တပ်မတော်လေယာဉ်ပျက်ကျမှုနှင့်ပတ်သက်ပြီး ဝမ်းနည်းကြောင်း သမ္မတရုံးကြေညာ
DVB
·
June 8, 2017
တပ်မတော်သယ်ယူပို့ဆောင်ရေးလေယာဉ် မတော်တဆမှုဖြစ်စဉ်နဲ့ ပတ်သက်ပြီး သေဆုံး ပျောက်ဆုံးနေသူတွေရဲ့ မိသားစု၊ ဆွေမျိုး၊ မိတ်ဆွေသူငယ်ချင်းတွေနဲ့ ထပ်တူထပ်မျှ ပူပန်ဝမ်းနည်းကြေကွဲရပါကြောင်း နိုင်ငံတော်သမ္မတရုံးက ဒီကနေ့ ကြေညာပါတယ်။
တပ်မတော်လေယာဉ်ကို ရှာဖွေကယ်ဆယ်ရေးနဲ့ ကူညီထောက်ပံ့မှုတွေ ဆက်လက် ဆောင်ရွက်သွားမယ်လို့လည်း သတင်းထုတ်ပြန်ထားပါတယ်။
ပျောက်ဆုံးသွားခဲ့တဲ့ တပ်မတော်ပို့ဆောင်ရေး Y-8 လေယာဉ်ရဲ့ အစိတ်အပိုင်းတချို့နဲ့ ရုပ်အလောင်း ၁၀ လောင်းကို ဒီကနေ့မနက်က တွေ့ရှိထားပြီဖြစ်တယ်လို့ တပ်မတော်ကာကွယ်ရေးဦးစီးချုပ်ရုံးက ထုတ်ပြန်ထားပါတယ်။
ကျောက်နီမော်ကျေးရွာရဲ့ အနောက်ဘက် ၁၄ မိုင်၊ လောင်းလုံမြိုရဲ့ အနောက်တောင်ဘက် ၂၂ မိုင် ပင်လယ်ပြင်မှာ လေယာဉ်ဘီးလို့ ယူဆရတဲ့ တာယာကွင်းတခု၊ အမျိုးသားရုပ်အလောင်းတလောင်း၊ အမျိုးသမီးရုပ်အလောင်းတလောင်း၊ ကလေးရုပ်အလောင်းတလောင်း၊ အသက်ကယ်အင်္ကျီ ၂ ထည်နဲ့ အဝတ်အစားထည့်တဲ့ အိတ်တချို့ကို မနက် ၈ နာရီလောက်မှာ ကနဦး ရှာဖွေတွေ့ရှိခဲ့တာပါ။
မနက် ၁၁ နာရီလောက်မှာတော့ ရှာဖွေကယ်ဆယ်ရေးလုပ်ငန်း ဝိုင်းဝန်းကူညီ လုပ်ဆောင်ပေးနေတဲ့ ဒေသခံ ငါးဖမ်းစက်လှေတွေကလည်း ရုပ်အလောင်း ၇ လောင်းကို ဆယ်ယူရရှိပြီး တပ်မတော်စစ်ရေယာဉ်များထံ လာရောက်ပို့ဆောင်ပေးခဲ့တယ်လို့ ဆိုပါတယ်။
လက်ရှိအချိန်ထိ အမျိုးသားရုပ်အလောင်း ၁ လောင်း၊ အမျိုးသမီးရုပ်အလောင်း ၅ လောင်းနဲ့ ကလေးရုပ်အလောင်း ၄ လောင်း စုစုပေါင်း ရုပ်အလောင်း ၁၀ လောင်း ရှာဖွေတွေ့ရှိထားတယ်လို့ တပ်မတော်သတင်းအရ သိရပါတယ်။
ထို့အတူ တပ်မတော်(လေ)က ကင်းထောက်လေယာဉ်တစီးကလည်း ထားဝယ်မြို့ အနောက်တောင်ဘက် ရေမိုင် ၁၆ မိုင်ခန့်အကွာ ပင်လယ်ပြင်မှာ လေယာဉ်ဆီကွက်တွေ တွေ့ရှိရလို့ တပ်မတော်(ရေ)က စစ်ရေယာဉ်တွေ သွားရောက်ရှာဖွေနေပါတယ်။
