ထားဝယ်တွင် ထိုင်း ၃ ဦးနှင့် မြန်မာ ၁ ဦးထံမှ သေနတ်နှင့် ကျည်ဆန်များ ဖမ်းဆီးရမိ
DVB
·
November 6, 2017
တနင်္သာရီတိုင်း၊ ထားဝယ်မြို့နယ်မှာ ထိုင်းနိုင်ငံသား ၃ ယောက်နဲ့ မြန်မာနိုင်ငံသား တယောက်ဆီကနေ ပစ္စတိုသေနတ် တလက်၊ ကျည်ကတ်နဲ့ ကျည်ဆန်တွေ မနေ့က ဖမ်းဆီးရမိခဲ့တယ်လို့ ပြည်ထဲရေးက ထုတ်ပြန်ပါတယ်။
နိုဝင်ဘာလ ၅ ရက်နေ့ မနက် ၈ နာရီခွဲက စစ်ဆင်ရေးတာဝန် ထမ်းဆောင်နေတဲ့ ခလရ ၅၈၃ မှ တပ်မတော်သားတွေဟာ ထားဝယ်မြို့နယ် ထိုင်း-မြန်မာနယ်စပ် ဝါတောကျေးရွာကို ရောက်ရှိစဉ် ဟိုင်းလတ်ယာဉ်နဲ့ ထိုင်းနိုင်ငံသား ပီချေ (၅၄ နှစ်)ပါ ထိုင်းအမျိုးသား ၃ ယောက်နဲ့ မြန်မာအမျိုးသား တယောက်တို့ကို မသင်္ကာတဲ့အတွက် စစ်ဆေးရာ ယာဉ်ပေါ်ပါအိတ်အတွင်းက အမေရိကန်နိုင်ငံထုတ် ပွိုင့် ၄၅ ပစ္စတိုသေနတ် ၁ လက်၊ ကျည်ကဒ် ၂ ခု၊ ကျည် ၂၄ တောင့်၊ ထိုင်းဘတ်ငွေ ၁၃၀၀၀ တို့ကို သိမ်းဆည်းရမိခဲ့တာပါ။
ဖမ်းဆီးရမိသူ ထိုင်း ၃ ဦးနဲ့ မြန်မာ တဦးတို့ကို အမှုဖွင့်အရေးယူဖို့ စီစဉ် ဆောင်ရွက်နေတယ်လို့ ပြည်ထဲရေးက သတင်းထုတ်ပြန်ပါတယ်။