A d v e r t i s e m e n t With Us

ဟောင်ကောင် ဒီမိုကရေစီရေးလှုပ်ရှားသူ လူငယ်ခေါင်းဆောင် ၂ ဦးကို အာမခံဖြင့် ပြန်လွှတ်

ဓာတ်ပုံ - ရိုက်တာ
ဟောင်ကောင် ဒီမိုကရေစီအရေး တက်ကြွလှုပ်ရှားသူ လူငယ်ခေါင်းဆောင် ၂ ဦးကို ဟောင်ကောင်ရဲ့ အဆင့်မြင့်ဆုံး တရားရုံးက အောက်တိုဘာ ၂၄ ရက်နေ့မှာ အာမခံနဲ့ ပြန်လွှတ်ပေးလိုက်ပါတယ်။ ၂၀၁၄ လူထုဆန္ဒပြပွဲအတွင်း တရားမဝင် လူစုမှုအတွက် ထောင်ဒဏ်ကျခံနေရတဲ့ ဂျိုရွှာဝေါင်နဲ့ နာသန်လော်တို့က အယူခံဝင်ခဲ့တာဖြစ်ပြီး အယူခံကို ဆိုင်းငံ့ထားအပြီးမှာ ခုလို အာမခံနဲ့ လွှတ်ပေးလိုက်တာ ဖြစ်ပါတယ်။ အသက် ၂၁ နှစ်အရွယ် ဂျိုရွှာဝေါင်၊ အသက် ၂၄ နှစ်အရွယ် နာသန်လော်နဲ့ အသက် ၂၇ နှစ်အရွယ် အဲလက်စ်ချောင်တို့ဟာ ဟောင်ကောင်ကို ဒီမိုကရေစီ အပြည့်အဝပေးရေး တရုတ်အစိုးရကို တောင်းဆိုတဲ့ လှုပ်ရှားမှုမှာ ခေါင်းဆောင်တွေ ဖြစ်ကြပါတယ်။ ထီးလှုပ်ရှားမှုလို့ နာမည်ကြီးခဲ့တဲ့ ၇၉ ရက်ကြာ ဆန္ဒပြပွဲကြောင့် ဟောင်ကောင်ရဲ့ အဓိကလမ်းတွေကို ပ်ိတ်ဆို့ခဲ့တာပါ။ လူငယ်ခေါင်းဆောင် ၃ ဦးကို ဟောင်ကောင် အယူခံတရားရုံးက ထောင်ဒဏ်ချမှတ်ခဲ့ပါတယ်။ အာမခံလျှောက်ထားခဲ့တဲ့ ဝေါင်နဲ့ လော်တို့ကို ဟောင်ကောင်ဒေါ်လာ ၅ သောင်းစီ အာမခံငွေနဲ့ နောက်ဆုံး အယူခံတရားရုံး အကြီးအကဲ တရားသူကြီးချုပ် ဂျော်ဖရီမာက အာမခံပေးခဲ့ပါတယ်။ အဲလက်စ်ချောင်ကတော့ အာမခံလျှောက်ထားမှု မလုပ်ခဲ့ပါဘူး။

A d v e r t i s e m e n t With Us

More News
Up