အမြန်လမ်းမကြီးပေါ်တွင် Light Truck ယာဉ်တိမ်းမှောက်၊ ၂ ဦး ဒဏ်ရာရ
DVB
·
September 22, 2017
ပဲခူးတိုင်းဒေသကြီး၊ ဖြူးမြို့နယ် ရန်ကုန်-မန္တလေးအမြန်လမ်းမကြီးပေါ်မှာ ဒီနေ့မနက်ပိုင်းက Light Truck ယာဉ်တစီး အရှိန်လွန်ကာ လမ်းအချက်ပြမီးတိုင်အား ဝင်ရောက်တိုက်မိခဲ့ပြီး ၂ ဦး ဒဏ်ရာရခဲ့တယ်လို့ ဖြူးအမြန်လမ်းရဲတပ်ဖွဲ့စခန်းက ပြောပါတယ်။
ဖြစ်စဉ်မှာ အမြန်လမ်းမကြီး မိုင်တိုင်အမှတ် ၁၁၃/၂ နဲ့ ၁၁၃/၃ အကြားမှာ ရန်ကုန်ကနေ နေပြည်တော်ဘက် မင်းမင်းထွေး မောင်းနှင်လာတဲ့ Light Truck မော်တော်ယာဉ်ဟာ ယာဉ်မောင်းအိပ်ငိုက်ကာ အရှိန်မထိန်းနိုင်ဘဲ လမ်းရဲ့ ယာဘက်ဘေးရှိ အချက်ပြမီးတိုင်အား ဝင်ရောက်တိုက်မိကာ တိမ်းမှောက်ခဲ့တာဖြစ်ပါတယ်။
ယာဉ်တိမ်းမှောက်မှုကြောင့် ယာဉ်မောင်းနဲ့ အမျိုးသမီး ၁ ဦးတို့ ထိခိုက်ဒဏ်ရာတွေ ရရှိခဲ့လို့ ဖြူးဆေးရုံကို တင်ပို့ခဲ့ရကြောင်း သိရပါတယ်။
ယာဉ်အား မဆင်မခြင်ပေါ့လျော့စွာ မောင်းနှင်းသူ ယာဉ်မောင်းကို ဖြူးအမြန်လမ်းမကြီးရဲစခန်းမှ ရာဇသတ်ကြီးပုဒ်မ ၃၃၇/၃၃၈ နဲ့ အမှုဖွင့်အရေးယူ ဆောင်ရွက်ထားကြောင်း သိရပါတယ်။
သတင်း-ကျော်အောင် (ကညွတ်ကွင်း )
ဓာတ်ပုံ-အမြန်လမ်းရဲတပ်ဖွဲ့
