ကမ္ဘောဒီးယားနိုင်ငံမှာ လယ်သမားတဦးက ကြွက်သားတွေ အမြောင်း/ဖုထနေတဲ့ သန္ဓေပြောင်း ဝက်တွေကို မွေးမြူထားတဲ့ အံ့သြဖွယ်ရုပ်သံ ထွက်ပေါ်လာပါတယ်။ ဝက်တွေက မျိုးရိုးဗီဇနဲ့ဆိုင်တဲ့ ပေါက်ဖွားမှုကြောင့် ဒီလိုကြွက်သားတွေရှိတဲ့ ဝက်တွေဖြစ်လာတာလို့ ယူဆနေကြပါတယ်။ ဒီဝက်တွေထဲက အချို့အရွယ်အစား အလွန်ကြီးတဲ့ ဝက်တွေက ကြီးမားတဲ့ ဝှေးစေ့တွေ ရှိနေပြီး အချို့ဝက်တွေက သူတို့ရဲ့ ကြွက်သားတွေကြောင့် လမ်းလျှောက်ဖို့  ခက်ခဲနေတယ်လို့ ဆိုပါတယ်။ အမေရိကန်နိုင်ငံ ဇာစ်မြစ်ဖြစ်ပြီး နိုင်ငံအတွင်း မွေးမြူထားတာလို့ ရည်ညွှန်းပြောဆိုကာ Duroc ကမ္ဘောဒီးယားလို့ အမည်ရတဲ့ ဖေ့စ်ဘွတ်ခ်စာမျက်နှာမှာ တမူထူးနေတဲ့ ဝက်တွေရဲ့ ဓာတ်ပုံနဲ့ ရုပ်သံတွေကို တင်အပြီးမှာတော့ အမြန်ပျံ့နှံ့သွားတယ်လို့ သိရပါတယ်။ ဝက်တွေမွေးမြူထားတဲ့ လယ်သမားက ပြီးခဲ့တဲ့နှစ် ဒီဇင်ဘာလကတည်းက ဝက်တွေရဲ့ ကြီးထွားတိုးတက်လာမှုကို လူမှုကွန်ရက်စာမျက်နှာထက် ပုံမှန်မျှဝေခဲ့ပြီး လယ်သမားရဲ့ စာမျက်နှာမှာ ဝက်သုတ်ရည် ၂ အိတ်နဲ့ အမျိုးသားတန်ဆာအတု ၂ ခုတို့အတွက် ငွေ ၅ ပေါင်နဲ့ ရောင်းချနေတာပါ။ ဘန်တီရေးမီးချေးခရိုင်မှာ နေတဲ့ လယ်သမားက သူ့ရဲ့ကုန်ပစ္စည်းအတွက် ဂုဏ်ယူနေပုံလည်း ရတယ်လို့ ဆိုပါတယ်။ ပြီးခဲ့တဲ့နှစ်တွေအတွင်း ဝယ်လိုအား မြင့်တက်နေပြီး အထူးသဖြင့် ကမ္ဘာ့အကြီးဆုံး ဝက်ဈေးကွက်ဖြစ်တဲ့ တရုတ်နိုင်ငံမှာ ဝယ်လိုအား ပိုမြင့်တယ်လို့ သိရပါတယ်။ လူများစုကတော့ အံ့သြဖွယ်ရလဒ်အတွက် လယ်သမားက ကြွက်သားကြီးထွားဆေးနဲ့ ဟိုမုန်းထွားဆေးတွေ သုံးနေတယ်လို့ စွပ်စွဲလိုက်ပြီး တိရစ္ဆာန်အခွင့်အရေး ကာကွယ်သူတွေက ဒီဖြစ်ရပ်အတွက် ဝေဖန်နေကြကာ ပီအီးတီအေဆိုတဲ့ တိရစ္ဆာန်အခွင့်အရေး ကာကွယ်ရေးအဖွဲ့က လယ်သမားကို ရှုတ်ချထားတယ်လို့ သိရပါတယ်။ ဒီလိုဝက်တွေကို မွေးမြူရတဲ့ ရည်ရွယ်ချက်က အဆီနည်းတဲ့အသားတွေ ထုတ်လုပ်ဖို့ဖြစ်ပြီး ဒီလိုဝက်မျိုး ၃၂ ကောင် မွေးရင် ၁၃ ကောင်က ၈ လအထိပဲ အသက်ရှင်ကာ သူတို့ထဲက တကောင်ပဲ ကျန်းမာသန်စွမ်းတယ်လို့ သိရကြောင်း မေရာသတင်းမှာ စက်တင်ဘာ ၂၉ ရက်နေ့က ဖော်ပြထားပါတယ်။