ကယ်လီဖိုးနီးယားတွင် ငလျင်ကြိုတင်ကာကွယ်ရေး ပြည်သူသန်းချီ လေ့ကျင့်

အမေရိကန်နိုင်ငံ ကယ်လီဖိုးနီးယားမှာ အောက်တိုဘာ ၁၉ ရက်နေ့က ပြည်သူ သန်းနဲ့ချီပြီး မြေငလျင်ကြိုတင်ကာကွယ်ရေး လေ့ကျင့်ခန်းကို ပြုလုပ်ခဲ့ကြပါတယ်။ မြေငလျင်ကြီး လှုပ်ခတ်တဲ့အခါ ဒေသနေပြည်သူတွေ ဘေးအန္တရာယ် ကင်းစေဖို့ သိပ္ပံပညာရှင်တွေနဲ့ အရေးပေါ်ကယ်ဆယ်ရေးဝန်ထမ်းတွေက ဦးဆောင်ပြီး လေ့ကျင့်ခန်းကို ပြုလုပ်ခဲ့ကြတာပါ။ “ဒီ Big Shaker ကြီးက  မြေငလျင်တု ၇.၇ မဂ္ဂနီကျူ့နဲ့ တုန်ခါနေတာပါ။ အတော်ကြီးမားတဲ့ ပမာဏပါ။ အဲဒီလောက် ပမာဏကြီးတဲ့မြေငလျင်ဆို အပျက်အစီးများမယ်။ လျှပ်စစ်ဓတ်အား၊ ရေ အဲဒါတွေ ပြတ်တောက်မယ်။ လူတွေဟာ လေးငါးခြောက်ရက် ကိုယ့်ဟာကိုယ် ကြုံသလိုဖြေရှင်းရမယ်” လို့ READY AMERICA ဘေးအန္တရာယ်ထောက်ပံ့ရေး ကုမ္ပဏီ ဥက္ကဋ္ဌက ပြောကြားခဲ့ပါတယ်။ ကျောင်းတွေ၊ ကောလိပ်တွေနဲ့ လုပ်ငန်းခွင်တွေမှာ အဲဒီလေ့ကျင့်ခန်းကို ပြုလုပ်ခဲ့ကြပါတယ်။ ပါဝင်လေ့ကျင့်သူတွေဟာ “၀မ်းလျားမှောက်၊ အကွယ်ယူ၊ မြဲမြဲကိုင်” ဆိုတဲ့ ဆောင်ပုဒ်အတိုင်း ပြုလုပ်ရပါတယ်။ “ဒီနေ့ပြုလုပ်တဲ့လေ့ကျင့်ခန်းဟာ ကော်ပိုရေးရှင်းတွေ၊ အေဂျင်စီတွေ၊ အိမ်ထောင်စုတွေနဲ့ ကျောင်းတွေကအစ မြေငလျင်ကြီး လှုပ်တဲ့အခါ ဘယ်လို လုပ်သင့်တယ်ဆိုတာနဲ့ ပတ်သက်လို့ နမူနာအနေနဲ့ လေ့ကျင်တာပါ။ အရေးပေါ်တံခါးကနေ ထွက်မယ်။ အပြင် မြေကွက်လပ်မှာ လူစုပြီးနေမယ်။ ပြီးရင် တဦးကိုတဦး စောင့်ရှောက်မယ်။ အဲဒါတွေကို လေ့ကျင်တာပါ” လို့ မြေငလျင် ကြိုတင်လေ့ကျင့်ရေး ဒီဇိုင်နာက ပြောကြားခဲ့ပါတယ်။ အဲဒီလေ့ကျင့်မှုတွေထဲကတခုကို လေ့ာစ်အိန်ဂျလိစ်မြို့အနီးရှိ အမျိုးသားသဘာဝ ပြတိုက်မှာ ပြုလုပ်ခဲ့ပြီး ကယ်လီဖိုးနီးယားပြည်နယ်မှာ မိုင်ပေါင်းရာချီရှည်လျားတဲ့ ဆန်အန်ဒရီယာစ် ပြတ်ရွေ့ကြောင်း  ဖြတ်သန်းတည်ရှိတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up