ချောက်မြို့တွင် ဆီတင်စက်လှေတစီး မီးလောင်ပေါက်ကွဲ (ရုပ်သံ)
DVB
·
May 26, 2017
မကွေးတိုင်းဒေသကြီး ချောက်မြို့ အမှတ် ၇ ရွာဟောင်းအနီး ဧရာဝတီမြစ်ကြောင်းမှာ ဆီပေပါတွေ တင်ဆောင်လာတဲ့ စက်လှေတစီး မီးလောက်ပေါက်ကွဲမှု ဖြစ်ပွားခဲ့ပြီး လူတွေတော့ ထိခိုက်ဒဏ်ရာရခဲ့ခြင်း မရှိပါဘူး။
မေ ၂၅ ရက် ည ၈ နာရီကျော်မှာ စက်လှေမီးလောင်ပြီး မြစ်ကြောင်းတလျှောက် မျောနေလို့ ချောက်မြို့နယ် မီးသတ်တပ်ဖွဲ့ဝင်တွေ၊ ချောက်မြို့နယ် လူမှုရေးအသင်းအဖွဲ့တွေက ဝိုင်းဝန်းငြှိမ်းသတ်ခဲ့ရာ ချောက်မြို့နယ် တောင်ဘက် စလေအနီး ည ၁၁ လောက်မှာ မီးညွန့်ကျိုးသွားတယ်လို့ မြို့မရဲစခန်း တာဝန်ရှိသူတဦးက ပြောပါတယ်။
ပခုက္ကူမြို့နယ်၊ လမ်းရွာကျေးရွာအုပ်စု၊ ထန်းခြောက်ပင်ကျေးရွာနေ စက်လှေပိုင်ရှင် ဦးထွေးမောင် မောင်းနှင်လာတဲ့ `ရွှေငွေထွန်း´ အမည်ရှိ ရှပ်ပြေးယာဉ်အမျိုးအစား ၆ လုံးထိုး မီးခိုးရောင်စက်လှေဟာ ရေနံချက်ဆီပေပါ အလုံး ၂၀ တင်ဆောင်ကာ ချောက်မြို့ကို မောင်းနှင်လာစဉ် ညောင်ဦးမြို့နယ် စဥ့်ကူကျေးရွာအနီးအရောက်မှာ စက်ပျက်သွားခဲ့တာပါ။
စက်ပျက်ပြီး မျောလာခဲ့ရာကနေ ချောက်မြို့ အမှတ် ၇ ရွာဟောင်းအနီးမှာ စက်ပြန်နှိုးနေစဉ် ဒိုင်နမိုကနေ မီးကူးပြီး စတင်လောင်ကျွမ်းခဲ့တာ ဖြစ်ပါတယ်။
စက်လှေပေါ်ပါသူတွေ ရေထဲခုန်ချ ထွက်ပြေးခဲ့လို့ လူထိခိုက်မှုတော့ မရှိခဲ့ဘူးလို့ ချောက်မြို့မရဲစခန်း တာဝန်ရှိသူက ပြောပါတယ်။
မီးလောင်မှုကြောင့် စက်လှေအပါအဝင် ကျပ်ငွေ သိန်း ၁၅၀ ဖိုးလောက် ဆုံးရှုံးခဲ့ရပြီး စက်လှေပိုင်ရှင် ဦးထွေးအောင်ကို ချောက်မြို့ မြို့မရဲစခန်းမှာ ဥပဒေနဲ့အညီ စစ်ဆေး အရေးယူနေပါတယ်။
သတင်း ရုပ်သံ - Jame Ko
