အင်ဒိုနီးရှားရှိ စီနာဘူမီးတောင် ပေါက်ကွဲ၊ ပြာမှုန်များ ၂ ဒသမ ၅ ကီလိုထိ မြင့်တက်

ဓာတ်ပုံ - ရိုက်တာ
အင်ဒိုနီးရှားနိုင်ငံ ဆူမားတြားပြည်နယ် မြောက်ပိုင်းရှိ စီနာဘူမီးတောင်ဟာ စက်တင်ဘာ ၂၇ ရက်နေ့က စတင်ပေါက်ကွဲခဲ့ပြီး ပြာမှုန်တွေဟာ မီးတောင်ထိပ်ဝကနေ ၂ ဒသမ ၅ ကီလိုမီတာ အမြင့်အထိ မြင့်တက်ခဲ့ပါတယ်။ အဲဒီမီးတောင်ဟာ ဘာလီကျွန်းရှိ အာဂွန်မီးတောင် ပေါက်ကွဲနိုင်တယ်ဆိုပြီး သတိပေးချက် ထုတ်ပြန်ထားချိန်မှာ ပေါက်ကွဲခဲ့တာပါ။ အဲဒီ စီနာဘူမီးတောင် အနီးဝန်းကျင်မှာ စောင့်ကြည့်ရေးစခန်းတခု ထားရှိပြီး မီးတောင်အခြေအနေကို အသေးစိတ် မှတ်တမ်းတင်နေပါတယ်။ အရေးပေါ်ကယ်ဆယ်ရေးဌာန အကြီးအကဲက “မီးတောင်ပေါက်ကွဲမှု နှစ်ကြိမ်ဖြစ်ပါတယ်။ ပထမတကြိမ်က ဒေသစံတော်ချိန် မနက် ၆ နာရီမှာပါ။ နောက်တကြိမ်က မွန်းတည့်ချိန်မှာ ပေါက်ကွဲတာပါ” လို့ ပြောကြားခဲ့ပါတယ်။ စီနာဘူမီးတောင်ဟာ ၂၀၁၆ ခုနှစ်ကလည်း ပေါက်ကွဲခဲ့ပြီး လူ ၆ ဦး သေဆုံးခဲ့တယ်လို့ ရိုက်တာသတင်းမှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up