အင်ဒိုနိုင်ငံခြားရေးဝန်ကြီးနှင့် ဗိုလ်ချုပ်မှူးကြီး မင်းအောင်လှိုင်တို့ ရခိုင်ပြည်နယ်အရေးဆွေးနွေး

  မြန်မာနိုင်ငံမှာ ရောက်ရှိနေတဲ့ အင်ဒိုနီးရှားနိုင်ငံခြားရေးဝန်ကြီး ရက်နိုမာဆူဒီနဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ ဒီကနေ့ နေပြည်တော် ဇေယျာသီရိဗိမာန် ဧည့်ခန်းမဆောင်မှာ တွေ့ဆုံပြီး ရခိုင်ပြည်နယ်အရေးဆွေးနွေးခဲ့ကြပါတယ်။ တွေ့ဆုံရာမှာ မြန်မာတပ်မတော်ကာကွယ်ရေးဦးစီးချုပ်က ရခိုင်ပြည်နယ်၊ ဘူးသီးတောင်၊ မောင်တောဒေသမှာ သြဂုတ် ၂၅ ရက်နေ့မှ စတင်ဖြစ်ပွားခဲ့တဲ့ ARSA အစွန်းရောက် အကြမ်းဖက်မှု ဖြစ်စဉ်တွေရဲ့ ပကတိအခြေအနေမှန်တွေကို ဦးစွာရှင်းလင်းဆွေးနွေးခဲ့တယ်လို့ တပ်မတော်က သတင်းထုတ်ပြန်ပါတယ်။ ဒါ့အပြင် တပ်မတော်ကာကွယ်ရေးဦးစီးချုပ်နဲ့ ဧည့်သည်တော်ဝန်ကြီးတို့ဟာ ရခိုင်ပြည်နယ်အရေး လူသားချင်းစာနာ ထောက်ထားမှု အကူအညီပေးရေး ကိစ္စရပ်တွေကို အပြန်အလှန်ဆွေးနွေးခဲ့တယ်လို့လည်း သိရပါတယ်။ အင်ဒိုနီးရှားနိုင်ငံခြားရေးဝန်ကြီးနဲ့အဖွဲ့ဟာ အင်ဒိုနီးရှားသမ္မတရဲ့ စေလွှတ်ချက်အရ မြန်မာနိုင်ငံမှာ မနေ့ကတည်းက ရောက်ရှိလာတာဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up