ဖိလစ်ပင်း၊ အိုင်အက်စ်ရန်စွယ်နဲ့ အန္တရာယ်
DVB
·
June 5, 2017
အင်အားဒါဇင် အတော်မျာများရှိတဲ့ နိုင်ငံခြား ဂျီဟတ်တိုက်ခိုက်ရေးသမားတွေဟာ အစ်စ်လမ်မစ်နိုင်ငံလို့ခေါ်တဲ့ အကြမ်းဖက် အစွန်းရောက်ဝါဒီတွေအပါ် တိမ်းညွှတ်ကြသူတွေနဲ့ တွဲပြီး လွန်ခဲ့တဲ့ သီတင်းပတ်ကစပြီး ဖိလိပင်း လုံခြုံရေးတပ်ဖွဲ့တွေကို ဆန့်ကျင်တိုက်ခိုက်နေခဲ့ကြတာကို ကမ္ဘာ့စာနယ်တွေနဲ့ မီဒီယာသတင်းတွေမှာ တွေ့မြင်လာခဲ့ရပါတယ်။ ဒါဟာ မကျေမနပ်ဖြစ်နေကြတဲ့ ဖိလိပိုင်တောင်ပိုင်းဒေသဟာ အစွန်းရောက်တိုက်ခိုက်ရေးသမားတွေရဲ့ အာရှဗဟိုချက်မ အဖြစ် အလျင်အမြန် ဖြစ်လာနေပြီလို့ ပြောရမယ့် အခြေအနေ ရောက်လာနေပြီ ဆိုတာကို ပြသလိုက်တာပါပဲလို့ ဆိုပါတယ်။
ဖိလိပင်း ထောက်လှမ်းရေးသတင်းရင်းမြစ်တခုအရ လွန်ခဲ့တဲ့ သီတင်းပတ် အင်္ဂါနေ့က အင်အား ၄ဝဝ ကနေ ၅ဝဝ လောက်ရှိတဲ့ တိုက်ခိုက်ဖျက်ဆီးရေးသမားတွေဟာ မင်ဒါနောင်ကျွန်းပေါ်က မာရာဝီမြို့ကို အချိန်တိုအတွင်း တိုက်ခိုက်သိမ်းပိုက်လိုက်ကြ ပါတယ်။ အဲဒီအုပ်စုထဲမှာ မကြာသေးခင်ကပဲ အရှေ့အလယ်ပိုင်းဒေသက နိုင်ငံတွေ အပါအဝင် နိုင်ငံရပ်ခြားက အင်အား ၄ဝ လောက် ရောက်ရှိလာခဲ့ကြတယ်လို့ ပြောပါတယ်။ အဲဒီရင်းမြစ်ရဲ့ အဆိုအရ အင်ဒိုနီးရှား၊ မလေးရှားတွေအပြင် အနည်းဆုံး ပါကစ္စတန်တယောက် ဆော်ဒီတယောက်၊ ချီချင် တယောက်၊ ယီမင်နီ တယောက်၊ အိန္ဒိယ တယောက်နဲ့ တူရကီ ပတ်စ်ပို့စ် ကိုင်ဆောင်ထားတဲ့ မရော့ကို နိုင်ငံသားတယောက် ပါဝင်တယ်လို့ သိရပါတယ်။
စင်ကာပူနိုင်ငံက အက်စ်ရာဂျာရတ်ထ်နမ် အပြည်ပြည်ဆိုင်ရာ လေ့လာရေး ကျောင်းက လုံခြုံရေးဘက်ဆိုင်ရာ ကျွမ်းကျင်သူတဦးဖြစ်တဲ့ ရိုဟင် ဂူနာရတ်ထ်နာ ကတော့ “အိုင်အက်စ်တွေဟာအီရတ်နဲ့ ဆီးရီးယားနိုင်ငံတွေမှာ အင်အား လျော့ပါးလာနေပြီး အာရှဒေသ အစိတ်အပိုင်းတချို့နဲ့ အရှေ့အလယ်ပိုင်း ဒေသတွေဘက်ကို ဖြန့်ခွဲ တိုးဝင်လာနေပါတယ်။ သူတို့ ဖြန့်ထုတ်လာတဲ့ ဒေသတွေထဲက ဒေသတခုကတော့ အာရှနဲ့ ဖိလိပင်းဟာ ဆွဲဆောင်အားရဲ့ ဗဟိုချက်မ နေရာဖြစ်လာပါတယ်” လို့ ပြောကြားခဲ့ပါတယ်။ တကယ်တော့ အစ်စ်လမ်မစ်နိုင်ငံ တိုက်ခိုက်ရေးသမားတွေနဲ့ သူ့ရဲ့လှုပ်ရှားမှုတွေမှာ တွဲဖက်ပါဝင်တဲ့ အုပ်စုတွေဟာ လွန်ခဲ့တဲ့ ၂ နှစ်လောက်စပြီး အရှေ့တောင်အာရှတခွင်မှာ တိုက်ခိုက်မှုတွေ လုပ်ခဲ့တယ်လို့ ဝန်ခံပြောဆိုခဲ့ပါတယ်။
ဖိလိပင်းတောင်ပိုင်း မာရာဝီ တိုက်ပွဲကတော့ ပထမဆုံး အချိန်ယူပြီး ဖိလိပိုင်လုံခြုံရေးတပ်ဖွဲ့တွေနဲ့ ထိပ်တိုက်ရင်ဆိုင်တိုက်ခိုက်ခဲ့တဲ့ တိုက်ပွဲဖြစ်ပါတယ်။ မနှစ်ကလည်း ဆီးရီးယားနိုင်ငံအတွင်းမှာ တိုက်ပွဲဝင်နေကြတဲ့ အရှေ့တောင်အာရှ စစ်သွေးကြွ တိုက်ခိုက်ရေးသမားတွေက ဗီဒီယိုတခုကို ထုတ်ပြီး သူတို့နိုင်ငံတွေမှာ ရှိနေတဲ့ တိမ်းညွှတ်သူတွေကို ဆီးရီးယားကို လာပြီးပူးပေါင်းဖို့ထက် ဖိလိပိုင်တောင်ပိုင်းက တိုက်ခိုက်မှုမှာ ပူးပေါင်းပါဝင်ပြီး ကိုယ့်ဒေသမှာပဲ တိုက်ပွဲဝင်ကြဖို့ တိုက်တွန်း ပြောကြားခဲ့တာ တွေ့ရပါတယ်။ ဒါကိုကြည့်ရင် အိုင်အက်စ်တွေဟာ သူတို့ရဲ့ တိုက်ခိုက်ရေးသမားတွေကို နိုင်ငံတကာကို ဖြန့်ကြက်စေလွှတ်တိုက်ခိုက်နေသလို သူတို့ ဦးတည်ထားတဲ့ ဒေသတွေက အိုင်အက်စ် တိမ်းညွတ်သူတွေကို စည်းရုံးသိမ်းသွင်းပြီး ပူးပေါင်းတိုက်ခိုက် တိုက်ပွဲဆင်နေကြတယ်ဆိုတာကတော့ ပေါ်လွင်ထင်ရှားပါတယ်။
ဂျာကာတာ အခြေစိုက် အကြမ်းဖက်ဝါဒ ကျွမ်းကျင်သူ ဆစ်ဒ်နီဂျုံးက အင်တာနက် တယ်လီဂရမ် ပရိုဂရမ်စကားပြောခွက်ထဲက အသုံးပြုသူတယောက်ရဲ့ မကြာခင်က ပြောဆိုခဲ့တဲ့ ပြောစကားတချို့ကို ရိုက်တာသတင်းဌာနကို ပေးပို့ခဲ့ပါတယ်။ စကားပြော သတင်းပေးပို့ချက်မှာ သူဟာ မာရာဝီမြို့ရဲ့ အချက်အချာနေရာမှာ ရောက်နေပြီး ရန်သူစစ်သားတွေ ဝက်တွေလို ပြေးလွှားနေကြတာကို တွေ့နေရတဲ့အကြောင်းနဲ့ သူတို့ရဲ့ ညစ်ညမ်းတဲ့ သွေးတွေနဲ့ သူတို့ရဲ့ ကျဆုံးသွားတဲ့ တိုက်ပွဲဝင် ရဲဘော်ရဲဘက်တွေရဲ့ သွေးတွေ ရောနှောနေကြတဲ့ အကြောင်းလည်း ရေးသားထားတာ တွေ့ရပါတယ်။ သူကပဲ စကားပြောအုပ်စုထဲက တခြားသူတွေကို သတင်းစကားတွေကို အစ်စ်လမ်မစ်နိုင်ငံတော်ရဲ့ အာဘော်သတင်းဌာန ဖြစ်တဲ့ အမက်ခ်သတင်းအေဂျင်စီကို ပေးပို့ကြဖို့လည်း တောင်းဆိုထားခဲ့ပါသေးတယ်။ နောက် သုံးစွဲသူတယောက်ကလည်း “ဖိလိပင်းကို ဘုရားဖူးသွားကြမယ်။ တံခါးက ပွင့်နေပါပြီ” လို့ ရေးသားထားတာ တွေ့ရပါတယ်။
အဲဒီအချက်တွေကိုကြည့်ရင် အစ္စလာမ်မစ်နိုင်ငံတော် အကြမ်းဖက် တိုက်ခိုက်ရေးအဖွဲ့ဟာ သူတို့ရဲ့ အမာခံ တိုက်ခိုက်ရေးသမားတွေ အင်အား ကျဆင်းလာတဲ့အချိန်မှာ သူတို့ ရှာဖွေတွေ့ရှိထားတဲ့ သူတို့ကို တိမ်းညွတ်ထောက်ခံသူတွေ များများစားစား ရနိုင်မယ့်၊ သူတို့ ဦးတည်ချက်နဲ့လည်း ကိုက်ညီမယ့် နေရာဒေသတွေမှာ စည်းရုံးသိမ်းသွင်းရေးလုပ်ငန်းတွေကို လျှို့လျှို့ဝှက်ဝှက် လုပ်ဆောင်နေခဲ့သလို အတိုင်းအတာတခုထိလည်း အောင်မြင်မှု ရရှိနေခဲ့တာကို တွေ့ရပါတယ်။
အဲဒီလို အိုင်အက်စ် အကြမ်းဖက် တိုက်ခိုက်ရေးသမားတွေက ဖိလိပိုင်တောင်ပိုင်း မာရာဝီမြို့ကို တိုက်ခိုက်စီးနင်း အရပ်သားတွေကို သတ်ဖြတ် ကွပ်ညှပ် ထိန်းသိမ်းမှု လုပ်နေကြတာကို ချေမှုန်းနှိမ်နှင်းဖို့ ဖိလိပိုင်အစိုးရက သူ့ရဲ့ လုံခြုံရေးတပ်ဖွဲ့ အလုံးအရင်းကို စေလွှတ်တိုက်ခိုက်ခဲ့ပါတယ်။ ပြီးခဲ့တဲ့အပတ် ကြာသပတေးနေ့ တိုက်ပွဲ တတိယနေ့မှာတော့ ဖိလိပိုင်အစိုးရတပ်တွေက တင့်ကားတွေနဲ့ လေကြောင်းက တိုက်ခိုက်မှုတွေ သုံးပြီး အိုင်အက်စ်တွေနဲ့ ဆက်နွှယ်နေတဲ့ မာရာဝီမြို့မှာရှိနေတဲ့ မောင်တီးအကြမ်းဖက်အုပ်စုအဖွဲ့ကို ပိုပြီးပြင်းထန်တဲ့ တိုက်ခိုက်ချေမှုန်းမှုတွေ လုပ်ခဲ့တဲ့အတွက် ပြင်းထန်တဲ့ အကြမ်းဖက်တိုက်ခိုက်မှုတွေ ပေါက်ကွဲ ဖြစ်ပေါ်ခဲ့ပါတယ်။
