အိန္ဒိယနိုင်ငံမှာ ပြီးခဲ့တဲ့ သီတင်းပတ်အတွင်းက မွေးဖွားခဲ့တဲ့ မျက်လုံးတလုံးတည်းသာပါရှိတဲ့ ဆိတ်ကလေးတကောင်ကို ဒေသခံတွေက ဒဏ္ဍာရီလာ နတ်ဘီလူးတပါးအဖြစ် ကိုးကွယ်နေကြပါတယ်။
ဒီအဖြစ်အပျက်ဟာ အိန္ဒိယနိုင်ငံ အရှေ့မြောက်ပိုင်းပြည်နယ်တခုဖြစ်တဲ့ အက်စ်ဆမ်ပြည်နယ်မှာ ဖြစ်ခဲ့တာလို့ မက်ထရိုသတင်းတပုဒ်မှာ မေလ ၁၈ ရက်နေ့က ဖော်ပြပါတယ်။
အဲဒီဆိတ်ကလေးရဲ့ မျက်လုံးဟာ နဖူးအလယ်တည့်တည့်မှာ ရှိနေပြီး ဒါဟာ အိန္ဒိယနိုင်ငံရဲ့ ရိုးရာယုံကြည်မှုတွေအရ ဒဏ္ဍာရီလာ နတ်ဘီလူးတပါးရဲ့ သွင်ပြင်လိုဖြစ်နေတာမို့ လာရောက်ကြည့်ရှု ဆုတောင်းနေကြတာပါ။
တိရစ္ဆာန်ဆေးကုဆရာဝန်တွေကတော့ ဒါဟာ မျိုးဗီဇပြောင်းလဲမှုတမျိုးကြောင့် ခုလိုမွေးဖွားခဲ့တာဖြစ်ပြီး မကြာခင်မှာ သေဆုံးသွားနိုင်တယ်လို့ ခန့်မှန်းထားခဲ့ကြပါတယ်။
ဆိတ်ကလေးရဲ့ ပိုင်ရှင်ဖြစ်တဲ့ မူခူရီဒက်စ်ကတော့ “ကျနော် တော်တော် တုန်လှုပ်သွားခဲ့ရတယ်ဗျ။ ဒါဟာ ဒဏ္ဍာရီလာ အဖြစ်အပျက်တခုပဲဖြစ်ပြီး လူတွေဟာ ကျနော့်အိမ်ကို အများကြီး လာကြည့်နေကြပါတယ်။ သူ့ကို ပြုစုစောင့်ရှောက်ဖို့က ကျနော့်တာဝန်ပါပဲ။ သာမန် တခြားဆိတ်တွေလိုပဲ မွေးမြူသွားမှာပါ” လို့ ပြောပါတယ်။
သူက ခုလိုမွေးဖွားလာတဲ့ ဆိတ်ကလေးဟာ ကောင်းခြင်းမင်္ဂလာတွေ ယူဆောင်လာမယ်လို့ ယုံကြည်နေတာဖြစ်ပြီး “ဒါဟာ ဘုရားသခင်က ချီးမြှင့်တဲ့ တစုံတရာပါပဲ။ လူတွေအများကြီး ကျနော့်အိမ်ကို လာရောက်ကြတယ်။ ဒါဟာ ကျနော်တို့ကို ကျော်ကြားစေတာပါပဲ” လို့ ပြောပါတယ်။
