မြန်မာအစိုးရကို နှစ်ပေါင်းများစွာ လက်နက်ကိုင်တိုက်နေတဲ့  ကရင်နီအမျိုးသား တိုးတက်ရေးပါတီ (ကေအန်ပီပီ) နဲ့ မီးရထားဝန်ကြီး ဦးအောင်မင်း ဦးဆောင်တဲ့ အစိုးရငြိမ်းချမ်းရေး ကိုယ်စားလှယ်အဖွဲ့ တွေ  လာမယ့် မတ်လ ၇ ရက်နေ့ ကယားပြည်နယ် လွိုင်ကော်မြို့မှာ တွေ့ဆုံမယ်လို့ ကေအန်ပီပီက  ပြောပါတယ်။ အစိုးရနဲ့ လွိုင်ကော်မြို့မှာ သွားရောက် တွေ့ဆုံဆွေးနွေးဖို့အတွက် ကေအန်ပီပီ က ဗဟိုကော်မတီဝင်နဲ့ စစ်ဘက်အရပ်ဘက်ဆိုင်ရာ ပုဂ္ဂိုလ်တွေ စုစုပေါင်း ၁၁  ဦး ရွေးချယ်ထားတယ်လို့ ပါတီအတွင်းရေးမှူး (၁) ခူးဦးရယ်က ပြောပါတယ်။ အစိုးရကိုယ်စားလှယ်နဲ့ တွေ့ဆုံတဲ့အခါ နှစ်ဘက် သဘောထား အပေါ် မူတည်ပြီး အပစ်အခတ် ရပ်စဲရေး လက်မှတ်ထိုး၊ မထိုး ဆုံးဖြတ်မယ်လို့ ခူးဦးရယ်က ပြောပါတယ်။ [caption id="attachment_18147" align="alignleft" width="300" caption="ခူးဦးရယ်"][/caption] “ဦးအောင်မင်းနဲ့ တွေ့စဉ်တုန်းကတော့ လက်မှတ်ထိုးဖို့ ကိစ္စကိုတော့ ပြောပါတယ်။ သို့သော် ကျနော်တို့က  တင်ပြဆွေးနွေးမယ့် အကြောင်းအရာတွေက အဓိကကျမယ်လို့ ထင်ပါတယ်။ ကျနော်တို့ တင်ပြဆွေးနွေးချက် အပေါ်မှာ နှစ်ဖက် သဘောတူလို့ရှိရင်တော့ စဉ်းစားမှာပါ။” ကေအန်ပီပီအနေနဲ့ မြန်မာအစိုးရ ငြိမ်းချမ်းရေးကိုယ်စားလှယ်တွေနဲ့ ပြီးခဲ့နှစ် နိုဝင်ဘာ ၂၉ ရက်နေ့က ထိုင်းနိုင်ငံ မယ်ဆိုင်မြို့တွင် ၁ ကြိမ်၊ အခု ဖေဖော်ဝါရီ ၆ ရက်နေ့က ထိုင်းနိုင်ငံ ချင်းမိုင်မှာ  ၁ ကြိမ်၊ စုစုပေါင်း၂ ကြိမ် ပဏာမ တွေ့ဆုံခဲ့ပြီး ဖြစ်ပါတယ်။ အစိုးရနဲ့ တွေ့ဆုံဆွေးနွေးမယ့်ကိစ္စနဲ့ ပတ်သက်ပြီး ကရင်နီပြည်သူတွေရဲ့ သဘောထား ကောက်ခံထားတာ မရှိပေမယ့် ယေဘုယျအားဖြင့်  အများစုက ငြိမ်းချမ်းမှုကို လိုလားနေကြတယ်လို့ ကေအန်ပီပီက ပြောပါတယ်။