ပူးပေါင်းတိုက်ဖျက်ရမည့် တရားမဝင်ကုန်သွယ်မှု

မြန်မာနိုင်ငံတွင် စီးပွားရေးကဏ္ဍ ပိုမိုတိုးတက်စေရန် ရည်ရွယ်ပြီး အစိုးရသစ် လက်ထက်တွင် စီးပွားရေး မူဝါဒများ ချမှတ်ကာ အကောင်အထည်ဖော် လုပ်ဆောင်မှုများ ပြုလုပ်နေပြီး နိုင်ငံပိုင် စီးပွားရေးလုပ်ငန်းများ ပိုမိုအောင်မြင်စေရန် ဆောင်ရွက်ခြင်း၊ စီးပွားရေးတိုးတက်မှုကို အထောက်အကူပြုသည့် အသေးစားနှင့် အလတ်စား စီးပွားရေး လုပ်ငန်းများကို ပံ့ပိုးကူညီပေးရန် စသည်တို့အတွက်လည်း လုပ်ဆောင်နေကြောင်း သိရသည်။ စီးပွားရေး တိုးတက်မှု လုပ်ဆောင်မှုနှင့်အတူ တစိုက်မတ်မတ် ပူးတွဲ လုပ်ဆောင်သင့်သော အရာမှာ တရားမဝင် ကုန်သွယ်မှု တားဆီးတိုက်ဖျက်ရေးပင် ဖြစ်သည်။ စီးပွားရေး တိုးတက်စေရန် အဘက်ဘက်မှ ရှုထောင့်မျိုးစုံဖြင့် ကြိုးပမ်း လုပ်ဆောင်နေသော်လည်း တရားမဝင် ကုန်သွယ်မှုများကြောင့် နိုင်ငံတွင်း လုပ်ငန်းစုများ ယှဉ်ပြိုင်နိုင်မှု အားနည်းခြင်း၊ အသေးစား၊ အလတ်စား လုပ်ငန်းများ တိုးတက်မှု နှောင့်နှေးစေခြင်းနှင့် ပြည်ပမှ ရင်းနှီးမြှုပ်နှံမှုများအား အဟန့်အတား ဖြစ်စေခြင်း စသည့် ကိစ္စရပ်များ ဖြစ်ပေါ်နိုင်ပေသည်။ လက်ရှိကာလတွင်လည်း မြန်မာနိုင်ငံသည် ကမ္ဘာ့နိုင်ငံပေါင်း ၁၉ဝ ၏ နိုင်ငံအလိုက် စီးပွားရေး လုပ်ကိုင်ရ လွယ်ကူမှု အဆင့်သတ်မှတ်ချက် (Ease of Doing Business Ranking) တွင် အဆင့် ၁၇၀ နေရာတွင် ရှိနေခဲ့ရာ ယခင်နှစ်က အဆင့် ၁၆၇ ရရှိမှုထက် အဆင့် ၃ ဆင့် ပိုမိုကျဆင်းသွားသည်ကိုလည်း တွေ့ရှိရသည်။ သို့ဖြစ်ရာ စီးပွားရေးကဏ္ဍ ပြန်လည်ဖွံ့ဖြိုးတိုးတက်လာရေးနှင့် ရင်းနှီးမြှုပ်နှံမှု ကဏ္ဍများ တိုးပွားလာစေရေးအတွက် ရည်ရွယ်ပြီး အဘက်ဘက်မှ လုပ်ဆောင်ရာတွင် တရားမဝင် ကုန်သွယ်မှု တိုက်ဖျက်မှုကိုပါ လုပ်ဆောင်ရန် လိုအပ်ပြီး တရားမဝင် ကုန်သွယ်မှုသည် စီးပွားရေးလုပ်ငန်း နယ်ပယ်နှင့် ကူးသန်းရောင်းဝယ်ရေး ကိစ္စရပ်များ၊ အခွန်ဘဏ္ဍာဆိုင်ရာ ကိစ္စရပ်များတွင် စိန်ခေါ်မှုတရပ်၊ အဟန့်အတားတရပ်အနေဖြင့် တည်ရှိနေသည်။ တရားမဝင် ကုန်သွယ်မှု ဆိုသည်မှာ မှောင်ခို ကုန်သွယ်ခြင်းအပြင် ပစ္စည်းအတု တင်သွင်းခြင်း၊ အတုအပ လုပ်ဆောင်ခြင်း၊ တရားဝင် ကုန်သွယ်နှင့် တရားမဝင် ကုန်သွယ်မှုကလည်း အပြိုင်ဆောင်ရွက်ခြင်းနှင့် ကျသင့်တန်ဖိုးအောက် ဖော်ပြခြင်း စသည်တို့ပင် ဖြစ်သည်။ မြန်မာနိုင်ငံရှိ ကူးသန်းရောင်းဝယ်ရေးဆိုင်ရာ ကုန်သွယ်ရေးလုပ်ငန်းများကို ရေကြောင်း၊ လေကြောင်းဖြင့် နိုင်ငံတကာမှ ကုန်ပစ္စည်းများအား ကုန်သွယ်ကြသလို မြန်မာနိုင်ငံနှင့် နယ်နိမိတ် ဆက်စပ်လျက်ရှိသည့် အိမ်နီးချင်းနိုင်ငံများဖြင့်လည်း နယ်စပ် ကုန်သွယ်စခန်းများမှတဆင့် ကုန်သွယ် ကူးသန်းရောင်းဝယ်ကြသည်။ မြန်မာနိုင်ငံတွင် နယ်စပ် ကုန်သွယ်ရေးစခန်း ၁၆ ခုရှိပြီး တရုတ်ပြည်နယ်စပ်တွင် စခန်း ၄ ခု၊ ထိုင်းနိုင်ငံ နယ်စပ်တလျှောက်တွင် စခန်း ၈၊ အိန္ဒိယနိုင်ငံနယ်စပ်တွင် စခန်း ၂ ခု၊ ဘင်္ဂလားဒေ့ရ်ှနယ်စပ်တွင် စခန်း ၂ ခု အသီးသီး ရှိပါသည်။ ထိုနယ်စပ် ကုန်သွယ်ရေး စခန်းများတွင် သွင်းကုန်၊ ထုတ်ကုန် လုပ်ငန်းလိုင်စင် အမျိုးမျိုးဖြင့် ကုန်သွယ်ကြပြီး တနိုင်တပိုင် ကုန်သွယ်ကူးသန်း ရောင်းဝယ်နိုင်ရန်အတွက်လည်း ICT ကဒ်များဖြင့် သတ်မှတ်ချက်အတိုင်း ကုန်သွယ်နေကြခြင်း ဖြစ်သည်။ တရားဝင်ကုန်သွယ်မှုများ ရှိသကဲ့သို့ တရားမဝင် ကုန်သွယ်မှုများမှာလည်း ယခင်ကတည်းက ယခုထက်ထိ အမြောက်အမြား ရှိနေဆဲ ဖြစ်သည်။ တရားမဝင် မှောင်ခိုကူးသန်းရောင်းဝယ်မှုများကို အစိုးရ လက်ထက် အဆက်ဆက်က တိုက်ဖျက်ခဲ့ပြီး ယခုအစိုးရသည်လည်း ဆက်လက် ရင်ဆိုင်တိုက်ဖျက်ရဦးမည် ဖြစ်သည်။ World Custom Organisation (WCO) ၏ နှစ်စဉ် ထုတ်ပြန်သော တရား မဝင်ကုန်သွယ်မှုဆိုင်ရာစစ်တမ်း (Illict Trade Report) များတွင် တရားမဝင် ကုန်သွယ်မှုများအား တိုက်ဖျက်ရာတွင် ပိုမိုထိရောက်သည့် မူဝါဒများ ချမှတ်နိုင်ရန်နှင့် ပိုမိုကောင်းမွန်သည့် နည်းလမ်းများ ဖော်ဆောင်နိုင်ရန် ထည့်သွင်းစဉ်းစားသင့်သည့် အချက်အလက်များကို ဖော်ပြထားသည်။ ထိုဖော်ပြထားချက်များအရ တရားမဝင် ကုန်သွယ်မှုများကို