တနင်္သာရီမြို့နယ်တွင် မီးလောင်ကျွမ်းမှုကြောင့် နေအိမ် ၁ လုံး ဆုံးရှုံး
DVB
·
September 12, 2017
တနင်္သာရီမြို့နယ်၊ လယ်တောင်ယာကျေးရွာမှာ စက်တင်ဘာ ၁၁ ရက်နေ့ ည ၁၀ နာရီ ကျော်က မီးလောင်မှု ဖြစ်ပွားခဲ့တာကြောင့် နေအိမ်တလုံး မီးလောင်ဆုံးရှုံးခဲ့တယ်လို့ သိရပါတယ်။
တနင်္သာရီတိုင်းဒေသကြီး၊ တနင်္သာရီမြို့နယ်၊ လယ်တောင်ယာကျေးရွာမှာ ထင်းမီးဖိုကို ပေါ့ဆစွာ အသုံးပြုခဲ့ရာက မီးလောင်ကျွမ်းခဲ့တာ ဖြစ်ပြီး ကွမ်းသီးသား ပျဉ်ခင်းနေအိမ်တလုံး မီးလောင်ဆုံးရှုံးခဲ့တယ်လို့ သိရပါတယ်။
အိမ်ရှင်မခိုင်မာဦး (၂၈-နှစ်)ဟာ နေအိမ်အပေါ်ထပ်မှာ ထင်းမီးသွေးနဲ့ ရေနွေးအိုး တည်ထားခဲ့ကာ သူငယ်ချင်း နေအိမ်နဲ့ ညီမဖြစ်သူ နေအိမ်တွေကို သွားရောက်လည်ပတ်နေချိန် နေအိမ် မီးလောင်ကျွမ်းခဲ့တာပါ။
ဒုရဲအုပ်ကျော်ငြိမ်းက “ညနေပိုင်းမှာ ရေနွေးအိုးတည်ခဲ့တယ်။ မီးကို သေချာမသတ်ခဲ့ဘူး။ ညနေ ၆ နာရီ အိမ်ပြန်လာတယ်။ မီးဖိုကို သတိမထားမိခဲ့ဘူး။ ညနေပိုင်းကျတော့ အပြင်ကို ထပ်ထွက်သွားတယ်။ ည ၁၀ နာရီလောက်တော့ အဲဒီမီးဖိုက မီးကြွင်းမီးကျန်ကနေ မီးစတင်လောင်ပြီး နေအိမ်တခုလုံး ပြာကျသွားခဲ့တာပါ”လို့ ပြောပါတယ်။
မီးလောင်ရာကို တာဝန်ရှိသူတွေနဲ့ ဒေသခံတွေက သွားရောက်ပြီး ဝိုင်းဝန်းငြှိမ်းသတ်ခဲ့ရပါတယ်။
မီးလောင်မှုနဲ့ပတ်သက်ပြီး မီးပေါ့ဆ အသုံးပြုသူ မခိုင်မာဦးကို တနင်္သာရီမြို့မရဲစခန်းက (ပ) ၂၄၂ /၂၀၁၇ ၊ ရာဇသတ်ကြီးပုဒ်မ ၂၈၅ အရ အရေးယူဆောင်ရွက်ထားတယ်လို့ သိရပါတယ်။
သတင်း - မြတ်ထွဋ် (မြိတ်)
