ကိုယ့်ကိုယ်ကိုယ်အထင်ကြီးမှုကြောင့် အမေရိကန်အသင်း ကမ္ဘာ့ဖလားခြေစစ်ပွဲ မအောင်မြင်ခဲ့ဟု သုံးသပ်

ဓာတ်ပုံ - ရိုက်တာ
အမေရိကန်အသင်းဟာ ကိုယ့်ကိုယ်ကိုယ် အထင်ကြီးတာ လွန်သွားပြီး နည်းပြတွေ အနေနဲ့လည်း မိမိကိုယ်ကို အကောင်းဆုံးလို့ ထင်ခဲ့တာကြောင့် ကမ္ဘာ့ဖလားခြေစစ်ပွဲ မအောင်မြင်ဘဲ အခွင့်အရေး ဆုံးရှုံးခဲ့ရတာလို့ အသင်းခေါင်းဆောင်ဟောင်း ကလော်ဒီယိုရေနာက ပြောလိုက်ပါတယ်။ အမေရိကန်အသင်း ၂၀၁၈ ကမ္ဘာ့ဖလားခြေစစ်ပွဲ မအောင်မြင်တာနဲ့ ပတ်သက်ပြီး အသင်းခေါင်းဆောင်ဟောင်း ကလော်ဒီယိုရေနာက အခုလို သုံးသပ်ပြောကြားလိုက်တာပါ။ အမေရိကန်အသင်းဟာ ကွန်ကာကက်ဖ်ဇုန်ကနေ ခြေစစ်ပွဲ မအောင်မြင်ခဲ့တာကြောင့် ၁၉၈၆ ခုနှစ်နောက်ပိုင်း အဓိကပြိုင်ပွဲကြီးတခုကို ပထမဆုံးအကြိမ် လွဲချော်ခဲ့ရပါတယ်။ ကလော်ဒီယိုရေနာက သူ့နိုင်ငံရဲ့ ဘောလုံးအစီအစဉ်နဲ့ပတ်သက်လို့ သေချာ အကောင်အထည်ဖော် ကြိုးစားသင့်ပြီလို့ ပြောပါတယ်။ သူတို့အနေနဲ့ ချဉ်းကပ်ပုံတွေ၊ အမူအကျင့်တွေ၊ တခြားသောအရာတွေ အကုန်လုံး မှားယွင်းခဲ့တယ်လို့ ရေနာက ဆိုပါတယ်။ "ကျနော်တို့အနေနဲ့ ကိုယ်တကယ်လုပ်နိုင်တာထက် ပိုပြီးတော့ ဘာတွေလုပ်နိုင်မလဲဆိုတာ စဉ်းစားသင့်တယ်" လို့လည်း ရေနာက ပြောကြားခဲ့ပါတယ်။

More News
Up