ရေအိုင်ထဲဝင်လာသည့် ငါးမန်းကို ဖမ်းပြီး ပင်လယ်ထဲ ပြန်လွှတ်ပေးသည့် အမျိုးသမီး (ရုပ်သံ)

အမျိုးသမီးတဦးဟာ မနက်ပိုင်း ရေကူးနေချိန် ကမ်းခြေ ကျောက်သားရေအိုင်ထဲ ဝင်လာတဲ့ ငါးမန်းကို လက်နဲ့ဖမ်းပြီး ပင်လယ်ထဲ ပြန်လွှတ်ပေးလိုက်တဲ့ အံ့သြဖွယ်ရုပ်သံဖိုင် ထွက်ပေါ်လာပါတယ်။ ငါးမန်းကိုဖမ်းပြီး ပင်လယ်ထဲ ပြန်လွှတ်ပေးလိုက်တဲ့ အိမ်ခြံမြေအကျိုးဆောင်ဝန်ထမ်း မယ်လစ်ဆာဟက်သီယာက သူမအနေနဲ့ အိမ်သစ်လိုအပ်နေတဲ့သူတွေကို ပြန်လည်နေရာချထားပေးတဲ့ သူမရဲ့အလုပ်လိုပဲ လုပ်ပေးလိုက်တာပါလို့ ပြောပါတယ်။ သူငယ်ချင်းမိတ်ဆွေတွေက ငါးမန်းနဲ့ အငြင်းအခုံလုပ်သူလို့ အမည်သစ်ပေးလိုက်တဲ့ မယ်လစ်ဆာဟာ သြစတြေးလျနိုင်ငံ ဆစ်ဒနီတောင်ပိုင်း ကရိုနူလာကမ်းခြေက ရေအိုင်မှာ သူငယ်ချင်းတွေနဲ့ ရေကူးနေစဉ် ရေထဲမှာ ငါးမန်းဆူးတောင်ကို တွေ့လို့ “ဒီနားက အားလုံးထွက်ကြ၊ ဟိုမှာငါးမန်း” လို့ အော်ခဲ့တာပါ။ ရေအိုင်ထဲမှာ ကူးခတ်နေတဲ့ ငါးမန်းကို မယ်လစ်ဆာက အကြောက်အလန့်မရှိ ဖမ်းဆီးခဲ့တာကို သမီးဖြစ်သူက ရုပ်သံရိုက်ကူးခဲ့တယ်လို့ ဆိုပါတယ်။ ရုပ်သံထဲမှာ သူမက ငါးမန်းကို ဝင်ရောက်လုံးထွေးပြီး သူမရဲ့လက်တွေနဲ့ ဖမ်းဆီးသယ်လာကာ ပင်လယ်ထဲ ပြန်လွှတ်ပေးလိုက်တာကို ကြည့်နေတဲ့လူတွေက အော်ဟစ်ကောင်းချီးပေးလိုက်တာကို တွေ့ရပါတယ်။ “ကျမ ငါးမန်းကို ရေနက်ထဲ မောင်းသွင်းလိုက်ပြီး သူ့ရဲ့ဆူးတောင်တွေကို ကျမရဲ့ ဒူးခေါင်းတွေနဲ့ မိလိုက်တယ်။ ပြီးတော့ ပင်လယ်ထဲ ပြန်လွှတ်ပေးလိုက်တာပါ” လို့ မယ်လစ်ဆာက ပြောပါတယ်။ “ကျမ မကြောက်ပါဘူး။ ငါးမန်း ဒီကျောက်ရေအိုင်ထဲမှာ ပိတ်မိနေတာကိုပဲ စဉ်းစားမိပြီး ကျမ သူ့ကိုကယ်ဖို့လိုတယ်လို့ တွေးမိတာပါ။ ကျမက အိမ်ခြံမြေအရောင်းဝန်ထမ်းဆိုတော့ ကျမအလုပ်က လူတွေကို ပြည့်စုံတဲ့အိမ်မှာ နေရာပြန်လည်ချထားဖို့ ကူညီရတာပါ။ ခုလည်း ငါးမန်းကို ပင်လယ်ထဲမှာ ပြန်နေရဖို့ ကူညီပေးလိုက်တာ” လုိ့ သူမက ဆက်ပြောပါတယ်။ မယ်လစ်ဆာ ငါးမန်းဖမ်းတဲ့ရုပ်သံဟာ ဖေ့စ်ဘွတ်ခ်စာမျက်နှာထက်မှာ ပျံ့နှံ့နေပြီး ကရိုနူလာ အိမ်ခြံမြေအကျိုးဆောင်လုပ်ငန်းက သူတို့ရဲ့ ဖေ့စ်ဘွတ်ခ်စာမျက်နှာထက်မှာ “ကျနော်တို့ရဲ့ ဝန်ထမ်း ငါးမန်းနဲ့ငြင်းခုံသူ မယ်လစ်ဆာဟက်သီယာက မနေ့မနက်က ငါးမန်းကို နပန်းလုံးဖမ်းဆီးပြီး အုတ်က်ပါ့က်ကျောက်ရေအိုင်ထဲကနေ ကယ်ထုတ်ပေးခဲ့ပါတယ်” လို့ ရေးသားထားကြောင်း မေရာသတင်းမှာ အောက်တိုဘာ ၁၀ ရက်နေ့က ဖော်ပြထားပါတယ်။

More News
Up