နည်းပြ ဒီဘိုးဝါးကို ထုတ်ပယ်ပြီး ရွိုင်းဟော့ဆန်ဖြင့် အစားထိုးရန် ပဲလေ့စ်အသင်း စီစဉ်

ဓာတ်ပုံ - REX/Shutterstock/PA Wire
ခရစ္စတယ်ပဲလေ့စ်အသင်းဟာ နည်းပြ ဖရန့်ဒီဘိုးဝါးကို ထုတ်ပယ်ပြီး ရွိုင်းဟော့ဆန်နဲ့ အစားထိုးဖို့ စီစဉ်နေပါတယ်။ ဟော်လန်နည်းပြ ဒီဘိုးဝါးဟာ ပရီးမီးယားလိဂ် အဖွင့်ပွဲစဉ် ၄ ပွဲမှာ ၄ ပွဲစလုံး ရှုံးနိမ့်ခဲ့ပြီး ရလဒ်ကောင်းမွန်ခြင်း မရှိတာကြောင့် ထုတ်ပယ်ခံရဖို့ ရှိနေတာပါ။ ဒီဘိုးဝါးကို ထုတ်ပယ်ခဲ့မယ်ဆိုရင် အင်္ဂလန်လက်ရွေးစင်နည်းပြဟောင်း ရွိုင်းဟော့ဆန်နဲ့ အစားထိုးဖို့လည်း ရေပန်းစားနေတာပါ။ ရာထူးကနေ ထုတ်ပယ်ခံရဖို့ ရေပန်းစားနေပေမယ့် မိမိအလုပ်ကို အကောင်းဆုံးလုပ်ဆောင်ပြီး လာမယ့်ပွဲတွေမှာ ရလဒ်ကောင်းရယူဖို့ အာရုံစိုက်လုပ်ဆောင်မယ်လို့ ဒီဘိုးဝါးက ဆိုပါတယ်။ ခရစ္စတယ်ပဲလေ့စ်အသင်းဟာ အဖွင့်ပွဲစဉ်မှာ တန်းတက် ဟတ်ဒါဖီးလ်တောင်းအသင်းကို ရှုံးနိမ့်ခဲ့သလို လီဗာပူး၊ ဆွမ်ဆီးနဲ့ ဘန်လေအသင်းတွေကိုလည်း ဆက်တိုက်ရှုံးနိမ့်ခဲ့တာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up