ပြည်သူ သန်း ၆၀ ကျော်ကို ဆင်းရဲတွင်းမှ ကယ်တင်နိုင်ခဲ့ဟု တရုတ်သမ္မတ ပြော

ဓာတ်ပုံ - ရိုက်တာ
လွန်ခဲ့တဲ့ ၅ နှစ်အတွင်း တရုတ်ပြည်သူ သန်းပေါင်း ၆၀ ကျော်ကို ဆင်းရဲတွင်းကနေ ကယ်တင်နိုင်ခဲ့တယ်လို့ တရုတ်သမ္မတ ရှီကျင့်ဖျင်က အောက်တိုဘာ ၁၈ ရက်နေ့မှာ ပြောကြားလိုက်ပါတယ်။ တရုတ်ပြည်သူ့ကွန်မြူနစ်ပါတီရဲ့ ၁၉ ကြိမ်မြောက် အမျိုသားကွန်ဂရက်မှာ တရုတ်သမ္မတ ရှီကျင့်ဖျင်က ပြောကြားလိုက်တာပါ။ တရုတ်သမ္မတ ရှီကျင့်ဖျင်က “ပြည်သူတွေရဲ့ဘဝဟာ တောက်လျှောက် ပိုမိုတိုးတက် ကောင်းမွန်လာခဲ့ပါတယ်။ ပြည်သူဗဟိုပြု ဖွံ့ဖြိုးရေး အယူအဆဟာ ပြည်သူ့အကျိုးပြုစီမံကိန်း အကောင်အထည်ဖော်ရာကနေတဆင့် အမြစ်တွယ်လာပြီး အဲဒီစီမံကိန်းတွေကနေ ပြည်သူတွေ အကျိုးကျေးဇူး ခံစားရမှုဟာလည်း အတော်ကို တိုးတက်လာခဲ့ပါတယ်။ ဆင်းရဲမှုတိုက်ဖျက်ရေး စီမံကိန်းဟာလည်း ကြီးကြီးမားမား အောင်မြင်မှုရခဲ့ပါတယ်။ သန်းပေါင်း ၆၀ ကျော်တဲ့   ပြည်သူတွေကို ဆင်းရဲတွင်းကနေ ကယ်တင်နိုင်ခဲ့ပြီး ဆင်းရဲမွဲတေမှုနှုန်းကို ၁၀ ဒသမ ၂ ရာခိုင်နှုန်းကနေ ၄ ရာခိုင်နှုန်းအောက်ရောက်အောင် လျှော့ချနိုင်ခဲ့ပါတယ်” လို့ ပြောကြားခဲ့ပါတယ်။ လွန်ခဲ့တဲ့ ၅ နှစ်အတွင်း တရုတ်နုိင်ငံဟာ ပညာရေး၊ အလုပ်အကိုင်ရှာဖွေရေးနဲ့ ကျန်းမာရေးဝန်ဆောင်မှု ကဏ္ဍတွေမှာ သိသိသာသာ တိုးတက်ကောင်းမွန်လာခဲ့တယ်လို့လည်း သမ္မတ ရှီကျင့်ဖျင်က ထည့်သွင်းပြောကြားခဲ့ပါတယ်။

More News
Up