A d v e r t i s e m e n t With Us

ဆယ်လ်တာဗီဂိုကို နှစ်ကျော့ပေါင်းရလဒ်ဖြင့်နိုင်ပြီး မန်ယူ ယူရိုပါလိဂ်ဗိုလ်လုပွဲတက် (ရုပ်သံဟိုက်လိုက်)

မေလ ၁၁ ရက်က ယှဉ်ပြိုင်တဲ့ ယူရိုပါလိဂ် ဆီမီးဖိုင်နယ် ဒုတိယအကျော့ပွဲစဉ်မှာ မန်ယူနဲ့ ဆယ်လ်တာဗီဂိုတို့ တဘက်တဂိုးစီ သရေကျသွားပါတယ်။ ဒီနှစ်သင်း ပထမအကေျာ့ ဆယ်လ်တာဗီဂိုကွင်းမှာ ယှဉ်ပြိုင်ခဲ့စဉ် မန်ယူက တဂိုး ဂိုးမရှိနဲ့ အနိုင်ရခဲ့တဲ့အတွက် နှစ်ကျော့ပေါင်းရလဒ် ၂ ဂိုး ၁ ဂိုးနဲ့နိုင်ပြီး မန်ယူ နောက်ဆုံးဗိုလ်လုပွဲကို တက်လှမ်းသွားတာပါ။ မန်ယူ အိမ်ကွင်းမှာယှဉ်ပြိုင်တဲ့ ဒီပွဲ အဖွင့်ဂိုးကို ပွဲချိန် ၁၇ မိနစ်မှာ တိုက်စစ်မှူး ရပ်ရ်ှဖို့ဒ် ဖြတ်တင်ပေးတဲ့ဘောလုံးကို ဖယ်လိုင်နီက အနီးကပ် ခေါင်းတိုက်ပြီး သွင်းယူပေးခဲ့ပါတယ်။ ဆယ်လ်တာဗီဂိုဟာ ပထမအကျော့က တဂိုး ဂိုးမရှိနဲ့ ရှုံးနိမ့်ခဲ့သလို ဒီပွဲမှာလည်း အဖွင့်ဂိုးပေးလိုက်ရတဲ့အတွက် တိုက်စစ်ဆင်ကစားပြီး ဘောလုံးပိုင်ဆိုင်မှုအသာ၊ ဂိုးကန်သွင်းခွင့်အသာ ရခဲ့ပေမယ့် မန်ယူဂိုးသမား ရိုမယ်ရိုး လက်စွမ်းပြ ကာကွယ်နိုင်ခဲ့တဲ့အတွက်လည်း ဂိုးမရနိုင်ဘဲ ဖြစ်ခဲ့တာပါ။ ဒီ့နောက် ပွဲချိန် ၈၅ မိနစ်မှာတော့ ဆယ်လ်တာဗီဂိုတို့ ချေပဂိုးရရှိသွားပြီး ရွန်ကာလီယာက အနီးကပ် ခေါင်းတိုက်သွင်းယူပေးခဲ့ပါတယ်။ ပွဲချိန် ၈၈ မိနစ်မှာတော့ မန်ယူနောက်ခံလူ ဘိုင်လီနဲ့ ဆယ်လ်တာဗီဂိုအတွက် ချေပဂိုးသွင်းယူပေးခဲ့တဲ့ ရွန်ကာလီယာတို့ အချင်းများခဲ့ပြီး နှစ်ဦးစလုံး တိုက်ရိုက်အနီကတ်နဲ့ အထုတ်ခံခဲ့ရပါတယ်။ ဒီပွဲအတွက် အကောင်းဆုံးကစားသမားအဖြစ် မန်ယူအတွက် ဦးဆောင်ဂိုးသွင်းယူပေးခဲ့တဲ့ ဖယ်လိုင်နီကို သတ်မှတ်ခဲ့ပါတယ်။ မန်ယူအသင်းဟာ ယူရိုပါလိဂ် နောက်ဆုံးဗိုလ်လုပွဲအဖြစ် နယ်သာလန်ကလပ် အေဂျက်နဲ့ လာမယ့် မေလ ၂၄ နေ့ ယှဉ်ပြိုင်ရမှာ ဖြစ်ပါတယ်။

A d v e r t i s e m e n t With Us

More News
Up