နာမည်ကြီးဒစ္စနေးရုပ်ရှင် လှယမင်းနှင့် လူကြမ်းကြီးအသွင် ဆင်နွှဲခဲ့သည့် အံ့ဖွယ်မင်္ဂလာပွဲ

ဒီမင်္ဂလာပွဲဟာ စိတ်ကူးယဉ်အိပ်မက်ထဲက မင်္ဂလာပွဲတခုလို ဖြစ်နေမှာပါ။

ဘာလို့လဲဆိုတော့ သတို့သမီးဖြစ်တဲ့ ယက်စ်မင်ဟာ ငယ်ငယ်တည်းက စိတ်ကူးယဉ်ခဲ့ရဖူးတဲ့ သူ့ရဲ့ မင်္ဂလာပွဲအခမ်းအနားကို ထင်မှတ်မထားတဲ့ ပုံစံနဲ့ ဆင်နွှဲခဲ့ရလို့ပါပဲ။

သူတို့ရဲ့မင်္ဂလာပွဲဟာ နာမည်ကြီး ဒစ္စနေးရုပ်ရှင် Beauty and The Beast ရဲ့ ဇာတ်ဝင်ခန်းထဲကအတိုင်း စီစဉ်ကျင်းပခဲ့ကြတာ ဖြစ်ပါတယ်။

သတို့သားဖြစ်တဲ့ ရီယန်နစ္စ ဗယန်နာကစ်စ်ဟာ ထူးခြားတဲ့ နာမည်ကြီး မင်္ဂလာပွဲစီစဉ်သူတဦးဖြစ်ပြီး သူ့ရဲ့မင်္ဂလာပွဲကိုလည်း အံ့အားသင့်ဖွယ်ဖြစ်အောင် ကိုယ်တိုင်စီစဉ်ခဲ့တာပါ။

“ဒီမင်္ဂလာပွဲဟာ မိန်းကလေးတိုင်းလိုချင်တဲ့ ပုံစံမျိုးပါပဲ။ ပုံပြင်ဆန်တဲ့ မင်္ဂလာပွဲကနေ အရာအားလုံးဟာ မျှော်လင့်ထားတဲ့အတိုင်းချည်းပဲ မဟုတ်ဘူးဆိုတာ ပြချင်တာဗျ။”

သူဟာ ခုလိုဆင်နွှဲနိုင်ဖို့ ရုပ်ရှင်ဇာတ်ဝင်ခန်းထဲကအတိုင်း ဝတ်စုံတွေ၊ ရဲတိုက် အဆောက်အအုံ ပါဝင်တဲ့ တောအုပ်နဲ့ စိတ်ဆိုးဒေါသထွက်နေကြတဲ့ လူအုပ်စုကြီးတွေကိုပါ ငှားရမ်း စီစဉ်ခဲ့ရတာလို့ ဆိုပါတယ်။

ရဲတိုက်အဆောက်အအုံပါတဲ့ တောအုပ်ကတော့ ငှားရမ်းခငွေ ပေါင် ၁၀၀၀ ကုန်ကျခဲ့ပြီး သတို့သမီးအရံ ၃ ယောက်အတွက် ဝတ်စုံတွေကတော့ ပေါင် ၁၅၀ ကုန်ကျခဲ့တယ်လို့ ဆိုပါတယ်။

ကြိုတင်စီစဉ်ထားခဲ့ပေမယ့် မင်္ဂလာပွဲမတိုင်ခင် တရက်အလိုမှာ သတို့သမီးဝတ်စုံ အဝါရောင်တောက်တောက်ကြီးအတွက် မိခင်၊ ညီမဖြစ်သူနဲ့ သူငယ်ချင်းတွေက မနှစ်မြို့ခဲ့ကြပါဘူး။

“နောက်တနေ့အတွက် တကယ့်ကို ထိတ်လန့်နေပြီး စိတ်ဖိစီးမှု များခဲ့ရတယ်” လို့ သတို့သမီးဖြစ်သူ ယက်စ်မင်က ပြောပါတယ်။

သတို့သမီးရဲ့ ညီမဖြစ်သူကတော့ “သူ့မှာ မျက်ရည်တွေနဲ့။ ထိတ်လန့်စရာပါပဲ။ တကယ်လို့များ ဝတ်စုံအဖြူရောင်ဆိုရင် ပိုကောင်းမလားလို့” ဆိုပြီး ပြောခဲ့ပါတယ်။

တကယ့် အခမ်းအနားကျင်းပချိန်မှာတော့ ပရိသတ်တွေရော သတို့သမီးကိုပါ အံ့အားသင့်စေခဲ့ပြီး တောအုပ်ထဲက Beauty and The Beast ရုပ်ရှင်ဆန်တဲ့ မင်္ဂလာပွဲဟာ အထမြောက်ခဲ့ရပါတယ်။

ယက်စ်မင်က “ကျမဘယ်သူဆိုတာကို သူသိတယ်။ ကျမ ဘာကိုနှစ်သက်သလဲ ဆိုတာလည်း သူက သိပါတယ်။ ဒါကြောင့် ခုလိုမျိုး ရွေးချယ်ခဲ့တာပေါ့” လို့ ငိုရှိုက်သံတဝက်နဲ့ ပြောလိုက်ပါတယ်။