A d v e r t i s e m e n t With Us

ခင်ပွန်းမပါဘဲ မင်္ဂလာနှစ်ပတ်လည်ပွဲ ကျင်းပခဲ့သည့် ပလေးဘွိုင်း အဖော်အချွတ်မော်ဒယ် (ရုပ်သံ)

အသက် ၂၇ နှစ်အရွယ် နာမည်ကြီး ပလေးဘွိုင်း အဖော်အချွတ်မော်ဒယ်တဦးဖြစ်တဲ့ ဇီနီယာဒယ်လီဟာ ခင်ပွန်းဖြစ်သူ မပါရှိဘဲ တနှစ်ပြည့် နှစ်ပတ်လည်မင်္ဂလာပွဲ ကျင်းပခဲ့တယ်လို့ မေရာသတင်းမှာ ဇွန်လ ၈ ရက်နေ့က ဖော်ပြပါတယ်။ ဒါပေမယ့် ဒီအခမ်းအနားကို သူ့ရဲ့ခင်ပွန်းဖြစ်တဲ့ အီဂျစ်နိုင်ငံသား မီလျံနာ လုပ်ငန်းရှင် အိုစမာ ဖာသီရာဘာ အယ်လ်ရှာရစ်ဖ်က သူ့ကိုအသိမပေးဘဲ အံ့အားသင့်သွားစေဖို့ စီစဉ်ပေးခဲ့တာလို့ ဆိုပါတယ်။ နာမည်ကျော် ပေါ့ပ်စတားတဦးဖြစ်တဲ့ ဂျပ်စတင်ဘီဘာရဲ့ What Do You Mean? သီချင်းမှာ ပါဝင်သရုပ်ဆောင်ခဲ့တဲ့ ဇီနီယာဒယ်လီဟာ ဒီအမှတ်တရ ဓာတ်ပုံတွေနဲ့ ရုပ်သံဗွီဒီယိုဖိုင်ကို သူ့ပရိသတ်တွေထံ ပြန်လည်မျှဝေပေးခဲ့တာပါ။ ခင်ပွန်းဖြစ်သူဟာ အသက် ၆၃ နှစ်ရှိနေပြီဖြစ်ပြီး များသောအားဖြင့်တော့ စီးပွားရေးကိစ္စတွေနဲ့ ခရီးထွက်နေရတာများတယ်လို့ ဆိုပါတယ်။ ရုပ်သံဗွီဒီယိုဖိုင်ထဲမှာတော့ သူမရှိပေမယ့် ဘောလုံးရောင်စုံတွေ၊ ပန်းတွေနဲ့အတူ ဖန်တီးထားတဲ့ အခန်းတွင်းမှာ ဂစ်တာသမားတဦးကိုပါ ရှိနေစေပြီး ဇနီးဖြစ်သူကို တနှစ်ပြည့် မင်္ဂလာသက်တမ်းကို အမှတ်ရစေဖို့ စီစဉ်ပေးခဲ့တာ တွေ့ရပါတယ်။ သူတို့စုံတွဲဟာ ပြီးခဲ့တဲ့နှစ် ဇွန်လတုန်းက ဂရိနိုင်ငံ အပန်းဖြေကျွန်းတကျွန်းဖြစ်တဲ့ ဆန်တိုရီနီကျွန်းမှာ မင်္ဂလာပွဲ ဆင်နွှဲခဲ့ကြတာပါ။ ဇီနီယာဒယ်လီဟာ လက်ရှိမှာလည်း မော်ဒယ်တဦးအဖြစ် လုပ်ကိုင်နေဆဲဖြစ်ကာ ရင်သွေးလေးရရှိလာစေဖို့ မျှော်လင့်နေတယ်လို့ ဆိုပါတယ်။ ပရိသတ်တွေကတော့ ခင်ပွန်းမရှိဘဲ ပျော်ရွှင်စွာ ကျင်းပနေခဲ့တဲ့ သူ့ရဲ့ တနှစ်ပြည့် မင်္ဂလာပွဲကို အံ့အားသင့်ခဲ့ကြပါတယ်။ အသက်ချင်းကွာနေလို့ တချို့ကလည်း ဇီနီယာဒယ်လီဟာ သူ့ကိုယ်သူ ပိုပြီးရင့်လာစေဖို့ ကြိုးစားနေတယ်လို့လည်း ဝေဖန်သူတချို့က ဆိုပါတယ်။ ဒါပေမယ့် ပရိသတ်သိန်းချီရှိနေတဲ့ ဇီနီယာဒယ်လီရဲ့ တနှစ်ပြည့် ဒီမင်္ဂလာပွဲ ရုပ်သံဗွီဒီယိုဖိုင်ကတော့ နာမည်ကြီးနေခဲ့ပါတယ်။

A d v e r t i s e m e n t With Us

More News
Up