A d v e r t i s e m e n t With Us

မမွေးဖွားခင် ကလေးငယ်များ မိခင်၏ထိတွေ့မှုကို သိရှိကြောင်း သုတေသနအသစ်ကဆို (ရုပ်သံ)

မိခင်နဲ့ ကလေးငယ်တို့ရဲ့ ဆက်သွယ်မှုကို အထောက်အကူဖြစ်စေဖို့ မိခင်တွေရဲ့ ဂရုစိုက်တို့ထိမှုက အရေးကြီးကြောင်းနဲ့ ကလေးတွေက အမိဝမ်းတွင်းမှာတောင် မိခင်တွေရဲ့ အတွေ့အထိကို မှတ်မိနိုင်တယ်လို့ သုတေသန အသစ်က ရှာဖွေတွေ့ရှိကြောင်း ဒေးလီးမေးလ်သတင်းမှာ မေလ ၁၂ ရက်နေ့က ရေးထားပါတယ်။ မိခင်တွေ ကိုယ်ဝန်ဆောင်စဉ်မှာ မိခင်က သူမရဲ့ ဝမ်းဗိုက်ကို ထိတွေ့တဲ့အခါ ဝမ်းဗိုက်တွင်းက ကလေးငယ်လေးတွေကလည်း ပြန်လည်တုံ့ပြန်ပြီး သားအိမ်နံရံကို ပြန်လည်ထိတွေ့ဖို့ ကြိုးစားနေကြတဲ့ မမွေးဖွားသေးတဲ့ ကလေးငယ်တွေရဲ့ အပြုအမူတွေကို သုတေသနလေ့လာမှုအသစ်က မှတ်တမ်းတင်ခဲ့တာပါ။ သိပံ္ပပညာရှင်သုတေသီတွေက မိခင်ရဲ့ဝမ်းဗိုက်ကို မတူညီတဲ့လူတွေရဲ့ ထိတွေ့မှုမှာ ဝမ်းတွင်းမှ ကလေးငယ်တွေ ဘယ်လို့ တုံ့ပြန်သလဲဆိုတာကို သုံးဖက်မြင် 3-D အာလ်ထရာဆောင်း ဗီဒီယိုတွေသုံး ရိုက်ကူးကြည့်ပြီး စောင့်ကြည့်နိုင်ခဲ့ကြတာပါ။ မိခင်တွေ ဝမ်းတွင်းက ကလေးငယ် ၂၈ ဦးကို မတူညီတဲ့ လူတွေဖြစ်တဲ့ မိခင်၊ ဖခင်နဲ့ သူစိမ်းတွေကို ထိတွေ့ကိုင်တွယ်စေပြီး ကလေးငယ်တွေ ဘယ်လို တုံ့ပြန်ကြသလဲဆိုတာကို လေ့လာမှတ်တမ်းတင်နိုင်ခဲ့ကြတယ်လို့ ဆိုပါတယ်။ မိခင်ရဲ့ဝမ်းဗိုက်ကို တစိမ်းတဦး ဒါမှမဟုတ် ဖခင် ပွတ်သတ်တာ၊ ဒါမှမဟုတ် ဝမ်းဗိုက်ကို ဘယ်သူကမှ မထိတွေ့တာနဲ့ နှိုင်းယှဉ်ရင် မိခင်က ဝမ်းဗိုက်ကို ပွတ်သတ်တဲ့အခါ ဝမ်းတွင်းက ကလေးငယ်လေးတွေရဲ့ တုံ့ပြန်မှုက ပိုမိုပြင်းထန်တယ်၊ ပိုမိုတာရှည်ကြောင်း တွေ့ရပြီး ဒါက ကလေးငယ်ဟာ ဘယ်သူက တို့ထိလဲဆိုတာကို သိရှိနေတာလို့ ပြောပါတယ်။ ဒီလေ့လာမှုရဲ့ ဦးဆောင်စာရေးသူဖြစ်တဲ စကော့တလန်နိုင်ငံ ဒန်ဒီတက္ကသိုလ်က စိတ်ပညာရှင် ဒေါက်တာ ဗိုင်အိုလာမာ့က်စ်က ကလေးငယ်တွေရဲ့ အပြုအမူနဲ့ ဖွံ့ဖြိုးမှုဆိုတဲ့ ဂျာနယ်ထဲမှာ လေ့လာရှာဖွေမှု အကြောင်းကို ရေးသားထားပြီး “ကိုယ်ဝန်ဆောင်နေစဉ် မိခင်လောင်းတွေ သူတို့ရဲ့ ဝမ်းဗိုက်ကို အဆက်မပြတ်နဲ့ ရည်ရွယ်ချက်ရှိရှိ တို့ထိမှုက သားလောင်းတွေနဲ့ အဆက်အသွယ် ဖြစ်စေတာပါ။ “ဘယ်လို ထိတွေ့မှုမျိုးမဆိုက သားလောင်းရဲ့ ဖွံ့ဖြိုးမှုနဲ့ မိခင် ဖခင်နဲ့ သားလောင်းတို့ရဲ့ ဆက်နွယ်မှုကို အကျိုးကျေးဇူးဖြစ်စေတယ်” လို့ ဒေါက်တာ ဗိုင်အိုလာမာ့က်စ်က ပြောပါတယ်။ ယခင်ရှာဖွေတွေ့ရှိမှုတွေအရ မိခင်တွေက မမွေးဖွားသေးတဲ့ ကလေးကို စကားပြောတဲ့အခါ ကလေးက ပြန်လည်တုံ့ပြန်တယ်၊ မွေးဖွားပြီးတော့လည်း မိခင်ရဲ့အသံကို မှတ်မိနေတာ တွေ့ရတယ်လို့ ဒေါက်တာမာ့က်စ်က ပြောပါတယ်။

A d v e r t i s e m e n t With Us

More News
Up