ဟာရီကိန်းမုန်တိုင်း အာမာကြောင့် ကာရေဘီယီဒေသတွင် သေဆုံးသူ ၄၃ ဦးအထိရှိ

ဓာတ်ပုံ - ရိုက်တာ
အမေရိကန်ပြည်ထောင်စု ဖလော်ရီဒါပြည်နယ်ကို ဟာရီကိန်းအာမာ ဝင်ရောက်ပြီးနောက် စက်တင်ဘာ ၁၂ ရက်နေ့အထိရရှိတဲ့ သတင်းတွေအရ ကာရေဘီယံဒေသမှာ သေဆုံးခဲ့သူစုစုပေါင်း ၄၃ ဦးအထိ ရှိသွားပြီ ဖြစ်ပါတယ်။ အမေရိကန်ပြည်ထောင်စု ဖလော်ရီဒါ၊ ဂျော်ဂျီယာနဲ့ တောင်ကယ်ရိုလိုင်းနားပြည်နယ် ၃ ခုမှာ အနည်းဆုံး ၁၃ ဦး သေဆုံးခဲ့ပါတယ်။ ကျူးဘားနိုင်ငံမှာလည်း လူ ၁၀ ဦး သေဆုံးခဲ့သလို စိန့်ဘာ့တ်နဲ့ စိန့်မာတင်ကျွန်းတွေမှာလည်း ၁၀ ဦး သေဆုံးခဲ့ပါတယ်။ ဖလော်ရီဒါကီးစ်က ဒေသခံတွေဟာ မုန်တိုင်းပြီးဆုံးသွားတာမို့ စက်တင်ဘာ ၁၂ ရက်နေ့က သူတို့ရဲ့အိမ်တွေဆီ ပြန်လာခဲ့ပါတယ်။ အဲဒီဒေသက အိမ်တွေရဲ့ ၂၅ ရာခိုင်နှုန်းဟာ လုံးဝပျက်စီးခဲ့ပြီး ၆၅ ရာခိုင်နှုန်းကတော့ ကြီးကြီးမားမား ပျက်စီးခဲ့တယ်လို့ ဖက်ဒရယ် အရေးပေါ်စီမံခန့်ခွဲရေး အေဂျင်စီကို ကိုးကားပြီး ရိုက်တာသတင်းမှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up