ထိုင်းတပ်မတော် ဒုတိယဗိုလ်ချုပ်ကြီးတဦး ပါဝင်တဲ့ လူမှောင်ခိုဂိုဏ်းကြီး
DVB
·
July 24, 2017
ပြီးခဲ့တဲ့ ဗုဒ္ဓဟူးနေ့က ထိုင်းတပ်မတော်က ဒုတိယဗိုလ်ချုပ်ကြီးတဦး အပါအဝင် ပုလိပ်တပ်ဖွဲ့က အရာရှိတွေနဲ့ ဒေသတွင်းက နိုင်ငံရေးသမားတချို့ အပါအဝင် လူပေါင်း ၆၂ ယောက်ကို လူကုန်ကူးမှု ကျူးလွန်ခဲ့ကြောင်း ပြစ်မှုထင်ရှားတဲ့အတွက် ဘန်ကောက် ရာဇဝတ်ခုံရုံးက ပြစ်ဒဏ်အသီးသီး ချမှတ်လိုက်ပါတယ်။ ထိုင်းနိုင်ငံဟာ လူကုန်ကူးမှု ထူပြောတဲ့ နိုင်ငံတခုလို့ ပြောရမှာဖြစ်သလို လူကုန်ကူးမှု ကျူးလွန်လို့ ရာဇဝတ်တရားရုံးက ပြစ်ဒဏ်ချမှတ်ခဲ့တဲ့ အမှုတွေလည်း အတော်များများ ရှိခဲ့ပါတယ်။ ဒါပေမယ့် လွန်ခဲ့တဲ့ ဗုဒ္ဓဟူးနေ့က ပြစ်ဒဏ်စီရင်လိုက်တဲ့ လူကုန်ကူးမှုကတော့ ပြည်တွင်းရော ပြည်ပကပါ အတော်ကြီး လူသိရှင်ကြား အာရုံစူးစိုက်ခံခဲ့ရတဲ့ အမှုလို့ ဆိုရပါလိမ့်မယ်။
အကြောင်းကတော့ အဲဒီလူကုန်ကူးမှုမှာ ပါဝင်ပတ်သက် ကျူးလွန်ခဲ့သူတွေထဲမှာ ထိုင်းတပ်မတော်က ဒုတိယဗိုလ်ချုပ်ကြီး တယောက်နဲ့ ပုလိပ်အရာရှိတွေ၊ ဒေသတွင်းက နိုင်ငံရေးသမားတွေ ပါဝင်နေခဲ့လို့ ပြစ်ဒဏ်စီရင်ခံခဲ့ရလို့ပဲ ဖြစ်ပါတယ်။
အဲဒီလို ပြစ်ဒဏ်စီရင် ချမှတ်လိုက်တဲ့အတွက် အရှေ့တောင်အာရှတခွင် ထိုင်း၊ မလေးရှားနဲ့ အင်ဒိုနီးရှားနိုင်ငံတွေကြားမှာ လူအပြည့်အကျပ် တင်ဆောင်ထားတဲ့ လှေတွေနဲ့ ကူးကလန်ခတ် လှုပ်ရှားနေကြ၊ တောတွင်းစခန်းတွေမှာ လူကုန်ကူးခံရသူတွေကို စွန့်ပစ်ထားခဲ့ကြလို့ လူတွေ ရာနဲ့ချီပြီး ငတ်ပြတ်မှုဒဏ်နဲ့ ငှက်ဖျားရောဂါဒဏ်ကြောင့် သေဆုံးခဲ့ရတဲ့ ဖြစ်ရပ်ဆိုးတွေကို ဖြေချပြလိုက်သလို ဖြစ်သွားခဲ့ပါတယ်။
