(က) ဗမာအို ကျောင်းကြိုကျောင်းကြားတဲ့။ ဘယ်ပညာရှိတွေ ပြောပြီး ထားသွားတာလည်း မပြောတတ်ပေမယ့် သိပ်တော့ လက်ခံနိုင်စရာ အကြောင်းမရှိဘူး။ အသက်ကြီးတာနဲ့ ဘုန်းကြီးကျောင်း သွား တရားအားထုတ်လို့ ဆိုချင်ပုံ ရတယ်။ ရှိသေးတယ်၊ အိုမင်းမစွမ်းတဲ့။ အသက်ကြီးသွားရင် စွမ်းဆောင်ရည်တွေ ကျဆင်းကုန်တယ်ပေါ့လေ။ ဒီစကားတွေကို နားကြားပြင်းကတ်သူတွေက အသက်ကြီးပေမယ့် မပျက်စီးသေးဘူးလို့ ခွန်းတုံ့ပြန်တယ်။ အသက်စကား ပြောလာကြတဲ့သူတွေ ကြည့်လိုက်ရင် သက်ကြီးပိုင်းတွေ များတယ်။ သူတို့အချင်းချင်းပဲ ပေါင်းသင်းဆက်ဆံလေ့လည်း ရှိတယ်။ အမေရိကမှာတော့ အဲဒီလို ပေါင်းသင်းနေကြတဲ့ အသက် ၈၀ ကျော် အဘိုးကြီး ၃ ယောက် ပေါင်းပြီး ဘဏ်ဓားပြတိုက်ခဲ့ကြပါတယ်။ မဖြစ်နိုင်ဘူးလို့ စောဒကတက်လာရင်တော့ ရုပ်ရှင်ထဲမှာ ဘာမဆို ဖြစ်နိုင်တယ်လို့ပဲ ပြောရမယ်။ ပြီးခဲ့တဲ့အပတ်က အဘိုးကြီးနှစ်ယောက် ပေါင်းပြီး လုပ်ချင်တာတွေ လျှောက်လုပ်ခဲ့ကြတဲ့ အဘိုးကြီး နှစ်ယောက်အကြောင်း The Bucket list ဆိုတဲ့ ရုပ်ရှင်ညွှန်းခဲ့တယ်။ ဒီတပတ်တော့ အဘိုးကြီး သုံးယောက်ပေါင်း လောင်းကျော်ခဲ့တဲ့ ၂၀၁၇ နှစ်ထွက်  Going in Style ဆိုတဲ့ ဇာတ်ကားလေးနဲ့ မိတ်ဆက်ပေးလိုပါတယ်။   (ခ) The Bucket list ဇာတ်ကားထဲက  MORGAN FREEMAN အခုကားမှာ ပြန်ပါလာပြီး သူ့လိုပဲ နာမည်ကြီး မင်းသားကြီးတွေဖြစ်တဲ့ MICHAEL CAINE နဲ့ ALAN ARKIN တို့ ပါဝင်သရုပ်ဆောင်ထားကြတဲ့ ဇာတ်ကားနာမည်က  GOING In STYLE ။ အသက် ၈၀ ကျော်အရွယ် အဘိုးကြီး ၃ ယောက် ဒီအသက်အရွယ်တွေရောက်မှ ဘဝကို ဘာလို့ အဆင့်အတန်းရှိရှိ အထက်တန်းကျကျ နေချင်ကြတာလဲ။ ဂျိုးဟာဒင်း MICHAEL CAINE က စစ်ပြန်၊ ပင်စင်စား၊ ဝီလီ MORGAN FREEMAN ကလည်း အတူတူပဲ ပင်စင်စား၊ အဲဘတ်က ALAN ARKIN လည်း အလားတူ။ ကုမ္ပဏီတခုတည်း အတူတူ အလုပ်လုပ်ပြီး အတူတူ ပင်စင်စားခဲ့ကြသူတွေ။ နေကြတော့လည်း အိမ်ခန်းချင်း မျက်နှာချင်းဆိုင်။ ဂျိုးက သူ့သမီးရယ် မြေးမလေး တယောက်ရယ်နဲ့ အတူနေတယ်။ ဝီလီက သမီးနဲ့ မြေး ရှိပေမယ့် ရေမြေခြားနေလို့ လူလွတ်ဖြစ်တဲ့ အဲဘတ်နဲ့ တခန်းတည်း အတူငှားနေတယ်။ ဇာတ်လမ်းစတော့ ဂျိုးက သူ့အိမ်ခန်းလေး