ဖလမ်းမြို့တွင် မြေသားနိမ့်ဆင်းပြီး အိမ် ၄လုံးပြိုကျ
ပိုင်စိုး
·
July 16, 2017
ချင်းပြည်နယ် ဖလမ်းမြို့မှာ မြေတွေအက်ပြီး နိမ့်ဆင်းသွားတဲ့အတွက် အိမ် ၄ လုံးပြိုကျခဲ့တယ်လို့ မြို့နယ် အုပ်ချုပ်ရေးမှူးက ပြောပါတယ်။
တလန်လိုရပ်ကွက်၊ ဗိုလ်ချုပ်လမ်းက အိမ်တွေ ပြိုကျတာဖြစ်ပြီး နောက်ထပ် အိမ် ၈ လုံးကိုလည်း ပြောင်းရွှေ့ပေးလိုက်ရတယ်လို့ သူက ပြောပါတယ်။
အုပ်ချုပ်ရေးမှူး ဦးစိုးလွင်က “တောင်ပေါ်ဆိုတော့ မြေပြိုတတ်တယ်လေ။ ခုကတော့ မြေအက်တာ။ သူတို့ ဆွေမျိုးတွေအိမ်မှာ ပြောင်းနေကြပါတယ်။ အိမ်တွေအားလုံး မနေ့ကပဲ ပြောင်းပြီးသွားပြီ” လို့ ဒီဗွီဘီကို ပြောပါတယ်။
အဲဒီနေရာမှာ ဇူလိုင် ၁၄ ရက်ကစလို့ မြေတွေ ၅ ပေလောက်အထိ နိမ့်ကျလာတာကြောင့် မပြိုတဲ့ အိမ်တွေကိုလည်း ဌာနဆိုင်ရာတွေက ဝိုင်းဖျက်ပေးပြီး ပြောင်းရွှေ့ပေးခဲ့တာပါ။
အိမ်ပြိုသွားခဲ့တဲ့ မိသားစုတစ်စုစီကို ပြည်နယ်အစိုးရက ငွေ ၃ သိန်းကျပ်စီ၊ ပြည်နယ် လူမှုဝန်ထမ်းက တစ်သိန်းကျပ်စီ ထောက်ပံ့ထားတဲ့အပြင် အစားအသောက်၊ အဝတ်အထည်၊ အာဟာရမှုန့်တွေနဲ့ Family Kit တွေ ထောက်ပံ့ပေးထားတယ်လို့လည်း အုပ်ချုပ်ရေးမှူး ဦးစိုးလွင်က ပြောပါတယ်။
ပြီးတော့ ပြောင်းရွှေ့ရတဲ့ အိမ်တွေအတွက် မြေနေရာနဲ့ လိုအပ်တာတွေ စီစဉ်ပေးမယ်လို့လည်း သူက ဆိုပါတယ်။
ဓာတ်ပုံ - Myanmar Fire Services Department