ဒါပေမယ့် ဒီအဖြစ်ဟာ ခုမှ ပူပူနွေးနွေး ဖြစ်ခဲ့တဲ့ ဖြစ်ရပ်တခုတော့ မဟုတ်ပါဘူး။ ၂၀၁၅ ခုနှစ် မေလထဲမှာ ထိုင်းနဲ့ မလေးရှာနယ်စပ်က တောထူထပ် မတ်စောက်တဲ့ တောင်ကုန်းဒေသအတွင်း အနှံ့အပြားရှိနေကြတဲ့ စခန်းပုန်းတွေထဲမှာ လူသေတွေကို ခပ်တိမ်တိမ်ပဲ တွင်းတူးမြှုပ်နှံထားတဲ့ ဒါဇင်ပေါင်း အတော်များတဲ့ သင်္ချိုင်းရာတွေကို ထိုင်းလုံခြုံရေး တပ်ဖွဲ့တွေက တွေ့ရှိအပြီးမှာ ဒီလူကုန်ကူးမှု အဓိကလမ်းကြောင်းနဲ့ ပတ်သက်ပြီး လူတွေ သိမြင်သွားခဲ့ကြတာ ဖြစ်ပါတယ်။
အခုဖြစ်ရပ်အရ ထိုင်းထိပ်တန်းအစိုးရ အရာရှိကြီးတယောက်က ဒီလူကုန်ကူးမှု ကျူးလွန်လို့ အပြစ်ရှိကြောင်း တရားရုံးက ပြစ်ဒဏ်စီရင်ခံရတဲ့သူ ၆၂ ယောက်ထဲမှာ ပါဝင်နေတဲ့ အဖြစ်ကတော့ ထိုင်းနိုင်ငံမှာ ဖြစ်ခေါင့်ဖြစ်ခဲလုိ့ ပြောရမှာပါပဲ။ ရာဇဝတ်တရားရုံးရဲ့ ပြစ်ဒဏ်ချမျတ်မှုအရ အဲဒီ ဒုတိယဗိုလ်ချုပ်ကြီး မားနာ့စ်ခွန်ပန်ဟာ ထောင်ဒဏ် ၂၇ နှစ် ပြစ်ဒဏ်ကျခံရမှာဖြစ်ပြီး တခြားလူတချို့ကတော့ ပိုပြီးပြင်းထန်တဲ့ ပြစ်ဒဏ်တွေကို ချမှတ်ခံခဲ့ရတာ တွေ့ရပါတယ်။ အဲဒီလူကုန်ကူးမှုမှာ ပါဝင်ခဲ့တဲ့ မြန်မာနိုင်ငံသားတယောက် ဖြစ်တဲ့ အန်ဝါလို့ လူသိများတဲ့ စိုးနိုင်ဆိုသူ ရိုဟင်ဂျာလူမျိုး တယောက်ကတော့ ဒီအမှုမှာ အပြင်းထန်ဆုံး ဖြစ်တဲ့ ထောင်ဒဏ် ၉၄ နှစ် ချမှတ်တာကို ခံခဲ့ရပါတယ်။ ထိုင်းပုလိပ်တပ်ဖွဲ့ကတော့ လူဒါဇင်နဲ့ချီပြီး သေဆုံးခဲ့ရတဲ့ တောတွင်းစခန်းပုန်းတွေနဲ့ ပတ်သက်တဲ့ အမှုတွေရဲ့ နောက်ကွယ်က ကြိုးကိုင်သူဟာ သူပဲလို့ ကောက်ချက်ချထားခဲ့ပါတယ်။
တကယ်တော့ ထိုင်းနိုင်ငံဟာ လူကုန်ကူးခံရတဲ့ ထိုင်းနိုင်ငံထက် ပိုပြီး ဆင်းရဲနွမ်းပါးတဲ့ နိုင်ငံတွေ ဖြစ်တဲ့ အိမ်နီးချင်းနိုင်ငံတွေ ဖြစ်တဲ့ ကမ္ဘောဒီယား၊ လာအို့စ်နဲ့ မြန်မာနိုင်ငံတွေက ယောက်ျား၊ မိန်းမနဲ့ ကလေးတွေကို ထိုင်းနိုင်ငံ ဒါမှမဟုတ် ဒီထက်ပိုပြီး ဝေးလံတဲ့နေရာတွေကို အလုပ်ကြမ်းသမားတွေအဖြစ်နဲ့ လိင်လုပ်သားတွေအဖြစ် လက်ခံရာ တဆင့် တင်ပို့ပေးရာ နိုင်ငံတခုအဖြစ် ယူဆသတ်မှတ်ခံရနေခဲ့ရတာ ကာလအတော် ကြာခဲ့ပြီ ဖြစ်ပါတယ်။