ဖိလိပင်း အစိုးရတပ်ဖွဲ့ရဲ့ ပြောရေးဆိုခွင့်ရှိသူ ဒုဗိုလ်မှူးကြီး ဂျိုအာဟာရေရာကတော့ “အင်မတန် တိကျစိစစ်တဲ့ လေကြောင်းတိုက်ခိုက်မှုတွေ” ကို ဟယ်လီကော့ပ်ပတာတွေသုံးပြီး ပြုလုပ်ခဲ့ပြီး အစိုးရတပ်ဖွဲ့တွေနဲ့ ပဋိပက္ခဖြစ် တိုက်ခိုက်နေကြတဲ့ လက်ကျန် အကြမ်းဖက်အုပ်စုဝင် ၃ဝ ကနေ ၄ဝ လောက်ကို ဖယ်ရှားရှင်းလင်းပစ်ခဲ့ပြီး အနည်းဆုံး ၂၁ ယောက်ကို သုတ်သင်နိုင်ခဲ့တယ်လို့ ဆိုပါတယ်။ မာရာဝီမြို့ကိုလည်း ဝိုင်းရံပိတ်ဆို့ထားနိုင်ခဲ့ပြီလို့ ဆိုပါတယ်။
ဖိလိပိုင်အစိုးရသတင်းရပ်ကွက်တွေနဲ့ နိုင်ငံတကာမီဒီယာတွေရဲ့ အဆိုအရ အကြမ်းဖက် အိုင်အက်စ်တွေ လက်ထဲမှာ ပိတ်မိနေတဲ့ အရပ်သားပြည်သူလူထု တချို့ကိုလည်း ကယ်ထုတ်နိုင်ခဲ့၊ ကယ်ထုတ်နေဆဲ ဖြစ်ပါတယ်။
အမေရိကန်သမ္မတ အိမ်ဖြူတော်က အဲဒီကြာသပတေးနေ့က ထုတ်ပြန်ခဲ့တဲ့ ထုတ်ပြန်ကြေညာချက်တခုမှာ… “အကြမ်းဖက်သမားတွေက သတ္တိကြောင်ကြောင်နဲ့ပဲ ဖိလိပိုင် တရားဥပဒေ ထိန်းသိမ်းစောင့်ရှောက်ရေးအရာရှိတွေကို သတ်ဖြတ်ပစ်ခဲ့ပြီး အပြစ်မရှိတဲ့ နိုင်ငံသားတွေရဲ့ အသက်ကိုလည်း ခြိမ်းခြောက်ခဲ့တယ်လို့ ဖော်ပြထားပါတယ်။ ဒီ့အပြင် ဖိလိပိုင်တွေရဲ့ အကြမ်းဖက်ဝါဒ ဆန့်ကျင်ရေး အားထုတ် ကြိုးပမ်းမှုတွေကို ဖိလိပိုင်တွေအတွက် ဂုဏ်ယူ အရာကောင်းတဲ့ မဟာမိတ်နိုင်ငံတခုအဖြစ် ကူညီပံ့ပိုးပေးသွားမှာဖြစ်ကြောင်း ဖော်ပြထားခဲ့ပါတယ်။
