H1N1 ကာကွယ်ရေး ပျဉ်းမနားတွင် လက်ကမ်းစာစောင်နှင့် နှာခေါင်းစည်းများ ဝေငှ
အောင်ကိုကိုလတ် (နေပြည်တော်)
·
July 31, 2017
နေပြည်တော် ပျဉ်းမနားမြို့ ဗိုလ်ချုပ်လမ်းနဲ့ ၆ လမ်းဆုံမှာ H1N1တုပ်ကွေးရောဂါ အသိပညာပေး လက်ကမ်းကြော်ငြာစာရွက်တွေနဲ့ နှာခေါင်းစည်း အခုရေ ၆၄၀၀ ကို မျှဝေသောလက်များ ပရဟိတအသင်းက လမ်းသွားလမ်းလာပြည်သူတွေကို ဇူလိုင် ၃၁ ရက်က ဝေငှခဲ့ကြပါတယ်။
H1N1 ရောဂါဟာ အခုဆိုရင် ပြည်နယ်နဲ့ တိုင်းဒေသကြီး အချို့မှာ ဖြစ်ပွားနေတာကြောင့် ရောဂါ ကြိုတင်ကာကွယ်ဖို့အတွက် ပြည်သူတွေကို အသိပညာပေးတဲ့လုပ်ငန်းတွေကို ကျန်မာရေးဝန်ကြီးဌာနနဲ့ ပရဟိတအသင်းအဖွဲ့တွေ ပူးပေါင်းဆောင်ရွက်ပေးနေတာပါ။
မြန်မာတနိုင်လုံး အတိုင်းအတာနဲ့ ဇူလိုင် ၂၁ ရက်နေ့ကနေ ဇူလိုင် ၃၀ ရက်နေ့အထိ လက်တလော ပြင်းထန်အသက်ရှုလမ်းကြောင်း ပိုးဝင်ရောဂါနဲ့ ဆေးရုံတက်ကုသသူ ၁၈၂ ဦးရှိပြီး အဲ့ဒီထဲက Seasonal Influenze A(H1N1) pdm 09Positive လူနာ စုစုပေါင်း ၅၁ ဦးရှိခဲ့ကာ သေဆုံးသူ ၁၀ ဦးရှိခဲ့တယ်လို့ သိရပါတယ်။