ပြီးခဲ့တဲ့လမှာတော့ အမေရိကန်ပြည်ထောင်စုက သူ့ရဲ့ နှစ်ပတ်လည် လူကုန်ကူးမှု အစီရင်ခံစာမှာ ထိုင်းနိုင်ငံကို အနိမ့်ဆုံးအဆင့်ဖြစ်တဲ့ အလွှာ ၃ ရဲ့ ကပ်လျက်ဖြစ်တဲ့ အလွှာ ၂ စောင့်ကြည့်ရမယ့် နိုင်ငံအဆင့်ထဲမှာ ထည့်သွင်းထားခဲ့ပါတယ်။
အမေရိကန် နိုင်ငံခြားရေးဝန်ကြီးဌာနကတော့ ထိုင်းနိုင်ငံဟာ လူမှောင်ခိုမှုကို ကိုင်တွယ်ထိန်းချုပ်မှုကို လုံလောက်အောင် မဆောင်ရွက်ခဲ့သလို လူကုန်ကူးမှုမှာ ပါဝင်ပတ်သက်ခဲ့တဲ့ အာဏာပိုင်တွေကို အပြစ်ပေး အရေးယူရာမှာ အားနည်း ချို့ယွင်းခဲ့တယ်လို့ ထုတ်ပြန်ပြောဆိုခဲ့ပါတယ်။
ဗုဒ္ဓဟူးနေ့က ထိုင်းနိုင်ငံ ဘန်ကောက်မြို့က ရာဇ၀တ်ခုံရုံးရဲ့ ပြစ်ဒဏ်စီရင်မှုကတော့ ထိုင်းနိုင်ငံကို ခုသတ်မှတ်ခံထားရတဲ့ စောင့်ကြည့်ခံ အလွှာ ၂ ကနေ နောက်နှစ်မှာ လွတ်မြောက်နိုင်မယ်လို့ ယူဆရပါတယ်။
အဲဒီ လူကုန်ကူးမှုမှာ ပါဝင်သူတွေကို ရာထူးနေရာ အလေးမထားဘဲ အပြစ်ပေး အရေးယူခဲ့တဲ့ လုပ်ဆောင်ချက်အပေါ် ကြိုဆိုထောက်ခံရင်းနဲ့ လူ့အခွင့်အရေး အုပ်စုတွေက ခန့်မှန်းခြေအားဖြင့် ၅၀၀၀ လောက်ရှိတဲ့ ထိုင်းနိုင်ငံမှာ ရောက်ရှိနေတဲ့ ရိုဟင်ဂျာတွေကို အကာအကွယ်ပေးဖို့နဲ့ လူကုန်ကူးခံရသူတွေ ရိုက်နှက်ခံရတာ၊ ရောဂါဘယနဲ့ အစာရေစာ ငတ်မွတ်တာတွေကြောင့် မြေမြှုပ်သဂြုင်္ိဟ်ခံကြရမယ့်သူတွေ ရှိနေတဲ့ လူကုန်ကူးသူတွေရဲ့ စခန်းပုန်းတွေကိုလည်း စုံစမ်းဖော်ထုတ်အရေးယူ အပြစ်ပေးဖို့ တောင်းဆိုခဲ့ကြပါတယ်။