အပေါင်ထားတဲ့ ဘဏ်ကိုသွားပြီး ဘဏ်မန်နေဂျာနဲ့ ပြောဆိုရှင်းလင်းနေတုန်း ဘဏ်ဓားပြတွေ ဘဏ်ကို ဝင်တိုက်တာနဲ့ ကြုံလိုက်ရတယ်။ သူတို့ ၃ယောက်စလုံး တဆက်တည်း တပြိုင်တည်း ကြုံရတဲ့ ပြဿနာကတော့ သူတို့အားလုံး အလုပ်လုပ်ခဲ့ကြတဲ့ လက်ရှိမှာ သူတို့ကို ပင်စင်ပေးနေတဲ့ စတီးကုမ္ပဏီတခုက ဗီယက်နမ်ကို ပြောင်းသွားလို့ သူတို့ ပင်စင်တွေလည်း ပျက်ပြယ်ကုန်တယ်။ ကုမ္ပဏီကို တရားစွဲလည်း သူတို့ သေခါမှပဲ လျော်ကြေးရမယ့်ကိစ္စ ဖြစ်နေလို့ အဘိုးကြီး ၃ ယောက်စလုံး တော်တော်လေး ထိတ်လန့် တုန်လှုပ်သွားကြတယ်။ ဒီထဲမှာ အဆိုးဆုံး အခြေအနေကို ရင်ဆိုင်နေရသူက ဂျိုး ဖြစ်ပြီး သူ့အိမ်ခန်းက တလအတွင်း အပေါင်ဆုံးတော့မယ်။ ဘာဆက်လုပ်ကြမလဲ။   (ဂ) ဘဏ်တခုကို စကန့် ၃၀ လောက်အတွင်း ပိပိရိရိဝင်ပြီး ဓားပြတိုက်သွားတဲ့ အဖြစ်ကို ကိုယ်တိုင်ကြုံခဲ့ရသူ ဂျိုးက ဘဏ်ဓားပြတိုက်ဖို့ သူ့အကြံ ပြောပြတယ်။ ပင်စင်လစာလည်း မရတော့ဘူးလို့ သိလိုက်ရချိန်မှာ သူတို့ ထိုင်နေကျ ကော်ဖီဆိုင်က မုန့်တခုတောင် ဝယ်စားဖို့ တွန့်ဆုတ်နေကြတဲ့ အဘိုးကြီး ၃ ယောက် ကြံရာမရ ဖြစ်ပြီ။ ဒီထဲမှာ ဝီလီတယောက် ပြဿနာက သူ့ကျောက်ကပ်တလုံး မကောင်းတော့လို့ အစားထိုးလဲဖို့ ဆရာဝန်က သတိပေးနေချိန် ဖြစ်နေပြန်တယ်။ ဂျိုးရဲ့ ဘဏ်ဓားပြတိုက်ဖို့ အစီအစဉ်ကို ကျန်နှစ်ယောက်က အစမှာ တူးတူးခါးခါး ငြင်းကြပြီး ရက်အနည်းငယ်ကြာတော့ ဝီလီက လက်ခံလာတယ်။ အဲဘတ်ကိုလည်း ဂျိုးက အတန်တန်စည်းရုံးလို့ အဲဘတ်လည်း လက်ခံလိုက်တယ်။ အဲဒီမှာ ဇာတ်က စလှုပ်တော့တာပါပဲ။ ပထမဆုံး ၃ ယောက် ပေါင်းပြီး ကုန်တိုက်တခုထဲဝင် ပစ္စည်းတွေ ခိုးစမ်းကြည့်တယ်။ ဗရုတ်သုတ်ခတွေဖြစ်ပြီး အရှက်ကွဲကြတယ်။ ဒီလိုတော့ မဖြစ်ဘူးဆိုပြီး ဂျိုးက ဒုစရိုက်လောကနဲ့ အဆက်အသွယ်ရှိတဲ့ သူ့သမက်ကို ရှာပြီး သူတို့ကို ကူညီနိုင်မယ့်သူတယောက် အရှာခိုင်းတယ်။ သူ့သမက် ရှာဖွေဆက်သွယ်ပေးလိုက်သူကတော့ တိုက်တိုက်ဆိုင်ဆိုင် ဆိုသလို ဂျိုး ဘဏ်ထဲ ရှိနေတုန်း ဓားပြဝင်တိုက်သွားတဲ့ ဓားပြခေါင်းဆောင် ဖြစ်နေပါတော့တယ်။   (ဃ) "ဘဏ်ဓားပြတိုက်တာလည်း အနုပညာတခုပဲ" အဘိုးကြီး ၃ ယောက်ကို ဓားပြတိုက်နည်း သင်တန်းပေးမယ့် သူ ပထမဆုံး