ဖီဖာ ကမ္ဘာ့အကောင်းဆု ဘောလုံးသမားဆု ရော်နယ်ဒို ရရှိ

ကမ္ဘာ့ဘောလုံးအဖွဲ့ချုပ် (ဖီဖာ) က ချီးမြှင့်တဲ့ ၂၀၁၇ ကမ္ဘာ့အကောင်းဆုံး အမျိုးသားဘောလုံးသမားဆုကို ရော်နယ်ဒို ဆွတ်ခူးရရှိသွားပါတယ်။ ရီးရဲလ်မက်ဒရစ်နဲ့ ပေါ်တူဂီတိုက်စစ်မှူး ရော်နယ်ဒိုဟာ ဘာစီလိုနာတိုက်စစ်မှူး မက်ဆီ၊ ပီအက်စ်ဂျီတိုက်စစ်မှူး နေမာတို့ကို ကျော်ဖြတ်ပြီး ဒီဆုကို ရရှိခဲ့တာပါ။ အသက် ၃၂ နှစ်အရွယ် တိုက်စစ်မှူးဟာ ပြီးခဲ့တဲ့ ၂၀၁၆-၂၀၁၇ ဘောလုံးရာသီက ရီးရဲလ်မက်ဒရစ် ကလပ်အသင်းကို ပြည်တွင်း လာလီဂါ အမှတ်ပေးချန်ပီယံဆုနဲ့ ဥရောပကလပ်အသင်း ချန်ပီယံဆုတွေ ဆွတ်ခူးနိုင်အောင် ကူညီထားနိုင်ခဲ့တာပါ။ အောက်တိုဘာ ၂၃ ရက်နေ့က လန်ဒန်မြို့မှာ ကျင်းပတဲ့ ဆုချီးမြှင့်အခမ်းအနားမှာ ရီးရဲလ်နည်းပြ ဇီးဒန်းက အကောင်းဆုံး အမျိုးသားနည်းပြဆု၊ နယ်သာလန် အမျိုးသမီးအသင်း နည်းပြ ဆာရီနာ ဝိုင်းဂ်မန်း (Sarina Wiegman) က အကောင်းဆုံးအမျိုးသမီးနည်းပြဆုနဲ့ အကောင်းဆုံး အမျိုးသမီး ဘောလုံးသမားဆုကို ဘာစီလိုနာနဲ့ နယ်သာလန် ကစားသမား လိခ် မာတန်စ် (Lieke Martens) တို့က အသီးသီးရရှိခဲ့ပါတယ်။ ၂၀၁၇ ခုနှစ် အကောင်းဆုံး သွင်းဂိုးဆု (ပွတ်စ်ကပ်စ်ဆု) ကိုတော့ ပြီးခဲ့တဲ့ ဇန်နဝါရီက ယှဉ်ပြိုင်ခဲ့တဲ့ အာဆင်နယ်နဲ့ ခရစ္စတယ်ပဲလေ့စ်တို့ရဲ့ ပွဲစဉ်မှာ ကင်းမြီးကောက်ကန်သွင်းချက်နဲ့ ဂိုးသွင်းယူခဲ့တဲ့ အာဆင်နယ်တိုက်စစ်မှူး ဂျရူးက ရရှိခဲ့ပါတယ်။

More News
Up