ရေးမြို့နယ် ပင်လယ်ပြင်လုပ်ငန်းခွင်၌ ဖောင်ဦးစီးကို မကျေနပ်ရာမှ လူသတ်မှုဖြစ်ပွား

မွန်ပြည်နယ်   ရေးမြို့နယ်   ကပ္ပလီပင်လယ်ပြင်      ငှက်ပျောကျွန်းအနောက်မြောက်ဘက် ရေမိုင် ၅၀ အကွာ   ရေလုပ်ငန်းရှင်ဦးအောင်ကျော်မျိုးရဲ့ ကျားဖောင်မှာ      အောက်တိုဘာ ၈ ရက်နေ့ ညနေ ၃ နာရီခွဲလောက်က   ကျားဖောင်ဦးစီးကို  မကျေနပ်ရာကနေ လူသတ်မှု ဖြစ်ပွားခဲ့တယ်လို့ ရေးမြို့မရဲစခန်းထံမှ သိရပါတယ်။ ရေးမြို့မရဲစခန်းမှူး ဒုရဲမှူး စိုးမွန်က “ကျားဖောင်ဦးစီး ကိုလှပေါ်ဦးကို ကျားဖောင် ရေလုပ်သား ကျော်မင်းက ကျားဖောင်မှာ အလုပ်လုပ်ကိုင်ရာမှ ကျန်းမာရေးမကောင်းတဲ့အတွက် နားနေချိန်မှာ ကျားဖောင်ဦးစီး ကိုလှပေါ်ဦးမှ အလုပ်မလုပ်နိုင်ရင် ရေထဲကန်ချမယ်လို့ ပြောတာကြောင့် ကျားဖောင်ပေါ်ရှိ အရှည် ၂ပေ လုံးပတ် ၂ လက်မလောက်ရှိ သစ်သားထင်းပိုင်းနဲ့ ဖောင်ဦးစီးကို လှပေါ်ဦးကို ရိုက်နှက်ခဲ့ရာမှ သေဆုံးခဲ့ပါတယ်”လို့ ပြောပါတယ်။ ကျားဖောင်ဦးစီး ကိုလှပေါ်ဦး သေဆုံးခြင်းအပေါ် ရေလုပ်သား ကျော်မင်းကို ဥပဒေအရ အရေးယူပေးဖို့ ကိုလှပေါ်ဦးရဲ့ ဇနီးမအေးအေးအောင်က အောက်တိုဘာ ၉ ရက်နေ့ညက တိုင်တန်းလာခဲ့ကြောင်း ရေးမြို့မ ရဲစခန်းမှတ်တမ်းတွေက ဖော်ပြထားပါတယ်။ လူသတ်မှုဖြစ်စဉ်နဲ့ပတ်သက်ပြီး ရေးမြို့မရဲစခန်းမှ ကျော်မင်းကို (ပ)၃၀၈/၂၀၁၇ ရာဇသတ်ကြီးပုဒ်မ - ၃၀၂ အရ အောက်တိုဘာ ၉ ရက်နေ့ည ၁၀ နာရီ ၄၀ မိနစ်အချိန်က အမှုဖွင့်အရေးယူထားပြီး  စခန်းမှူး ဒုရဲမှူး စိုးမွန်က အသေးစိတ်စစ်ဆေးနေတယ်လို့ ဆိုပါတယ်။ သတင်း - နေမျိုးထွဋ်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up