အေအက်ဖ်အက်ဖ်ယူ-၁၈ ချန်ပီယံရှစ် အုပ်စုအေပွဲစဉ်များ ယနေ့ ယှဉ်ပြိုင်မည်

ပုံ - အမ်အက်ဖ်အက်ဖ်
မြန်မာနိုင်ငံက အိမ်ရှင်အဖြစ် ကျင်းပတဲ့ အေအက်ဖ်အက်ဖ် ယူ-၁၈ ချန်ပီယံရှစ် ၂၀၁၇ ပြိုင်ပွဲ အုပ်စု အေ ပွဲစဉ်တွေကို ရန်ကုန်မြို့ သုဝဏ္ဏကွင်းနဲ့ အောင်ဆန်းကွင်းတွေမှာ ဒီကနေ့ စတင်ကျင်းပတော့မှာ ဖြစ်ပါတယ်။ အေအက်ဖ်အက်ဖ် ယူ-၁၈ ချန်ပီယံရှစ် ၂၀၁၇ ပြိုင်ပွဲ အုပ်စုအေမှာ ထိုင်း၊ မလေးရှား၊ စင်ကာပူ၊ ကမ္ဘောဒီးယား၊ တီမောနဲ့ လာအိုအသင်းတွေ ပါဝင်ပါတယ်။ ဒီနေ့ နေ့လယ် ၃ နာရီ အောင်ဆန်းကွင်းမှာ မလေးရှားနဲ့ လာအိုအသင်းတို့ ယှဉ်ပြိုင်မှာဖြစ်ပြီး သုဝဏ္ဏကွင်းမှာတော့ နေ့လယ် ၃ နာရီမှာ ထိုင်းနဲ့ တီမော၊ ညနေ ၆ နာရီမှာ စင်ကာပူနဲ့ ကမ္ဘောဒီးယားတို့ ယှဉ်ပြိုင်မှာပါ။ မြန်မာယူ-၁၈ အသင်းကတော့ အုပ်စုဘီမှာ ဗီယက်နမ်၊ အင်ဒိုနီးရှား၊ ဘရူနိုင်း၊ ဖိလစ်ပိုင်အသင်းတွေနဲ့ တအုပ်စုတည်း ကျရောက်နေပါတယ်။ မြန်မာ ယူ-၁၈ အသင်းဟာ အင်တာမီလန် ယူ-၁၈ အသင်းနဲ့ ခြေစမ်းပွဲနှစ်ပွဲ ကစားခဲ့ပြီး တပွဲရှုံး၊ တပွဲသရေ ရလဒ် ရရှိထားသလို ထိုင်း ယူ-၁၈ အသင်းနဲ့ ခြေစမ်းရာမှာတော့ ၂ ဂိုး ၁ ဂိုးနဲ့ အနိုင်ရထားပါတယ်။ မြန်မာ ယူ-၁၈ အသင်းဟာ ပွဲဦးထွက်ပွဲစဉ်အဖြစ် စက်တင်ဘာ ၅ ရက်နေ့မှာ အင်ဒိုနီးရှား ယူ-၁၈ အသင်းနဲ့ စတင်ယှဉ်ပြိုင်ကစားရမှာလည်း ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up