မြန်မာအပါအ၀င် အာဆီယံ ၅ နိုင်ငံက လူနာများကို ထိုင်းက ရက် ၉၀ နေထိုင်ဆေးကုသခွင့်ပေး
DVB
·
July 13, 2017
မြန်မာအပါအ၀င် အာဆီယံ ဒေသတွင်း ၅ နိုင်ငံမှ လူနာတွေကို ထိုင်းနိုင်ငံမှာ ရက်ပေါင်း ၉၀ နေထိုင်ဆေးကုသခွင့်ပေးလိုက်ပြီလို့ ဘန်ကောက်ပို့စ်သတင်းမှာ ဖော်ပြပါတယ်။
ထိုင်းနိုင်ငံကို ဆေးကုသရေး ခရီးစဉ် လာနိုင်တဲ့ ခရီးသွားလုပ်ငန်းကို မြှင့်တင်တဲ့အနေနဲ့ ကမ္ဘောဒီးယား၊ လာအို၊ မြန်မာ၊ ဗီယက်နမ် ဆိုတဲ့ CLMV နိုင်ငံတွေနဲ့ တရုတ်နိုင်ငံတို့က ဆေး လာကုကြတဲ့ လူနာတွေအတွက် အရင် ရက်ပေါင်း ၃၀ ခွင့်ပြုထားရာကနေ အခု ရက်ပေါင်း ၉၀ ထိ နေထိုင် ဆေးကုသခွင့် ပေးလိုက်တာဖြစ်ပါတယ်။
လူနာနဲ့အတူ အဖော် ၄ ယောက်အထိ လိုက်ပါနေထိုင်ခွင့်လည်း ခွင့်ပြုပေးသွားမယ်လို့ ထိုင်းအစိုးရက ကြေညာလိုက်တာပါ။
အခု ၅ နိုင်ငံဟာ ထိုင်းနိုင်ငံမှာ ရက်ပေါင်း ၉၀ နေထိုင်ခွင့်ကို ဒုတိယ အသုတ် သတ်မှတ်ပေးလိုက်တာလို့ ဒုဝန်ကြီးချုပ် အဒ်မ် နာရုန် ပစ်ပါ တာနာဆိုင် ပြောပါတယ်။
ထိုင်းနိုင်ငံရဲ့ ကျန်းမာရေးဝန်ဆောင်မှုတွေက နိုင်ငံတကာ စံနှုန်းတွေနဲ့ ကိုက်ညီပြီး ခေတ်မီစက်ကိရိယာတွေနဲ့ ကျွမ်းကျင်မှုပြည့်ဝတဲ့ ဆေးပညာရှင်တွေကြောင့် ထိုင်းနိုင်ငံကို ဆေးလာကုကြတဲ့ နိုင်ငံခြားသား အရေအတွက်ဟာ ပုံမှန်မြင့်တက်လာတယ်လို့လည်း ဒုဝန်ကြီးချုပ် နာရုန်က ပြောပါတယ်။
ဒါပေမယ့် နိုင်ငံခြားသားလူနာတွေဟာ ဗီဇာခွင့်ပြုချက်ရှိထားတဲ့ ရက်အကန့်အသတ်တွေကြောင့် အခက်အခဲတွေ ကြုံနေကြရလို့ အစိုးရအနေနဲ့ ပုဂ္ဂလိကဆေးရုံတွေမှာ ဆေးလာကုသချိန် ပိုပြီးပေးဖို့ ဆုံးဖြတ်လိုက်တာလို့လည်း ဆိုပါတယ်။
ဒုဝန်ကြီးချုပ် နောက်တယာက်ဖြစ်တဲ့ ဗိုလ်ချုပ်ကြီး တာနာဆက် ပါတီမာ ပရာဂွန်ကလည်း အစိုးရဟာ ထိုင်းနိုင်ငံကို ကမ္ဘာ့ အဆင့်မီ ဆေးကုသတဲ့ နိုင်ငံဖြစ်လာစေဖို့ ရည်မှန်းချက်နဲ့ ကျန်းမာရေး ခရီးသွားလုပ်ငန်းကို မြှင့်တင်နေတာလို့ ဆိုပါတယ်။
ပြည်သူ့ကျန်းမာရေးဝန်ကြီးဌာနနဲ့ ခရီးသွားနဲ့အားကစားဝန်ကြီးဌာနတို့ဟာ ထိုင်းနိုင်ငံကို ဆေးကုသချင်စရာနိုင်ငံအဖြစ်ပြောင်းလဲဖို့ ၂၀၁၇-၂၀၂၆ ဆယ်နှစ်စီမံကိန်းနဲ့ ရှေ့ဆက် အတူလုပ်ဆောင်သွားဖို့ တာဝန်တွေ ခွဲဝေချထားပြီးဖြစ်တယ်လို့ ထိုင်းဒုဝန်ကြီးချုပ်က ပြောပါတယ်။
