ဝါးတန်းဆိပ်ကမ်းမှ မန္တလေး (ပုလိပ်ဘူတာ) အထိ ကွန်တိန်နာ ရထား စတင်ပြေးဆွဲ
DVB
·
August 4, 2017
ရန်ကုန် ၀ါးတန်းဆိပ်ကမ်းကနေ မန္တလေး (ပုလိပ်ဘူတာ) အထိ ကွန်တိန်နာ ရထားကို သြဂုတ် ၄ ရက်ညနေက ပထမဆုံး စတင်ပြေးဆွဲမယ်လို့ မြန်မာမီးရထားက ထုတ်ပြန်လိုက်ပါတယ်။
မြန်မာနိုင်ငံမှာ ကွန်တိန်နာတွေကို ပထမဆုံးမီးရထားနဲ့ ပြေးဆွဲတာဖြစ်ပြီး တန်ဆာခအနေနဲ့ ကုန်ချိန်တစ်တန်ကို တစ်မိုင်ခရီးအတွက် ကျပ် ၃၀ ကောက်ခံမှာဖြစ်ပါတယ်။
ရန်ကုန်နဲ့မန္တလေး အကွာအဝေးအရ ကုန်ချိန်တစ်တန်ကို မြန်မာငွေကျပ် တစ်သောင်းနှစ်ထောင်ဝန်းကျင်လောက် ကုန်ကျမှာ ဖြစ်ပါတယ်။
လက်ရှိမှာ ကွန်တိန်နာတွေကို ကားတွေနဲ့ပဲ သယ်ဆောင်နေတာကြောင့် လောင်စာဆီနဲ့ သယ်ဆောင်ခ ကုန်ကျစရိတ်တွေလည်း များပါတယ်။
ရထားနဲ့ သယ်ဆောင်မယ်ဆိုရင်တော့ ကုန်ကျစရိတ် သက်သာနိုင်တာကြောင့် တပတ်ကိုတရက် ရန်ကုန်မန္တလေး ကွန်တိန်နာရထား ပြေးဆွဲသွားမယ်လို့ တိုင်းသွားလာရေး မန်နေဂျာ ဦးဇော်လွင်က ပြောပါတယ်။