တကယ်တော့ ၂၀၁၅ ခုနှစ်က ပုလိပ်တပ်ဖွဲ့၊ တပ်မတော်သားတွေနဲ့ စေတနာ့ဝန်ထမ်း လုံခြုံရေးအဖွဲ့တွေဟာ အစုလိုက် အပြုံလိုက် မြှုပ်နှံထားခဲ့တဲ့ သင်္ချိုင်းရာတွေရဲ့ ပတ်ဈန်းကျင်နေရာတွေကို ရှာဖွေစီးနင်းမှု မလုပ်ခဲ့ဘဲ လူ့အခွင့်အရေး အဖွဲ့တွေနဲ့ မီဒီယာတွေက ရတဲ့ အချက်အလက်တွေကိုပဲ အသုံးချပြီး နယ်စပ်ဒေသတလျှောက်မှာ အဲဒီလို သင်္ချိုင်းရာတွေ ရှိနေတယ်လို့ သက်သေအထောက်အထားပြ ပြောဆိုခဲ့တာ ဖြစ်တယ်လို့ လေ့လာသူတွေက ဆိုပါတယ်။
ထိုင်းအစိုးရအဖွဲ့ရဲ့ ပြောရေးဆိုခွင့်ရှိသူ ဗိုလ်မှူးချုပ် ဝီရချွန် ဆူခွန်ဒါပတီပတ်ကတော့ “ကျနော်တို့က ၃ နှစ်တာအတွင်း လူသောင်းနဲ့ချီပြီး ကုန်ကူးပေးခဲ့တဲ့ ဒီကြီးမားတဲ့ လုပ်ရပ်ကြီးကို အထောက်အထား ယူထားပြီးပါပြီ။ ဆုံးရှုံးသွားခဲ့ရတဲ့ အသက်တွေက ဒီတရားစီရင်မှုက အာရုံချထားတဲ့ အရေအတွက်ထက် အများကြီး ပိုပါတယ်” လို့ ပြောကြားခဲ့ပြီး “ကျနော်တို့က ဒါကို ဒီမှာတင် ရပ်ပစ်လိုက်မှာ မဟုတ်ပါဘူး” လို့လည်း ပြောကြားခဲ့ပါတယ်။
ဒီလူကုန်ကူးသူတွေရဲ့ စခန်းပုန်းတွေကို ရှာဖွေတွေ့ရှိခဲ့ရအပြီးမှာ သိလာခဲ့ရတာက တောတွင်းစခန်းတွေမှာ သေဆုံးခဲ့ရသူတွေ အများစုဟာ မြန်မာစစ်အစိုးရ အဆက်ဆက်နဲ့ ခုလက်ရှိ စစ်တပိုင်းအစိုးရဲ့ ဖိနှိပ်အနိုင်ကျင့် ဗိုလ်ကျမှုတွေကို ခံစားခဲ့ရတဲ့ မွတ်ဆလင် လူနည်းစုတွေသာ ဖြစ်တဲ့အကြောင်းနဲ့ ဒီတရားစီရင်မှုနဲ့ ပြစ်ဒဏ်ချမှတ်မှုတွေဟာ ပထမအဆင့်ပဲ ရှိသေးတဲ့အကြောင်း လူ့အခွင့်အရေး စောင့်ကြည့်လေ့လာရေးအဖွဲ့က ရိုက်တာသတင်းဌာနကို ပြောကြားခဲ့တယ်လို့ သိရပါတယ်။ ထိုင်းအစိုးရကိုလည်း ဒီလူကုန်ကူးမှုကိစ္စကို ထိထိရောက်ရောက် အရေးယူဆောင်ရွက်ဖို့၊ လူကုန်ကူးမှုတွေမှာ ကိုယ်ကျိုးရှာ ခြစား လောက်ကိုက်ခဲ့တဲ့ သက်ဆိုင်ရာ တာဝန်ရှိသူတွေကိုလည်း ဖော်ထုတ်အရေးယူ အပြစ်ပေးဖို့ ဖိအားပေး တိုက်တွန်းခဲ့တယ်လို့ လူ့အခွင့်အရေး စောင့်ကြည့်လေ့လာရေးအဖွဲ့က ဆိုပါတယ်။
