ဘူးသီးတောင်တွင် မျက်နှာဖုံးစွပ်လူအုပ်စုက ရာအိမ်မှူးတဦးကို ခေါင်းဖြတ်သတ်
DVB
·
May 19, 2017
ရခိုင်ပြည်နယ်၊ ဘူးသီးတောင်မြို့နယ်၊ ကျောင်းတောင်အုပ်စု၊ ပုဇွန်ချောင်းကျေးရွာမှာ ဒီနေ့ မနက် ၃ နာရီက ရာအိမ်မှူးတဦး ခေါင်းဖြတ်သတ်ခံရပြီး ဆယ်အိမ်မှူးတဦးလည်း ပျောက်ဆုံးနေတယ်လို့ နယ်ခြားစောင့်ရဲတပ်ဖွဲ့က ပြောပါတယ်။
ပုဇွန်ချောင်းရွာမှာ ရာအိမ်မှူးတာဝန်ဆောင်ရွက်ခဲ့ဖူးတဲ့ အသက် ၄၅ နှစ်အရွယ် နိုရူဆလင်ရဲ့ နေအိမ်ကို မေလ ၁၉ ရက် မနက် ၃ နာရီအချိန်က အနက်ရောင် မျက်နှာဖုံးစွပ် လူ ၃၀ လောက်ရောက်လာပြီး နိုရူဆလင်ကို ဆွဲခေါ်သတ်ဖြတ် သွားခဲ့တာလို့ တောင်ဘဇာ နယ်ခြားစောင့်ရဲတပ်ဖွဲ့ စခန်းမှူး ဒုရဲမှူးထွန်းလှိုင်က ပြောပါတယ်။
“အိပ်နေတုန်း အိမ်ရှေ့က ရာအိမ်မှူးဆိုပြီး ခေါ်သံကြားလို့ သေတဲ့သူရဲ့ မိန်းမ ရောကီမာခါတူက နိုရူဆလင်ကိုနှိုးတယ်၊ အဲဒီတော့ လင်ဖြစ်တဲ့သူက အိပ်ရာကထပြီး တံခါးဖွင့်တာနဲ့ မျက်နှာဖုံးစွပ်လူတွေတက်လာပြီး သူ့ယောက်ျားကို ဖမ်းခေါ်သွားပြီး အိမ်နောက်ဘက်မှာ ဓားနဲ့ခုတ်သတ်လိုက်တယ်လို့ လာပြီး တိုင်ချက်ဖွင့်တာပါ။ ဒါကြောင့် တောင်ဘဇာရဲစခန်းက အမှုဖွင့်ထားပါတယ်။"
သေဆုံးသူ နိုရူဆလင်ရဲ့အလောင်းကို ပုဇွန်ချောင်းရွာ၊ သူ့နေအိမ်ရဲ့အနောက်ဘက်မှာ လည်ပင်းပြတ်ထွက်၊ ညာဘက်လက် ပြတ်ထွက်ဒဏ်ရာတွေနဲ့ သေဆုံးနေတာကို တွေ့ရပြီး အလောင်းကို လိုအပ်တဲ့ စစ်ဆေးချက်တွေ ဆောင်ရွက်နေတယ်လို့ ဆိုပါတယ်။
အသတ်ခံရသူဟာ တပ်မတော်စစ်ကြောင်း၊ နယ်ခြားစောင့်ရဲတပ်ဖွဲ့တွေရဲ့ လူစိမ်းအ၀င်အထွက် စစ်ဆေးတဲ့ကိစ္စတွေမှာ ပါဝင်ဆောင်ရွက်ခဲ့တာကြောင့် သတ်ဖြတ်ခံရတာဖြစ်နိုင်ကြောင်း ရဲက ယူဆထားပါတယ်။
နိူရူဆလင် သတ်ဖြတ်ခံရတဲ့ အချိန်မှာပဲ ပုဇွန်ချောင်းရွာက ဆယ်အိမ်မှူးဖြစ်သူ မော်ဇီရာမာန် လည်း နေအိမ်မှာ မရှိဘဲ ပျောက်ဆုံးနေပြီး သူဘာကြောင့် ပျောက်ဆုံးသွားတယ်၊ နိုရူဆလင် သတ်ဖြတ်ခံရတာနဲ့ ဆက်စပ်မှု ရှိမရှိ ဆိုတာ စုံစမ်းနေဆဲလို့ ဆိုပါတယ်။
နိုရူဆလင် သတ်ဖြတ်ခံရတဲ့ အမှုကို တောင်ဘဇာရဲစခန်းက (ပ) ၂၇/၂၀၁၇၊ ပုဒ်မ ၃၀၂/၃၄ နဲ့ အမှုဖွင့်ထားပြီး ပြစ်မှုကျူးလွန်သူတွေကို စုံစမ်းရှာဖွေနေတယ်လို့ တောင်ဘဇာ နယ်ခြားစောင့်ရဲစခန်းမှူးက ပြောပါတယ်။
ကျောင်းတောင်အုပ်စုမှာ မေလ ၄ ရက်နေ့ကလည်း မိုင်းပေါက်ကွဲမှုဖြစ်ခဲ့ပြီး သေဆုံးသူ အလောင်းငါးလောင်း တွေ့ရှိခဲ့သလို အကြမ်းဖက်စစ်သင်တန်းပေးနေတယ်လို့ ယူဆရတဲ့ အထောက်အထားတွေ့ထားကြောင်း အတိုင်ပင်ခံရုံးကလည်း သတင်းထုတ်ထားပါတယ်။
ရခိုင်ပြည်နယ်မှာ ၂၀၁၆ အောက်တိုဘာလ နယ်ခြားစောင့်ရဲကင်းစခန်းတွေ အကြမ်းဖက်တိုက်ခိုက်ခံရပြီးနေနာက်ပိုင်း အရပ်သား သေဆုံးသူဦးရေ ၄၀ လောက်ရှိတယ်လို့ သိရပါတယ်။
သတင်း၊ဓာတ်ပုံ-ကိုအောင်