မော်ဒန်ဂျာနယ် တရားစွဲမှုအပေါ် နှစ်ဖက် ကျေအေး
DVB
·
March 23, 2012
ဆောက်လုပ်ရေးဝန်ကြီးဌာန အင်ဂျင်နီယာတဦးက ပြည်သူ့ဆောက်လုပ်ရေး လုပ်ငန်းကနေ ပြည်တွင်းဂျာနယ်က သတင်းသမားနှစ်ယောက်အပေါ် တရားစွဲဆိုထားတဲ့အမှုကို နှစ်ဖက် ကျေအေးလိုက်ကြပါတယ်။
သပိတ်ကျင်းမြို့နယ် ဆောက်လုပ်ရေးအင်ဂျင်နီယာက အပတ်စဉ်ထုတ် မော်ဒန်ဂျာနယ် အယ်ဒီတာနဲ့ သတင်းထောက်ကို တရားစွဲထားတဲ့ အမှုကို နှစ်ဖက် ကျေအေးလိုက်ပြီ ဆိုတာကို မော်ဒန်ဂျာနယ်နဲ့ ပြည်သူ့ဆောက်လုပ်ရေးလုပ်ငန်းက တာဝန်ရှိသူတွေက ဒီဗွီဘီကို အတည်ပြု ပြောဆိုပါတယ်။
သတင်းထောက် မသက်စုအောင်ရေးတဲ့ သပိတ်ကျင်း-တကောင်းလမ်း မကောင်းလို့ ရှောင်လမ်းက မောင်းတာကို ဆောက်လုပ်ရေးဌာနက ငွေကောက်ခံတဲ့ သတင်းကို သပိတ်ကျင်းမြို့နယ် ပြည်သူ့ဆောက်လုပ်ရေးလုပ်ငန်း အင်ဂျင်နီယာက အသရေဖျက်မှုနဲ့ မတ် ၆ ရက်နေ့က မြို့နယ် တရားရုံးမှာ စွဲဆိုခဲ့တာပါ။
ဒီအမှုနဲ့ ပတ်သက်လို့ ခုလို နှစ်ဖက်ကျေအေးမှု ရရှိခဲ့တဲ့အပေါ် မော်ဒန်ဂျာနယ် အထက်မြန်မာပြည် တာဝန်ခံ ကျော်ရင်မြင့်က ကြိုဆိုပါတယ်။
“အခု ဆောက်လုပ်ရေးဝန်ကြီးဌာနရဲ့ ဆောင်ရွက်ချက်ကတော့ ကျနော်ကတော့ ကြိုဆိုပါတယ်။ သူတို့က မီဒီယာတွေနဲ့ အဆင်ပြေချင်တယ်ဆိုတဲ့ သဘောထားပါ။ အနာဂတ်မှာလည်း ဒီကိစ္စကို စံနမူနာပြုပြီးတော့ ဝန်ကြီးဌာနတွေ အစိုးရအဖွဲ့အစည်းတွေနဲ့ မီဒီယာတွေဟာ တဦးနဲ့တဦး အဆင်ပြေပြေနဲ့ ဆက်ဆံမယ် ဆိုရင် ကောင်းပါတယ်။ နောက်တခါ သူ့ဘက်ကိုယ့်ဘက်မှာ ချွတ်ယွင်းချက်တွေ ရှိနိုင်ပါတယ်။ အဲဒီလို ရှိနေတာကိုလည်း သည်းခံပြီးတော့မှ ညှိနှိုင်းပြီးတော့မှ သွားကြမယ်ဆိုရင် ပိုပြီးတော့ အလုပ်ဖြစ်မယ်လို့ ကျနော်တော့ ထင်ပါတယ်။”
ပြည်သူ့ဆောက်လုပ်ရေးလုပ်ငန်း ဦးဆောင်ညွှန်ကြားရေးမှူး ဦးကျော်လင်းက “ကျနော်တို့ဘက်ကတော့ မီဒီယာဆိုတာက စတုတ္ထမဏ္ဍိုင်ပါ။ အမြဲတမ်း မီဒီယာနဲ့ လက်တွဲပြီးတော့ ကောင်းတဲ့ဘက်ကို လျှောက်ချင်ပါတယ်။”လို့ ပြောပါတယ်။
မော်ဒန်ဂျာနယ်ကို တရားစွဲဆိုမှုကို နှစ်ဖက်ကျေအေးခဲ့ပေမယ့် အစိုးရသစ် လက်ထက် ဒုတိယမြောက်တရားစွဲဆိုမှုဖြစ်တဲ့ သတ္တုတွင်းဝန်ကြီးဌာနက The Voice ဂျာနယ်ကို တရားစွဲဆိုမှုကိုတော့ မတ် ၂၂ ရက်နေ့ကို ချိန်းဆိုပေမယ့် မစစ်ဖြစ်ဘဲ ပြန်လည် ချိန်းဆိုထားပါတယ်။