သူတို့ကို ပြောတဲ့စကား။ ကြိုတင်ထောက်လှမ်း သတင်းရယူပုံ၊ သွက်သွက်လက်လက် ဖျတ်ဖျတ်လတ်လတ် ရှိနေဖို့ လေ့ကျင့်ခန်းလုပ်ဖို့ လိုအပ်ပုံ၊ လိုအပ်ရင် သေနတ်ပစ်ဖောက်ဖို့ သေနတ်ပစ်တာ သင်ကြားဖို့ လိုအပ်ပုံ။ လိုတာတွေပြောပြီး အဘိုးကြီး ၃ ယောက်စလုံးလည်း လိုက်လုပ်ရတယ်။ နောက်ဆုံး အရေးကြီးဆုံးအချက်ဖြစ်တဲ့ ရဲကို အလီဘိုင်ပြဖို့ကိစ္စ။ သူတို့ ဘဏ်ဓားပြတိုက်ဖို့ လုပ်နေချိန်မှာ CARNIVAL ပွဲတော်လုပ်မယ့်ရက် ဖြစ်နေတယ်။ အဲဒီပွဲမှာ သူတို့ ၃ ယောက် လုပ်အားပေးဖို့ စာရင်းပေးလိုက်ပြီး ပွဲမှာ ဝတ်ဆင်ကြဖို့  တီရှပ်အဝါဆင်တူ အထည်တထောင်ကိုလည်း သူတို့ စပွန်ဆာ ပေးလိုက်တယ်။ ရက် ၂၀ အတွင်း အိမ်ခန်းသိမ်းခံရပြီး အိမ်ခြေမဲ့တော့မယ့် ဂျိုး၊ ကျောက်ကပ် အစားထိုးလဲပစ်ဖို့ အချိန်ရောက်နေပြီဖြစ်သလို ပင်စင်လစာလည်း မရတော့တဲ့ ဝီလီနဲ့ ဘဝတူ အဲဘတ်တို့ ဘဏ်ဓားပြတိုက်ပါတော့မယ်။ သူတို့ ဝင်တိုက်ဖို့ ရွေးထားတဲ့ဘဏ်က ဂျိုး အိမ်ခန်းအပေါင်ခံထားတဲ့ ဘဏ် ဖြစ်သလို ဘဏ်ဓားပြတိုက်တာကို ဂျိုးကိုယ်တိုင် ကြုံတွေ့ခဲ့ရတဲ့ ဘဏ်လည်း ဖြစ်ပါတော့တယ်။   (င) ရက် ၂၀ အတွင်း အိမ်ခန်းဆုံးတော့မယ့် ဂျိုးနဲ့ သူ့သူငယ်ချင်း နှစ်ယောက်တို့ဟာ ဘဏ်တခုကို ၂ မိနစ်အတွင်း ဓားပြတိုက်ဖို့ ကြံစဉ်ကြရင်း ဘာတွေ ဆက်ဖြစ်ကြသလဲဆိုတဲ့ အပိုင်းဟာ ရုပ်ရှင်ထဲမှာ ကြည့်အကောင်းဆုံး အခန်းတွေ ဖြစ်ပါတယ်။ ၁၉၇၉ ခုနှစ်က ရုပ်ရှင်ကားတကားကို ပြန်ရိုက်ထားတာဖြစ်တဲ့ GOING In STYLE ရုပ်ရှင်ထဲမှာ လူလွတ်ဖြစ်တဲ့ အဲဘတ်ရဲ့ အချစ်ရေးနဲ့ ဆက်ဆိုဖုန်း ဂီတသံတွေကိုလည်း ရယ်မောရင်း ခံစား ကြားရဖို့ ရှိတယ်။ သွက်လက်တဲ့ နောက်ခံတေးဂီတနဲ့ အဘိုးကြီး ၃ ယောက်ရဲ့ လှုပ်တုတ် လှုပ်တုတ် သရုပ်ဆောင်ချက်တွေဟာ ရုပ်ရှင်ကြည့်ပရိသတ်ကို ဇာတ်ကား အစက အဆုံးထိ ဆွဲခေါ်သွားပါလိမ့်မယ်။ အဘိုးကြီး ၃ ယောက်အပြင် ရုပ်ရှင်မှာ ပါဝင်သရုပ်ဆောင်ထားကြတဲ့ ဇာတ်ပို့ ဇာတ်ရံတွေရဲ့ သရုပ်ဆောင်ချက်တွေကလည်း အင်မတန် သဘာဝကျ ကောင်းမွန်လှပါတယ်။ သေချာတာ တခုကတော့ ဒီဇာတ်ကားကြည့်ပြီးရင် ဗမာအို ကျောင်းကြိုကျောင်းကြား ဆိုတဲ့စကားကို သင် လုံးလုံးလက်ခံတော့မှာ မဟုတ်ပါဘူး။ ကိုလေအိုး