဖိုင်ထဲမှာ တွေ့ရပါတယ်။ ဒါဟာ ကလပ်အတွင်း အမျိုးသားတွေရှေ့ စတိတ်စင်ပေါ်မှာ ဖော်ချွတ်ပြရင် နောက်ဆုံးထွက် အိုင်ဖုန်းရနိုင်မယ့် ပြိုင်ပွဲအသွင် ပြုလုပ်ချိန်မှာ သူက ပါဝင်ခဲ့တာပါ။ သူမဟာ အိုင်ဖုန်းကို အနိုင်ရခဲ့ပေမယ့် အဲဒီညမှာပဲ အိတ်ထဲက ပြန်ခိုးခံခဲ့ရတယ်လို့ သတင်းတွေက ဆိုပါတယ်။ ဒါပေမယ့် ဒီလို ဖော်ချွတ်ပြခဲ့တဲ့ ရုပ်သံဗွီဒီယိုဖိုင်ကတော့ အင်တာနက်စာမျက်နှာတွေပေါ် ပျံ့နှံ့ခဲ့ပြီးနောက်မှာတော့ ကောလိပ်ကနေ ထုတ်ပယ်လိုက်တာ ဖြစ်ပါတယ်။ ယက်ဗ်ဂျင်ညာလို့ အမည်ရတဲ့ အဲဒီမိန်းကလေးက “ကျမတို့ အဲဒီညက သောက်စားပြီး ပျော်ရွှင်ခဲ့ကြပါတယ်။ အဲဒီနောက်မှာမှ ပြိုင်ပွဲက စခဲ့တာပါ။ အစပိုင်းက ယောက်ျားလေးတွေနဲ့ စခဲ့ပြီး နောက်မှ ကျမအလှည့် ရောက်ခဲ့တာပါ” လို့ ပြောပါတယ်။ သူဟာ လူတွေကြား စတိတ်စင်ပေါ်မှာ အတွင်းခံဘောင်းဘီနဲ့သာ ရပ်နေပြီး ရင်သားတွေကို လက်နဲ့ယှက် ဖုံးကာထားခဲ့တာကို တွေ့ရပါတယ်။ ဒါပေမယ့် ပြိုင်ပွဲစီစဉ်သူက လက်တွေကိုဖယ်ပြဖို့ တောင်းဆိုချိန် သူက အပေါ်ပိုင်း ဗလာကျင်းအခြေအနေနဲ့ ဖြစ်သွားခဲ့ချိန်မှာတော့ အောက်ကနေ စိတ်လှုပ်ရှားပြီး အော်ဟစ်အားပေးနေကြသံတွေကို ကြားရပါတယ်။ ဒီအဖြစ်အပျက်နဲ့ပတ်သက်ပြီး ယက်ဗ်ဂျင်ညာရဲ့ မိခင်ဖြစ်သူ အယ်လီနာက “သူက ၁၅ နှစ်သမီးမှ မဟုတ်တော့တာ။ သူ့ကိုယ်ပိုင်ဦးနှောက်နဲ့ သူဘာလုပ်သင့်တယ်ဆိုတာကို တွေးသင့်တယ်” လို့ ပြောပါတယ်။

More News
Up