A d v e r t i s e m e n t With Us

ရေးမြို့နယ်တွင်း ကျွန်းပင် ၇၀၀၀ ကျော်နျှင့် အခြားသစ်မျိုးပင် ၂သောင်းကျော်ခန့် စိုက်ပျိုး

သဘာဝပတ်ဝန်းကျင်ထာဝရ ရေရှည်တည်တံ့စေဖို့၊ ဂေဟစနစ်တွေ ပြန်လည်မျှတစေ ဖို့အတွက် ရည်ရွယ်ပြီး ရေးမြို့နယ်မှာ ကျွန်းပင် ၇၀၀၀ ကျော်နဲ့ အခြားသစ်မျိုးပင် ၂သောင်းကျော်လောက်ကို စိုက်ပျိုးထားတယ်လို့  မြို့နယ်သစ်တောဦးစီးအရာရှိက ပြောပါတယ်။ မွန်ပြည်နယ် ရေးမြို့နယ်သစ်တောဦးစီးဌာနရဲ့ ၂၀၁၆ - ၂၀၁၇ ခုနှစ်ဘဏ္ဍာရေးနှစ် အတွင်းမှာ ကျွန်း ၇၃၀၀ ပင်နဲ့ ပျဉ်းကတိုး၊ ယူကလစ်၊ မဟော်ဂနီ၊ မန်ဂျန်ရှား စုစုပေါင်းအပင် ၂သောင်း ကျော်လောက် စိုက်ပျိုးထားရှိပြီးဖြစ်တယ်လို့ မြို့နယ်သစ်တောဦးစီးအရာရှိ ဦးစိုးဝင်းက ပြောပါတယ်။ ကျေးလက်အိမ်ရာထူထောင်ရေး စီမံချက်အရ တအိမ်ထောင်လျှင် သစ်မာ ၂၀ ပင်၊ ကျွန်း ၃ ပင်စီ လက်ဘေးဝဲယာဆက်သွယ်ရေးလမ်းမကြီးကနေ ကလော့- ခေါဇာ ကျေးရွာချင်းဆက်လမ်း၊ မာန်အောင်ကြိုးဝိုင်းအဝန်းကျင်အပြင် လမိုင်းမြို့နဲ့ ကျေးရွာ ၅ ရွာအပါဝင် တစ်ရွာ ၁ ဧက စိုက်ခင်း ထူထောင်ခြင်းတွေကို ဒေသဆိုင်ရာတာဝန်ရှိသူနဲ့ ပူးပေါင်းစိုက်ပျိုးထားခဲ့တာလို့ သစ်တောဦးစီးအရာရှိ ဦးစိုးဝင်းက ဆက်ပြောပါတယ်။ လာမယ့်၂၀၁၇ ၂၀၁၈ ဘဏ္ဍာရေးနှစ်မှာလည်း ကျွန်းအပင်ရေ ၃၅၀၀ နဲ့ ပျဉ်းကတိုး၊ သင်္ကန်း၊ မဟော်ဂနီ၊ မန်ဂျန်ရှား၊ ယူကလစ် အပင်ရေစုစုပေါင်း ၂ သောင်းခွဲကို ရေး-ထားဝယ် ကားလမ်းဘေး ဝဲယာတလျှောက်အပြင် မာန်အောင်ကြိုးဝိုင်း လမိုင်း၊ ကော့ဒွတ်၊ ကျောက်မိချောင်းကျေးရွာ အုပ်စုတွေမှာ မိုးရာသီကာလ ထပ်မံစိုက်ပျိုးသွားမယ်လို့ သိရပါတယ်။ သတင်း - နေမျိုးထွဋ်

A d v e r t i s e m e n t With Us

More News
Up