A d v e r t i s e m e n t With Us

အိုင်အက်စ် နောက်ဆုံးခံတပ်ကို တိုက်ခိုက်ပြီး အီရတ်စစ်သားများ အောင်ပွဲခံ (ရုပ်သံ)

အီရတ်စစ်သားတွေဟာ တရားဝင် စစ်ပွဲအောင်နိုင်မှုကို မကြေညာမီ မိုဆူးလ်မြို့ဟောင်းမှာရှိတဲ့ အိုက်စစ်တွေရဲ့ နောက်ဆုံးခံတပ်ကို အောင်မြင်စွာ တိုက်ခိုက်နိုင်ခဲ့ပြီးနောက် ဇူလိုင်လ ၈ ရက်နေ့မှာ အောင်ပွဲခံခဲ့ကြပါတယ်။ အရေးပေါ်တပ်ဖွဲ့ရဲ့ တပ်မှူးတစ်ဦးက အိုက်စစ်တွေရဲ့ လှုပ်ရှားမှုတွေကို ရပ်တန့်နိုင်ခဲ့ပြီ ဖြစ်ပြီး စစ်ဘေးရှောင်နေရတဲ့ အရပ်သားတွေ အိမ်ကိုပြန်နိုင်ကြပြီလို့ မျှော်လင့်ကြောင်း ပြောပါတယ်။ ဇူလိုင်လ ၈ ရက်နေ့ အစောပိုင်းက  အီရတ်အစိုးရပိုင် သတင်းဋ္ဌာန TV သတင်းမှာ နောက်မကြာမီနာရီပိုင်းအတွင်းမှာ အိုက်စစ်တွေရဲ့ နောက်ဆုံးခံတပ်ကို ချိုးဖောက်ပြီး အီရတ်မှာရှိတဲ့ အိုက်စစ်တပ်တွေကိုသိမ်းပိုက် အောင်ပွဲခံနိုင်တော့မယ်လို့ ကြေညာခဲ့ပါတယ်။ မိုဆူးလ်မြို့ဟာ အိုက်စစ်တပ်ဖွဲ့တွေ သိမ်းပိုက်ခဲ့တဲ့ မြို့တွေထဲမှာ အကြီးဆုံးမြို့ဖြစ်ပါတယ်။ မိုဆူးလ်ကို ပြန်လည်သိမ်းပိုက်ပြီးနောက် အိုက်စစ်တပ်တွေဟာ အီရတ်ရဲ့ ဆင်ခြေဖုံးဒေသတွေနဲ့ ကန္တာရဒေသအချို့မှာပဲ ကျန်တော့မှာ ဖြစ်ပါတယ်။ စစ်သွေးကြွ အိုက်စစ်တွေဟာ အီရတ်မှာ ဆက်လက်ပြီး တိုက်ခိုက်မှုတွေ လုပ်နေဦးမယ်လို့ မျှော်လင့်ရကြောင်း ရိုက်တာ သတင်းမှာဖော်ပြထားပါတယ်။ ရုပ်သံ - CGTN

A d v e r t i s e m e n t With Us

More News
Up