အခု ပြစ်ဒဏ် ချမှတ်ခံခဲ့ရတဲ့ ထိုင်းတပ်မတော် ဒုတိယဗိုလ်ချုပ်ကြီး မားနာ့စ်ဟာ ထိုင်းနိုင်ငံတောင်ပိုင်း လုံခြုံရေးအတွက် ထိပ်ပိုင်းစစ်အရာရှိတယောက်ဖြစ်ခဲ့ပြီး အဲဒီ အဓိက အကူးအပြောင်း လမ်းကြောင်းမှာ ထိပ်ဆုံးအာဏာပိုင်ဖြစ်ပြီး သူက သူ့ရဲ့ ရာထူးအဆင့်ကို အသုံးချပြီး စစ်ဆေးရေး ဂိတ်တွေကနေ လူကုန်ကူးဂိုဏ်းဝင်တွေ လူတွေကို ပိတ်လှောင် ထိန်းသိမ်းထားရာ တောတွင်းစခန်းပုန်းတွေကို ဝင်ထွက်သွားလာ ပို့ဆောင်ပေးလို့ရအောင် ပါဝင် ကူညီပေးခဲ့တယ် ဆိုတာကို တွေ့ရှိခဲ့ရပါတယ်။
တရားရုံးကတော့ ဒုတိယဗိုလ်ချုပ်ကြီး မားနားစ်ဟာ လူကုန်ကူးဂိုဏ်းတွေရဲ့ ကိုယ်စားလှယ်တွေဆီကနေ ဘတ်ငွေ ၁၄ ဒသမ ၈ သန်း(၄၄၀,၀၀၀ ဒေါ်လာ) ကို လာဘ်ငွေအဖြစ် လက်ခံရယူခဲ့တယ် ဆိုတာကို ကြားနာ တွေ့ရှိခဲ့ပါတယ်။
အဲဒီလို လုပ်ခွင့်ရခဲ့အောင်လည်း သူဟာ ၂၀၁၃ ခုနှစ်မှာ ပြည်တွင်းလုံခြုံရေး စစ်ဆင်ရေးကွပ်ပဲမှုဌာနရဲ့ ဦးစီးခေါင်းဆောင်အဖြစ် ရာထူးတိုးမြှင့်ပေးတာကို ခံယူခဲ့ရသူ ဖြစ်ပါတယ်။ အဲဒီအချိန်တုန်းက ခုလက်ရှိ အာဏာသိမ်း ဗိုလ်ချုပ် ပရာရုချန်အိုချာဟာ ကျည်းတပ်ဦးစီးချုပ် အဆင့်ပဲ ရှိပါသေးတယ်။
ဘယ်လိုပဲဖြစ်ဖြစ် ဒီမိုကရေစီရေး တက်ကြွလှုပ်ရှားသူတွေအတွက်ကတော့ ဒီလူကုန်ကူးမှုအပေါ် ကိုင်တွယ်အရေးယူ ဆောင်ရွက်မှုကို ပိုပြီး ထိထိရောက်ရောက်ရောက် ဖြစ်လာအောင် အစိုးရယန္တရားထဲက ကိုယ်ကျိုးစီးပွားအရ အကျင့်ပျက် ခြစားနေခဲ့ကြတဲ့ အရာရှိ ကြီးငယ်တွေကို ပြင်းပြင်းထန်ထန် အရေးယူ ဆောင်ရွက်လာအောင် တွန်းအားပေးကြဖို့သာ ဖြစ်တဲ့အကြောင်း တင်ပြလိုက်ရပါတယ်။ ။
စိုးနေလင်း
