အောင်ဘာလေထီလက်မှတ် အတုလုပ်ပြီး လိမ်လည်ငွေထုတ်ယူသူကို ဖမ်းဆီး
Aung Ko Latt
·
August 10, 2017
စစ်ကိုင်းတိုင်း ကသာခရိုင်၊ ထီးချိုင်မြို့ပေါ်မှာ ၄ ကြိမ်မြောက် အောင်ဘာလေ သောင်းဆုနဲ့ သိန်းဆုတွေကို အက္ခရာနဲ့ ဂဏန်းတွေပြောင်းလဲပြီး ငွေ ၂၅ သိန်းကျပ်ကို ဇူလိုင် ၉ ရက်၊ ၁၁ ရက် နေ့တွေမှာ လိမ်လည်ထုတ်ယူမှု ဖြစ်ပွားခဲ့ပါတယ်။
မန္တလေးရှိ မိုးယံရွှေလမင်းနှင့် မြတ်ဆုကုဋေ ပင်ရင်းထီဆိုင်ကြီးကနေ တိုက်ဆိုင်စစ်ဆေးရာမှ ထီလက်မှတ်အတုနဲ့ ငွေလိမ်မှုကို ပေါ်ပေါက်ခဲ့တာဖြစ်ပါတယ်။
အခုလို လိမ်လည်ပြီး ငွေလာထုတ်တာကို ထီလက်မှတ်အတုအစစ် ခွဲခြားမသိရှိခဲ့လို့ ၅ သောင်းဆု ၁၀ ဆု ၅ သိန်းကျပ်၊ ၂ သိန်းဆု ၁၀ ဆု ကျပ်သိန်း ၂၀ တို့ကို ထုတ်ပေးလိုက်တဲ့အတွက် ထီးချိုင့်မြို့၊ အမှတ် ၂ ရပ်ကွက် ရွှေထီးရိပ်သာ လမ်းထောင့်ရှိ ဦးဌေးအောင် ထီဆိုင်က ငွေကျပ် ၂၅ သိန်း ဆုံးရှုံးခဲ့ပါတယ်။
ဩဂုတ် ၉ ရက်နေ့မှာတော့ ထီလိမ်ထုတ်ယူသူကို ထီးချိုင့်မြို့ပေါ်မှာပဲ ပြန်လည်တွေ့ရှိခဲ့တာကြောင့် ထီးချိုင့်မြို့မရဲစခန်းကို အမှုဖွင့်တိုင်ကြားပြီး ဖမ်းဆီးခဲ့တာလို့ ထီးချိုင့်မြို့မ ရဲစခန်းတာဝန်ရှိသူက ဒီဗွီဘီကိုပြောပါတယ်။
“ကျနော်တို့ တာဝန်ကျပြီး ၁ နှစ်ကျော် ကာလအတွင်းမှာတော့ ဒီလိုဖြစ်စဉ်မျိုး မဖြစ်ခဲ့ဖူးဘူး။ ငွေလိမ်ထုတ်တာကလည်း ဒေသခံမဟုတ်ဘူး။ ရန်ကုန်တိုင်း၊ မှော်ဘီမြို့နယ်ကပါ။ ဒီလိုလုပ်တာ ဒီမှာတင်ပဲလား၊ အခြားမှာ ရှိခဲ့သေးလားဆိုတာတော့ စစ်ဆေးနေဆဲဖြစ်ပါတယ်။ လောလောဆယ်တော့ လိမ်လည်မှုတွေနဲ့ အမှုဖွင့် အရေးယူထားပါတယ်။”
ထီလက်မှတ်အတုပြုလုပ်ပြီး ငွေလိမ်လည်ထုတ်ယူသူက ရန်ကုန်တိုင်းဒေသကြီး၊ မှော်ဘီမြို့နယ်၊ ရေတွင်းကုန်းကြီးကျေးရွာက ထီရောင်းသူ ဆန်းလင်းနိုင် (၃၉ နှစ်) ဆိုသူဖြစ်ပြီး ၅ သောင်းတန် ထီလက်မှတ် ၁၀ ဆုမှာ ဇ ၁၈၉၇၃၀ ကနေ ဇ ၁၈၉၇၃၉ ထိ အက္ခရာနဲ့ ရှေ့ဂဏန်း ၂ လုံးတူမှာ စ အက္ခရာကို ဇ အဖြစ်ပြောင်းလဲပြီး အောင်အောင် ဆိုသူအမည်နဲ့ ဇူလိုင် ၉ ရက်မနက်က ထုတ်ယူခဲ့တာပါ။
အဲဒီနေ့ ၁၁ နာရီအချိန်မှာပဲ ထိုသူက ဝင်းအောင်၊ မြင့်အောင် အမည်နဲ့ ၂ သိန်းဆု ၁၀ ဆု၊ ကဖ ၇၆၃၈၃၀ ကနေ ကဖ ၇၆၃၈၃၉ ထိ အက္ခရာနဲ့ ရှေ့ဂဏန်း ၄လုံးတူ ကျပ်သိန်း ၂၀ ကိုလည်း ထုတ်ယူခဲ့တာပါ။
ဇူလိုင် ၁၁ ရက်နေ့မှာတော့ ထီဆိုင်ပိုင်ရှင် ဦးဌေးအောင်က မန္တလေးပင်ရင်းထီဆိုင်သို့ ထီလက်မှတ်တွေကို ပို့ဆောင်ခဲ့ရာ ၂၄ ရက်နေ့မှာတော့ ထီလက်မှတ်အတုတွေလို့ ပြန်ကြားခဲ့တာကြောင့် ငွေကျပ် ၂၅ သိန်းဆုံးရှုံးခဲ့တာ ဖြစ်ပါတယ်။
ဩဂုတ် ၃ ရက်နေ့ကတော့ တာဝန်ရှိသူတွေနဲ့အတူ လိုက်လံဖမ်းဆီးရာ အမှတ် ၂ ဈေးအနီး ချစ်မိတ်ဆွေ စားသောက်ဆိုင်မှာ ဖမ်းဆီးနိုင်ခဲ့ပြီး ထိုသူဆီကနေ ၅ ကြိမ်မြောက် အောင်ဘာလေ သိန်းဆုထီမှ ရှေ့ဂဏန်း ၃ လုံးတူ ၁ သိန်းဆု ၁၀ ဆုပေါက်မဲမှာ ၀ နေရာမှာ ၆ ပြင်ထားတဲ့ ထီလက်မှတ် ၁၀ ရွက်ကိုလည်း ရှာဖွေဖမ်းဆီးရမိခဲ့တာပါ။
ထီလက်မှတ်အတုပြုလုပ်ပြီး ငွေလိမ်လည်ထုတ်ယူသူ ဆန်းလင်းနိုင် ၃၉ နှစ်ကို ရာဇသတ်ကြီးပုဒ်မ-၄၂၀/၄၆၈ တို့နဲ့ အမှုဖွင့်အရေးယူ စစ်ဆေးဆောင်ရွက်နေတယ်လို့ ထီးချိုင့်မြို့ မြို့မရဲစခန်းက သိရပါတယ်။