အသစ်တီထွင်လိုက်တဲ့ ဝှီးချဲက အောက်ပိုင်းသေနေတဲ့ ပါဒရက်ဝေဒနာရှင်တွေကို သွားလာခြင်းနဲ့ ရပ်နားခြင်းတွေအတွက် ကိုယ်ခန္ဓာအပေါ်ပိုင်း လှုပ်ရှားမှုနဲ့ပဲ လွယ်လွယ်ကူကူ ထိန်းချုပ်နိုင်ပါတယ်။ ဒီ Reagiro လို့ နာမည်ပေးထားတဲ့ ဝှီးချဲကို Royal Art Design College ကျောင်းဆင်း Reto Togni က ဒီဇိုင်းပြုလုပ်ခဲ့တာပါ။
“အခြေခံအားဖြင့် သာမန်ဝှီးချဲတွေက လက်တွန်းလှည်းတစီးနဲ့ ဘာမှ မခြားနားပါဘူး။ ချိတ်ဆက်လည်ပတ်မှုမရှိတဲ့ ဘီး ၂ ခုကြောင့် လိုရာဘက်ကို ပတ်လည်လှည့်နိုင်တာက ကောင်းတယ်ဆိုပေမယ့် တချို့ကိစ္စတွေအတွက်တော့ အဆင်မပြေပါဘူး။ ဒါကြောင့် ဘီးတွေကို လိုရာတန်းတန်းမတ်မတ် ချိုးကွေ့နိုင်ဖို့ ကျောမှီကနေ ထိန်းချုပ်နိုင်မယ့် စတီယာရင်စနစ်တခု တပ်ဆင်ပေးလိုက်ပါတယ်။”
သွားလိုတဲ့ဘက်ကို ကျောမှီကနေ ဘယ်ညာ လှည့်ပေးခြင်းအားဖြင့် ပဲ့ထိန်းဘီးကလေး ၂ ခုကို ဦးတည်ရာတခုဆီ တပြိုင်နက်တည်း ရွေ့လျားစေပါတယ်။ ဒါကြောင့် ကိုယ်ခန္ဓာအပေါ်ပိုင်း လှုပ်ရှားမှုကနေ စွမ်းအင်နဲ့ ရွေ့လျားမှုကို အချိုးညီညီနဲ့ အလွယ်တကူ ထိန်းချုပ်နိုင်ပါတယ်။
“တချို့ စက်ယန္တရားတွေမှာသုံးတဲ့ စက်မှုအခေါ် push-pull cable ကို သုံးထားတာပါ။ စက်ဘီးရဲ့ ဘရိတ်ကြိုးတချောင်းနဲ့ ဆင်တူပြီး တွန်းတာရော ဆွဲတာပါ ပြုလုပ်နိုင်ပါတယ်။ ဒါက ကျောမှီရဲ့ ဘယ်ညာအလှည့်ကို ပဲ့ထိန်းရှေ့ဘီးတွေရဲ့ အလှည့်အဖြစ် ပြောင်းလဲပေးပါတယ်။”
အသုံးပြုသူတွေဟာ ဝှီးချဲမှာ ကျောမှီထိုင်ရင်း သွားလိုရာကို အလွယ်တကူ ပဲ့ထိန်းနိုင်ပါတယ်။ မူပိုင်ခွင့် မှတ်ပုံတင်နိုင်ဖို့အတွက် လျှောက်ထားဆဲဖြစ်ပြီး အခုလို နမူနာပုံစံကနေ ဈေးကွက်ဝင်ပစ္စည်းအဖြစ် ထုတ်လုပ်နိုင်ဖို့အတွက် ရင်းနှီးမြှုပ်နှံမယ့် အစုစပ်ရှယ်ယာရှင်တွေကို ဖိတ်ခေါ်သွားဖို့ရှိတယ်လို့ Togni က ဆိုပါတယ်။