ဖိလိပိုင်အစိုးရရဲ့ အိုင်အက်စ်တပ်ဖွဲ့တွေကို တိုက်ခိုက်မှုဟာ ပြီးခဲ့တဲ့အပတ် အင်္ဂါနေ့က အစ်စ်နီလန်ဟာပီလန်လို့ ခေါ်တဲ့ အဘူဆေးရစ် အစွန်းရောက် အကြမ်းဖက် အုပ်စုရဲ့ ခေါင်းဆောင်တယောက် ခိုအောင်းနေတဲ့ အိမ်တလုံးကို ဝင်ရောက်စီးနင်းတိုက်ခိုက်မှုနဲ့ စတင်ခဲ့တာဖြစ်ပါတယ်။ အဲဒီ ဟာပီလန် ဆိုသူဟာ အရှေ့တောင်အာရှ အိုင်အက်စ်အဖွဲ့တွေရဲ့ အဓိကပုဂ္ဂိုလ်တယောက် ဖြစ်တယ်လို့ ယူဆရတဲ့ ခေါင်းဆောင်တယောက် ဖြစ်ပါတယ်။ နောက် သူဟာ အမေရိကန်နိုင်ငံ ပြည်ထောင်စု စုံစမ်းစစ်ဆေးရေးအဖွဲ့ (FBI) က အလိုရှိနေသူ စာရင်းဝင်တယောက်လည်း ဖြစ်ပါတယ်။
ဒါပေမယ့် အဲဒီစီးနင်းတိုက်ခိုက်မှုမှာ ဟာပီလန်ကို ဖမ်းဆီးရမိခဲ့ခြင်းမရှိဘဲ လမ်းတွေကို လွှမ်းမိုးထားနိုင်တဲ့ စစ်သွေးကြွအုပ်စုတွေရဲ့ အပြင်းအထန် ပြန်လည်တိုက်ခိုက်မှုကို ခံခဲ့ရပါတယ်။ ပုလိပ်တပ်ဖွဲ့ဝင်တဦး ခေါင်းဖြတ် အသတ်ခံရပြီး ကက်သလစ် ဘုန်းကြီးတပါးနဲ့ ဝတ်ပြု လာသူ အတော်များများဟာ တန်ဆာခံအဖြစ် ဖမ်းဆီးခံခဲ့ရပါတယ်။ တမြို့လုံး အိုင်အက်စ်အလံတွေ လွင့်နေခဲ့ပြီး အဆောက်အဦတွေ မီးရှို့ခံခဲ့ရတယ်လို့ သတင်းမီဒီယာတွေက ဆိုပါတယ်။
ဖိလိပိုင်သမ္မတ ရိုဒရီဂို ဒူတာတေးကတော ဗုဒ္ဓဟူးနေ့က မင်ဒါနောင်ကျွန်းပေါ်မှာ စစ်အုပ်ချုပ်ရေးကြေညာခဲ့ပြီး အဲဒီအမိန့်ဟာ ကျန်တဲ့ တနိုင်ငံလုံးအထိလည်း တိုးချဲ့သွားနိုင်တယ်လို့ ပြောကြားခဲ့ပါတယ်။
ဖိလိပိုင်သမ္မတ ဒူတာတေးက သူ့ရဲ့ရုရှား နိုင်ငံခရီးစဉ်အပြီးမှာ “အဲဒါကို အစိုးရက အဆုံးသတ်ပစ်ရမှာပါပဲ။ ကျနော်က အိုင်အက်စ်တွေနဲ့ အလောင်းအစား မလုပ်နိုင်ပါဘူး။ ဘာလို့ဆိုတော့ သူတို့က နေရာအနှံ့မှာ ရှိနေခဲ့လို့ပါပဲ။ ခင်ဗျားတို့က ဘာတွေ ဖြစ်နေတယ်ဆိုတာ သိမှာပါ။ ဒါမှမဟုတ် အရှေ့အလယ်ပိုင်းမှာ ဘာတွေ ဖြစ်ပျက်နေတယ် ဆိုတာကို ခင်ဗျားတို့ အများကြီး သိမြင်သဘောပေါက်ထားရပါမယ်” လို့ ပြီးခဲ့တဲ့ ဗုဒ္ဓဟူးနေ့က သတင်းထောက်တွေကို ပြောကြားခဲ့ပါတယ်။
