တောင်ဥက္ကလာပမြို့နယ်ရှိ ကျူးကျော် ၃၀၀၀ ခန့်ကို စမတ်ကတ် ထုတ်ပေးမည်
အာကာ
·
June 6, 2017
တောင်ဥက္ကလာပမြို့နယ်ထဲက ကျူးကျော် ၃၀၀၀ ဝန်းကျင်ကို ဇွန်လ ၈ ရက်နေ့မှာ စမတ်ကတ်တွေ ထုတ်ပေးသွားမှာ ဖြစ်ပါတယ်။
တောင်ဥက္ကလာပမြို့နယ်ထဲက ကျူးကျော်တွေကို မူလက ဒီနေ့ ဇွန်လ ၆ ရက်နေ့မှာ စမတ်ကတ်တွေ စထုတ်ပေးဖို့ စီစဉ်ခဲ့တာပါ။
တောင်ဥက္ကလာပမြို့နယ် တိုင်းဒေသကြီး (၂) ကိုယ်စားလှယ် ဦးမိုးမြင့်က “ဇွန်လ ၈ ရက်နဲ့ ၉ ရက်နေ့တွေမှာ ထုတ်ပေးဖို့ ပြောင်းလိုက်ပါတယ်။ တောင်ဥက္ကလာပမြို့နယ်တခုလုံးမှာ တိုင်းဒေသကြီး နှစ်ဖက်က ကျူးကျော်တာ ပိုများပါတယ်။ မြို့နယ်တခုလုံးအနေနဲ့ ကျူးကျော် ၃၀၀၀ လောက်ရှိပါတယ်” လို့ ဒီဗွီဘီကို ပြောပါတယ်။
ရန်ကုန်တိုင်းဒေသကြီးထဲက ကျူးကျော်တွေ၊ ကျူးကျော်နေထိုင်သူများ ဖြစ်ကြောင်း အသိအမှတ်ပြု စမတ်ကတ်တွေကို အဖွဲ့ ၈ ဖွဲ့နဲ့ ထုတ်ပေးနေတာ ဖြစ်ပါတယ်။
စမတ်ကတ်တွေကို မြို့နယ်၁၃ မြို့နယ်က ကျူးကျော်တွေကို ထုတ်ပေးပြီးစီးခဲ့ပြီး ၁၄ မြို့နယ် ကျန်ရှိနေပါတယ်။
တိုင်းဒေသကြီးအစိုးရရဲ့ ထုတ်ပြန်ချက်အရ ရန်ကုန်တိုင်းဒေသကြီးမှာ ကျူးကျော် အိမ်ထောင်စု ၁၁၀၀၀၀ ကျော် လူဦးရေ ၃၃၀၀၀၀ ကျော် ရှိတယ်လို့ သိရပါတယ်။