ဒုက္ခသည် ၃ သောင်းခန့် ပြန်လည်နေရာချထားပေးနိုင်ခဲ့ဟု ဥရောပသမဂ္ဂ ပြော

ဥရောပသမဂ္ဂဟာ ဒုက္ခသည် ၃ သောင်းလာက်ကို ပြန်လည်နေရာချထားပေးနိုင်ခဲ့ပြီလို့ ဥရောပသမဂ္ဂထိပ်တန်းတာဝန်ရှိသူတွေက ပြောကြားပါတယ်။ ဥရောပသမဂ္ဂရဲ့ ရွှေ့ပြောင်းအခြေချနေထိုင်သူတွေနဲ့ပတ်သက်တဲ့ အစီအစဉ်အတိုင်း လက်တွေ့လုပ်ဆောင်ခဲ့တဲ့ လုပ်ငန်းစဉ်တွေကို ဥရောပသမဂ္ဂကော်မရှင်က စက်တင်ဘာ ၇ ရက်မှာ သတင်းထုတ်ပြန်ခဲ့တာဖြစ်ပါတယ်။ ဥရောပသမဂ္ဂရဲ့ အဲဒီအစီအစဉ်မှာ ရွှေ့ပြောင်းအခြေချလာရောက်သူတွေကို ပိုကောင်းတဲ့ စီးမံခန့်ခွဲမှု၊ ဥရောမသမဂ္ဂရဲ့ ပြင်ပနယ်စပ်ကို အကာအကွယ်ပေးရေဆိုတဲ့ အစီအမံတွေပါဝင်တာဖြစ်ပါတယ်။ “ဥပမာ အီတလီမှာဆိုရင် အခုနှစ် သြဂုတ်လအတွင်း တရားမဝင်လာရောက်သူဦးရေဟာ မနှစ် သြဂုတ်လကထက် ၈၁ ရာခိုင်နှုန်းလျော့သွားပါတယ်။ နောက်ပြီး ဒီ ဇူလိုင်နဲ့ သြဂုတ်လ အတွင်းမှာကိုပဲ ၆၆ ရာခိုင်နှုန်းကျသွားပါတယ်။ ဒီဟာက ဘာကို ထင်ဟပ်ပြနေသလဲဆိုရင် အလယ်မြေထဲပင်လယ် လမ်းကြောင်းတလျောက်မှာ လစ်ဗျားနဲ့ နိုက်ဂျာနိုင်ငံ အပါအဝင် ကျနော်တို့ရဲ့ မိတ်ဖက်နိုင်ငံတွေနဲ့ပေါင်းပြီး အောင်မြင်အောင်လုပ်နိုင်ခဲ့တယ်ဆိုတာကို ပြနေတာပါ။” လို့ ဥရောပသမဂ္ဂ ရွှေ့ပြောင်းအခြေချနေထိုင်သူများဆိုင်ရာ ကော်မရှင်နာ ဒီမီထရိဇာဗရာ မားဗလက်စ် ကပြောကြားပါတယ်။ ဥရောပသမဂ္ဂရဲ့ ရွှေ့ပြောင်းအခြေချနေထိုင်သူ၊ ပြည်ထဲရေးနဲ့ နိုင်ငံသားဆိုင်ရာ ဌာနရဲ့ ပြောကြားချက်အရ လက်ရှိရှိနေတဲ့ တရားမဝင်ဝင်ရောက်လာသူတွေထဲက ဆီးရီးယားနိုင်ငံသား ၁ သောင်းအပါအဝင် လူ ၂၇,၆၅၉ ဦးကို နေရာချထားပေးနိုင်ခဲ့တယ်လို့ ပြောကြားသွားပါတယ်။

More News
Up