တန်ပြန်တိုက်ဖျက်မည့် သူများသည် တရားမဝင် မှောင်ခိုကူးသန်းရောင်းဝယ်မှုများ၏ ပမာဏ၊ အနေအထားနှင့် သက်ဆိုင်ရာ ဒေသန္တရ အခြေအနေ၊ ကုန်စည်များ စသည့် သတင်းအချက်အလက်များကို နားလည်သဘောပေါက်ရန် အထူးလိုအပ်လှသည်ဟု ဆိုပါသည်။ သို့မှသာ မြေပြင်တွင် ဖြစ်ပေါ်လျက်ရှိသည့် အခြေအနေကို အပြည့်အဝ နားလည် သုံးသပ်နိုင်မည်ဖြစ်ပြီး ထိုကဲ့သို့ တရားမဝင် ကူးသန်းရောင်းဝယ်မှုများကို ဟန့်တားနိုင်မည့် နည်းလမ်းများကို ရှာကြံနိုင်မည် ဖြစ်သည်။ အနာသိ ဆေးရှိ ဆိုသကဲ့သို့ အနာကို သိမှ သင့်တော်သည့် ဆေးကို ပေးနိုင်မည် ဖြစ်သည်။ ထိုသို့ အခြေအနေ အရပ်ရပ်ကို အပြည့်အဝ နားလည် သုံးသပ်နိုင်ရန် အဆင့်မီသည့် သတင်းအချက်အလက်များ အထူးလိုအပ်လှပေသည်။ တရားမဝင် ကုန်သွယ်မှု ဖြစ်ပွားရခြင်း၏ အကြောင်းရင်းများတွင် အခွန်အခများ ကြီးမြင့်ခြင်း၊ ဥပဒေ နည်းဥပဒေများနှင့် လုပ်ထုံးလုပ်နည်းများ၊ တရားဥပဒေ စိုးမိုးမှု၊ လွတ်လပ်သော ကုန်သွယ်မှုဇုန်များ၏ အခန်းကဏ္ဍနှင့် အင်တာနက်ကြောင့် ကုန်အမှတ်တံဆိပ်များ ကမ္ဘာအနှံ့ ကျော်ကြားသိရှိလာကြခြင်း စသည်တို့ကြောင့် ဖြစ်သည်။ တရားမဝင်ကုန်သွယ်မှုများသည် တရားဝင်ကုန်သွယ်မှုများထက် အမြဲတမ်း အသာစီးရနေတတ်ပြီး အခွန်အခ မရှိခြင်း၊ နည်းပါးခြင်းတို့ကြောင့် ရောင်းဈေးကိုလည်း ဈေးကွက်ထဲကထက် ပိုမိုလျှော့ချ ရောင်းချနိုင်သဖြင့် ဈေးကွက်ဝယ်လိုအား ပိုများပြီး သုံးစွဲသူ များပြားခြင်း၊ အရည်အသွေး မပြည့်မီသည့် စိတ်မချရသည့် ကုန်ပစ္စည်းများကြောင့် အများပြည်သူတို့၏ ကျန်းမာရေးအန္တရာယ်ရှိနိုင်ခြင်းအပြင် ပြည်တွင်း လုပ်ငန်းများ၊ အထူးသဖြင့် အသေးစား အလတ်စားလုပ်ငန်းများမှာ ၎င်းတို့အား အပြိုင် ဈေးကွက် မထိုးဖောက်နိုင်ခြင်းတို့ ဖြစ်ပေါ်စေသည်။ မြန်မာနိုင်ငံအတွင်း ကုန်ပစ္စည်း အတုအပ ဈေးကွက် ကြီးမားမှုသည်လည်း တရားမဝင် ကုန်သွယ်မှုအပေါ် ထိရောက်စွာ ကိုင်တွယ်နိုင်မှု အားနည်းခြင်း၏ နောက်ဆက်တွဲရလဒ်များပင် ဖြစ်ပေသည်။ တရားမဝင် ကုန်သွယ်မှုများအား ဖမ်းဆီးရရှိမှုနှင့် ဆက်စပ်သည့် သတင်းများ၊ ပစ္စည်းအမျိုးအမည်များ၊ ပမာဏများနှင့် အခြေအနေအရပ်ရပ် သုံးသပ်မှုတို့နှင့် ပတ်သတ်ပြီး ပြုစုထားသည့် အချက်အလက်များမှာမူ တစုတစည်းတည်း မှတ်တမ်းတင်ထားခြင်းမျိုး ရှိသည့်အတွက် လေ့လာရန် ခက်ခဲလှပြီး တရားမဝင်ကုန်သွယ်မှုများအား တားဆီးမှုဆိုင်ရာ မှတ်တမ်းများအရ ၂၀၁၂ ခုနှစ်မှ ၂၀၁၅ ခုနှစ် အတွင်း အကောက်ခွန်မဲ့ပစ္စည်း ငွေကျပ် ၅၃ ဘီလီယံကျော်ဖိုး ဖျက်သိမ်းခဲ့ကြောင်း မိုဘိုင်းတင်းမ်အဖွဲ့ ထုတ်ပြန်သော သတင်းများအရ သိရသည်။ ထို့ပြင် တရားမဝင် ကုန်သွယ်ရေးရှိနေသမျှ ကာလပတ်လုံး မျှတတဲ့ ကုန်သွယ်ရေးပမာဏ ရရှိမှာ မဟုတ်ဘဲ နိုင်ငံခြားကို တရားဝင်ပို့နေသော ပမာဏနှင့် နိုင်ငံခြားမှ တင်သွင်းနေသော ပမာဏမှာ အဆ ၅ ဆမှ ၁၀ ဆကြား ကွာခြားနေခြင်း ဖြစ်ကြောင်း၊ တရားမဝင် ကုန်သွယ်ရေးများမှာ ပို့ကုန် သွင်းကုန်ပမာဏ အချိုး ကွာခြားနေစေသည့်အပြင် တရားမဝင်ကုန်ပစ္စည်းများမျာ အာမခံချက် မရှိသောကြောင့် စားသုံးသူ၊ သုံးစွဲသူတို့အတွက် အန္တရာယ်ရှိနိုင်ရုံမက အခွန်ဝင်ငွေ မရရှိခြင်း၊ တရားဝင် အခွန်ပေး ထုတ်လုပ်နေသော ပြည်တွင်းလုပ်ငန်းရှင်များအတွက်လည်း ဈေးကွက် မယှဉ်ပြိုင်နိုင်သော အခက်အခဲများ ကြုံတွေ့နေရကြောင်းကို စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ယခုနှစ် ဖေဖော်ဝါရီလအတွင်း ကုန်သည်စက်မှုအသင်းချူပ်မှ လုပ်ငန်းရှင်များနှင့် တွေ့ဆုံစဉ် ဆွေးနွေး ပြောကြားခဲ့ခြင်း ဖြစ်သည်။ သို့ပါသောကြောင့် ကုန်သွယ်မှု၊ စီးပွားရေး စသဖြင့် သက်ဆိုင်ရာနယ်ပယ်မှ တတ်သိပညာရှင်ကပါ လေ့လာ၊ သုံးသပ်၊ အကြံပေးနိုင်အောင် လိုအပ်သည့် သတင်း အချက်အလက်များကို စုစည်းထားပြီး မှတ်တမ်းများ ထားရှိသင့်ပေသည်။ ထို့ပြင် တရားမဝင် ကုန်သွယ်မှုကို တဦးတယောက်၊ ဌာနတခုတည်းမှ တားဆီး အရေးယူခြင်းမျိုး မဟုတ်ဘဲ သက်ဆိုင်ရာ အဖွဲ့အစည်းများနှင့် လုပ်ငန်းရှင်များပါ ပါဝင်ပြီး တရားမဝင် ကူးသန်းရောင်းဝယ်မှုများကို ထိထိရောက်ရောက် တန်ပြန်တိုက်ဖျက်သင့်ပါကြောင်း ဖော်ပြလိုက်ပါသည်။ နေခြည်အောင်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up