ကသာမြို့နယ်တွင် ကျပ်သိန်း ၇၀ ကျော် တန်ဖိုးရှိ မူးယစ်ဆေးဝါးများ ဖမ်းမိ
DVB
·
September 21, 2017
စစ်ကိုင်းတိုင်းဒေသကြီး၊ ကသာခရိုင်၊ ကသာမြို့နယ်၊ လမ်းခွကျေးရွာ မီးရထား သံလမ်းကူးနားမှာ ကာလတန်ဖိုး ကျပ်သိန်း ၇၀ ကျော်တန်ဖိုးရှိ မူးယစ်ဆေးဝါးတွေကို မနေ့က ဖမ်းဆီးရမိခဲ့တယ်လို့ မူးယစ်တပ်ဖွဲ့စု (၆) ကသာမှ ဒုရဲမှူးမြင့်နိုင်ဦးက ပြောပါတယ်။
စက်တင်ဘာ ၂၀ ရက် ညနေ ၅ နာရီ ၁၅ မိနစ်က မူးယစ်ဆေးဝါး တားဆီးနှိမ်နှင်ရေး ရဲတပ်ဖွဲ့ဝင်တွေနဲ့ တာဝန်ရှိသူတွေဟာ ကသာ-အင်းတော်သွား ကားလမ်း လမ်းခွကျေးရွာ မီးရထားသံလမ်းကူးနားမှာ မူးယစ်ဆေးဝါး သတင်းအရ စောင့်ဆိုင်းနေစဉ် ကသာမြို့ဘက်ကနေ အင်းတော်မြို့ဘက်ကို ဝင်းအောင်(ခ)ထွေးအောင် မောင်းနှင်လာတဲ့ ဆိုင်ကယ်ကို စစ်ဆေးရှာဖွေရာ ဆိုင်ကယ်ရှေ့ခွကြားရှိ မိုးကာအင်္ကျီနဲ့ ဖုံးအုပ်သယ်ဆောင်လာတဲ့ ရောင်စုံဆပ်ပြာခွက်ထဲက ဘိန်းဖြူအလေးချိန် ၁၁ ဂရမ်ခန့်ပါ ၅ ခွက်၊ ၅၅ ဂရမ် ကာလတန်ဖိုး ၅၅ သိန်း၊ ကော်ဖီမစ်ထုပ်အိတ်ခွံထဲက WY စာတန်းပါ ပန်းရောင်စိတ်ကြွဆေးပြား ၁၉၉ ပြားစီပါ ၂ ထုပ်၊ စုစုပေါင်းဆေးပြား ၃၉၈ ပြား စုစုပေါင်း တန်ဖိုး ၇၄၉၀၀၀၀ ကျပ် ရှာဖွေတွေ့ရှိခဲ့ရတယ်လို့ မူးယစ်တပ်ဖွဲ့စု (၆) ကသာမှ ဒုရဲမှူး မြင့်နိုင်ဦးက ပြောပါတယ်။
အင်းတော်မြို့နယ် နားရခေါင်ရွာ နေတဲ့ မူးယစ်ဆေးဝါး သယ်ဆောင်လာသူ ဝင်းအောင်(ခ)ထွေးအောင် (၄၇-နှစ်) ကို ကသာမြို့မရဲစခန်းက မယ(ပ)၄၀/၂၀၁၇ မူးစိတ်ပုဒ်မ ၁၅/၁၉(က) အရ အရေးယူ ဆောင်ရွက်နေတယ်လို့ သိရပါတယ်။
သတင်း - ကိုကိုလင်း(အင်းတော်)