ဖြူးမြို့တွင် ကားနှင့်ဆိုင်ကယ် မျက်နှာချင်းဆိုင်တိုက်၊ ၁ ဦးသေ
DVB
·
May 20, 2017
ပဲခူးတိုင်းဒေသကြီး၊ ဖြူးမြို့မှာ မေလ ၁၉ ရက်နေ့ ည ၁၂ နာရီလောက်က ကားနှင့် ဆိုင်ကယ်မျက်နှာချင်းဆိုင်တိုက်မိပြီး ဆိုင်ကယ်မောင်းနှင်လာသူအမျိုးသားတစ်ဦး သေဆုံးသွားခဲ့ တယ်လို့ ဖြူးမြို့မ ရဲတပ်ဖွဲစခန်းက ဆိုပါတယ်။
ရန်ကုန်-မန္တလေး ကားလမ်းဟောင်းအတိုင်း ဖြူးမြို့ဘက်က ဇေယျဝတီမြို့ဘက်ကို ယာဉ်မောင်း အောင်လှိုင်မြင့် မောင်းနှင်လာတဲ့ ၂၂ ဘီးယာဉ်နဲ့ ဇေယျဝတီမြို့ဘက်က ယာဉ်မောင်း သန့်ဇင်ထူး မောင်းနှင်လာတဲ့ ဆိုင်ကယ်တို့ ရန်ကုန်-မန္တလေးလမ်းဟောင်း မိုင်တိုင်အမှတ် (၁၄၂/ ၂ နဲ့၁၄၂/၃ )အကြားမှာ မျက်နှာချင်းဆိုင်တိုက်မိခဲတာလို့ ဆိုပါတယ်။
ယာဉ်တိုက်မှုကြောင့် ဆိုင်ကယ်မောင်းသူ သန့်ဇင်ထူးဟာ အခင်ဖြစ်နေရာမှာ သေဆုံးသွားခဲ့တယ်လို့ ဆိုပါတယ်။
ဖြူးမြို့မ ရဲတပ်ဖွဲ့စခန်းက ၂၂ ဘီး ယာဉ်မောင်း အောင်လှိုင်မြင့်ကို ပုဒ်မ-၃၀၄-က နဲ့ အမှုဖွင့် အရေးယူထားတယ်လို့ သိရပါတယ်။
သတင်း-ကျော်အောင် (ကညွတ်ကွင်း )
