A d v e r t i s e m e n t With Us

နှစ်သန်းပေါင်း ၁၅၀ ကျော်မှ ရှားပါးအဏ္ဏဝါ ကျောက်ဖြစ်ရုပ်ကြွင်း အိန္ဒိယတွင်တွေ့ရှိ

ဓာတ်ပုံ - Courtesy G Prasad
နှစ်ပေါင်း ၁၅၂ သန်း သက်တမ်းရှိတဲ့ ရှားပါး အဏ္ဏဝါ ကျောက်ဖြစ်ရုပ်ကြွင်းတခုကို အိန္ဒိယနိုင်ငံမှာ သိပ္ပံပညာရှင်တွေက ရှာဖွေတွေ့ရှိခဲ့ကြတယ်လို့ ဘီဘီစီသတင်းမှာ ဒီကနေ့ ဖော်ပြပါတယ်။ အစ်ခ်ျသရိုဆောရ်စ် (Ichthyosaurs) လို့ အမည်ရတဲ့ ဒီသတ္တဝါရုပ်ကြွင်းကို အိန္ဒိယနိုင်ငံအနောက်ပိုင်း၊ ဂူဂျာရတ်တ်ပြည်နယ်၊ ခပ်ခ်ျဒေသတွင်းမှာ ရှာဖွေတွေ့ရှိခဲ့ကြတာပါ။ ခုတွေ့ရှိရတဲ့ ရုပ်ကြွင်းဟာ နှစ်ပေါင်း ၆၆ သန်းနဲ့ ၂၅၂ သန်းကြားကာလ မက်ဆိုဇိုးရစ်ခေတ်မှာ အသက်ရှင်နေထိုင်ခဲ့တဲ့ တွားသွားသတ္တဝါ အမျိုးအစားဖြစ်တယ်လို့ ဆိုပါတယ်။ ခန္ဓာကိုယ်ပုံသဏ္ဌာန်တခုလုံးနီးပါး ပါဝင်တဲ့ ဒီရုပ်ကြွင်းကို အမေရိက၊ ဥရောပနဲ့ သြစတြေးလျ ဒေသတွေမှာ တွေ့ရှိရပေမယ့် အိန္ဒိယမှာ ခုလိုတွေ့ရှိတာကတော့ အာရှဒေသအတွက် ပထမဆုံး ဖြစ်လာခဲ့တာပါ။ ဒီသုတေသနအဖွဲ့မှာ ဦးဆောင်ပါဝင်ခဲ့တဲ့ ပါမောက္ခ ဂန်တူပါလီ ဗာပရာဆက်ဒ်က ခုတွေ့ရှိရတဲ့ ရုပ်ကြွင်းနမူနာဟာ အလျား ၁၈ ပေရှိပြီး ခန္ဓာကိုယ်တခုလုံးနီးပါးပါပဲလို့ ပြောပါတယ်။ အဲဒီဒေသတွင်း လေ့လာသုတေသနပြုမှုကိုတော့ အိန္ဒိယနဲ့ ဂျာမနီနိုင်ငံတွေက သိပ္ပံပညာရှင်တွေ ပူးပေါင်းလုပ်ဆောင်ခဲ့ကြပြီး ဒီတွေ့ရှိမှုကို Plos One သိပ္ပံသုတေသန ဂျာနယ်မှာ ဖော်ပြထားခဲ့ပြီးဖြစ်တယ်လို့ သတင်းမှာ ဖော်ပြပါတယ်။ ဒီတွေ့ရှိမှုကြောင့် လွန်ခဲ့တဲ့ နှစ်သန်းပေါင်း ၁၅၀ ကျော်ကာလက တောင်အမေရိကနဲ့ အိန္ဒိယကြား အဏ္ဏဝါဗေဒဆိုင်ရာ ဆက်နွယ်မှုရှိမရှိ ဆိုတာကို လေ့လာစူးစမ်းနိုင်မယ့် အလင်းရောင်တစ ဖြစ်လာခဲ့ပြီလို့ ဆိုပါတယ်။

A d v e r t i s e m e n t With Us

More News
Up