ရန်ကုန်၊ မန္တလေး သပိတ်မှောက်သံဃာများ သံဃာအများစုကို ကိုယ်စားမပြု
DVB
·
August 4, 2017
ရန်ကုန်၊ မန္တလေးမြို့တို့မှာ ပြုလုပ်နေတဲ့ သပိတ်မှောက်ပွဲမှာ ပါဝင်တဲ့ သံဃာတွေဟာ သံဃာအများစုဆန္ဒကို ကိုယ်စားမပြုကြောင်း သာသနာရေးနဲ့ ယဉ်ကျေးမှု ၀န်ကြီးဌာနက သြဂုတ် ၃ ရက်နေ့ညနေပိုင်းက သတင်းထုတ်ပြန်ထားပါတယ်။
ဒီကနေ့ မနက်ပိုင်းအထိ ရန်ကုန်မြို့ ကြေးသွန်းဘုရားမှာတော့ အမျိုးသားရေးလှုပ်ရှားသူတွေလို့ နာမည်ခံထားတဲ့ လူနဲ့သံဃာတချို့ဟာ သူတို့ဖွင့်ထားတဲ့ သပိတ်စခန်းမှာ ဆက်ရှိနေတုန်း ဖြစ်ပါတယ်။
အမျိုးသားရေးလှုပ်ရှားသူတွေလို့ ခံယူထားတဲ့ သူတို့ဟာ လက်ရှိအစိုးရ နုတ်ထွက်ပေးရေးကို တောင်းဆိုနေတာ ဖြစ်ပါတယ်။
ကြေးသွန်းဘုရားမှာ ဖွင့်ထားတဲ့ သပိတ်စခန်းကို သြဂုတ် ၃ ရက်မနက်ပိုင်းက စပြီး ဒီနေ့ မနက်ပိုင်းအထိ ရဲတပ်ဖွဲ့ဝင် အနည်းငယ်ကပဲ စောင့်ကြည့်တာတွေ ရှိနေပါတယ်။
အမျိုးသားရေးအမည်ခံထားတဲ့ ရန်ကုန် ၊ မန္တလေးက သပိတ်စခန်းတွေကို တိုင်းဒေသကြီးအစိုးရအဖွဲ့နဲ့ မြို့နယ်သံဃာအဖွဲအစည်းတွေက ထိန်းသိမ်းမှုတွေ လုပ်ဆောင်နေတယ်လို့ သာသနာရေနှင့် ယဉ်ကျေးမှုဝန်ကြီးဌာနကပြောပါတယ်။
