ချစ်တွင်းမြစ်ရေတက်နေမှုကြောင့် ကုန်တင်ရေယာဉ်များ သွားလာခွင့် ပိတ်
DVB
·
July 14, 2017
ချစ်တွင်းမြစ်ရေတက်နေတာကြောင့် စစ်ကိုင်းတိုင်း ဟုမ္မလင်း၊ ဖောင်းပြင်၊ မော်လိုက်၊ ကလေးဝ၊ မင်းကင်း၊ ကနီ၊ မုံရွာ ကုန်တင်ရေယာဉ်များ သွားလာခွင့် ပိတ်ထားတယ်လို့ သိရပါတယ်။
“ပိတ်တာက တပတ်လောက်ရှိနေပြီ။ ချင်းတွင်းမြစ်ရေကလည်း တက်နေတယ်။ ကျနော်တို့ နားတာ ၂ ရက်တော့ ရှိပြီ။ နားထားရတာ ကြာလာတော့ စားစရိတ်ပြတ်တော့မယ်" လို့ မင်းကင်း ရေယာဉ်စစ်ဆေးရေး ဂိတ်မှာ ပိတ်မိနေတဲ့ သစ်လွင် ကုန်တင်ရေယာဉ်က ကိုကျော်ရဲလွင်က ပြောပါတယ်။
ကုန်တင်ရေယာဉ်တွေကို ပြီးခဲ့တဲ့ ၈ ရက်နေ့ကစတင်ပြီး သွားလာခွင့်ပိတ်ခဲ့တာ ဖြစ်ပြီး မြစ်ရေကျချိန် ၁၈ ရက်နေ့ထိ ခန့်မှန်းပြီး ကုန်တင် ရေယာဉ်တွေကို ရေယာဉ်အန္တရာယ်ကင်းဖို့ ယာယီပိတ်ဆို့မှာ ဖြစ်တယ်လို့လဲ ရေယာဉ်စစ်ဆေးရေးဌာနပြောပြချက်အရ သိရပါတယ်။
“တိုင်းဒေသကြီး အစိုးရအဖွဲ့က ရေယာဉ်အန္တရာယ် ကင်းရှင်းရေး ၈ ရက်ကနေ ၁၆ ထိ ပိတ်ဖို့ရာထားညွှန်ကြားထားပါတယ်။ ဒါကလည်း မြစ်ရေတက်နေတဲ့ အတွက် ရေယာဉ်တွေ အန္တရာယ်ကင်းဖို့ ဆောင်ရွက်တာ ဖြစ်ပါတယ်" လို့ ရေယာဉ်စစ်ဆေးရေးဂိတ်က ရဲအရာခံ မင်းထွန်း က ဆိုပါတယ်။
ချင်းတွင်း မြစ်ရေ ကြီးမှုကြောင့် ဇူလိုင်လ ၁၄ ရက်ထိ ရေယာဉ် ရပ်နားထားမှု ၁၈ စီးရှိနေပြီး ၅ ရက်ထိ အကြာဆုံး ပိတ်မိနေတဲ့ရေယာဉ်တွေရှိနေပြီး နားခိုင်းထားစဉ် စစ်ဆေးရေးအဖွဲ့မသိဘဲ ထွက်သွားတာ ဖြစ်မှာစိုးတဲ့အတွက် ရေယာဉ်လိုင်စင်ကို ယာယီ ထိန်းသိမ်းထားတယ်။
၂၀၁၇ ခုနှစ်ကနေ စတင်ပြီး ယခုလို ကုန်မော်တော်ပိတ်ဆို့မှု စတင်ခဲ့တာ ဖြစ်ပြီး ယခင်က အမြန်ယာဉ် ဝန်ပို၊ လူပို စစ်ဆေးခြင်းနဲ့ ပိတ်ဆို့မှုတွေသာ လုပ်ဆောင်ခဲ့တာဖြစ်တယ်လို့ သိရပါတယ်။
မင်းရဲစစ်နိုင်