အာဆီယံ ယူ-၁၈ ပြိုင်ပွဲ ဗီယက်နမ် ၃ – ၀ အင်ဒိုနီးရှား (ဓာတ်ပုံ)

မြန်မာနိုင်ငံမှာ ကျင်းပနေတဲ့ အာဆီယံ ယူ-၁၈ ပြိုင်ပွဲ အုပ်စု ခ တတိယပွဲစဉ်အဖြစ် ဗီယက်နမ်နဲ့ အင်ဒိုနီးရှားတို့ ဒီနေ့ နေ့လယ်က ယှဉ်ပြိုင်ရာ ဗီယက်နမ်က ၃ ဂိုး ဂိုးမရှိနဲ့ အနိုင်ရသွားပါတယ်။ ဗီယက်နမ်အသင်းဟာ ပထမပိုင်းမှာ ၂ ဂိုး ဒုတိယပိုင်းမှာ ၁ ဂိုး သွင်းယူသွားတာပါ။ အုပ်စု ခ မှာ ဗီယက်နမ်အသင်းဟာ သုံးပွဲယှဉ်ပြိုင်အပြီး သုံးပွဲစလုံး အနိုင်ရကာ ရမှတ် ၉ မှတ်နဲ့ အုပ်စုကို ဦးဆောင်ထားနိုင်သလို ဆီမီးဖိုင်နယ်တက်ဖို့လည်း အခြေအနေ ကောင်းသွားပါတယ်။ အင်ဒိုနီးရှားအသင်းကတော့ သုံးပွဲကစား နှစ်ပွဲနိုင်၊ တပွဲရှုံး ရမှတ် ၆ မှတ်နဲ့ အုပ်စု ဒုတိယနေရာမှာ ရပ်တည်နေပါတယ်။ အိမ်ရှင်မြန်မာအသင်းကတော့ အုပ်စုတွင်း တတိယမြောက်ပွဲစဉ်အဖြစ် ဖိလစ်ပိုင်အသင်းနဲ့ ဒီနေ့ညနေ ၆ နာရီ သုဝဏ္ဏကွင်းမှာ ယှဉ်ပြိုင်မှာ ဖြစ်ပါတယ်။ ဓာတ်ပုံ - အမ်အက်ဖ်အက်ဖ်  

More News
Up