အငြင်းပွားစရာ ဖြစ်နေတဲ့ သမ္မတက ဖိလိပိုင်နိုင်ငံကို ၁၉၇၂ နှစ်က စစ်အုပ်ချုပ်ရေး ၁ဝ နှစ်နီးပါးကြာ ချမှတ်ပြဋ္ဌာန်းခဲ့ပြီး အဲဒီကာလအတွင်း နှိပ်စက်ညှဉ်းပန်းမှု၊ ဥပဒေပ သတ်ဖြတ်မှုတွေ၊ လူ့အခွင့်အရေး ချိုးဖောက်မှု၊ အကျင့်ပျက်မှု၊ ခြစားလောက်ကိုက်မှုတွေ အများကြီး ကျူးလွန်ခဲ့တဲ့ ကာလအဖြစ် လူတွေက သဘောထား သတ်မှတ်ခံခဲ့ရတဲ့ ကာလကို ပြန်ပြောင်းပြောဆိုပြီး… “ဒါဟာ သမ္မတမားကိုစ် လုပ်ခဲ့တာတွေနဲ့ ဘာမှ မကွာခြားပါဘူး” လို့ သူ့ရဲ့ရုရှားနိုင်ငံကနေ မနီလာအပြန်ခရီးမတိုင်ခင် ထုတ်လွှင့်ခဲ့တဲ့ တိုက်ရိုက်ရုပ်သံထုတ်လွှင့်မှု တခုမှာ ပြောဆိုခဲ့ပါတယ်။ ဒါကို လူ့အခွင့်အရေး အုပ်စုတွေက ချက်ချင်းပဲ နှိုင်းယှဉ်ဝေဖန် ပြောဆိုခဲ့ကြပါတယ်။ လူ့အခွင့်အရေးစောင့်ကြည့်ရေးအဖွဲ့ရဲ့ ဥပဒေရေးရာနဲ့ မူဝါဒရေးရာ ဒါရိုက်တာ ဂျိမ်းစ်ရော့စ်က “ဖာဒီနန်မားကိုစ် လက်အောက်မှာ စစ်ဥပဒေနဲ့ အုပ်ချုပ်တာကို ခံခဲ့ရတဲ့ ဖိလိပိုင်နိုင်ငံသားတွေအဖို့ ဒူတာတေးရဲ့အရင်က အာဏာရှင်ဟောင်းကြီးကို ကိုးကားပြီး ခပ်ပေါ့ပေါ့ ပြောလိုက်တဲ့ အပြောဟာ အထူးသဖြင့် သတိပေးလိုက်တာ ဖြစ်တယ်” လို့ ပြောကြားခဲ့ပါတယ်။
ဖိလိပိုင်နိုင်ငံမှာ ခုကြုံတွေ့နေရတဲ့ အိုင်အက်စ် အကြမ်းဖက်သမားတွေရဲ့ ခြိမ်းခြောက်တိုက်ခိုက်မှုကို လက်ရှိနိုင်ငံအတွင်း မူးယစ်ဆေးဝါး တိုက်ဖျက်ရေးကို အကြောင်းပြုပြီး လူ့အခွင့်အရေးတွေကို ချိုးဖောက်၊ အပြောကြမ်းကြမ်းနဲ့ ခပ်ကြမ်းကြမ်း အုပ်ချုပ်လာတဲ့ သမ္မတ ဒူတာတေး ကိုင်တွယ် ဖြေရှင်းနိုင်ပါ့မလား။
ဖြေရှင်းဖို့ လုပ်ဆောင်ရင်း နိုင်ငံသားတွေရဲ့ လူ့အခွင့်အရေး ဒီမိုကရေစီရေးတွေကို ရော ထိပါးခြိမ်းခြောက်လာလေဦးမလား။ ဖိလိပိုင်ပြည်သူတွေအဖို့ကတော့ ရင်မောစရာ အခြေအနေပဲ ဖြစ်ပါတယ်။
စိုးနေလင်း
